Ayebulai 12:15 - Amazwi Yakwe Leza 2013

¹⁵ Cenjelini kuti mutafutatila cikuku cakwe Leza. Mutaleka umuntu umwi akolane wa cimuti cilule cino cikakula nu kuleta intazi zingi kwi sungwe lyaciko.

Ayebulai 12:15 Referans Kwoze

Ayebulai 3:12

Mwe inane, cenjelini kuti umwi uwa munomuli ataya nu mwenzo uwiipe uwa kuntataila, nu kufutatila Leza wa umi.

Malango 29:18

Mwensi mwemuno muli pano ilelo musininkizye ukuti pataya umonsi, nanti umwanaci, nanti amu ng'anda imwi, nanti umutundu uwakufutatila Yawe Leza witu nu kupepa tuleza twa nko zizi zyuze. Cico cikoline wa musisi waulembe uno ungalemuka nu kukola antu ndi yaulya.

Galatiya 5:4

Mwe muno mukaezya kucitwa kuya aololoke pa manso yakwe Leza pa kuyela Masunde, mwaipaatula kuli Klistu, nga nu ku cikuku cakwe.

2 Kolinto 6:1

Mu kuomba pamwi na Leza, lyene tukumupapata kuti mwapokelela cikuku cakwe Leza, mutaleka cikuku ciye caula mulimo.

2 Yoane 1:8

Cenjelini kuti mutaponzya cino mwaombela. Lelo mwezye na maka kuti mukapoke icilambu icipuma.

1 Kolinto 15:33

Mutaisomba mweisikulu. Yacuza aipe yakaonona miyele isuma.

2 Petulo 3:14

Acino, mwe yacuza, lino mucili mukulolela, mulinzile kusininkizya ukuti Mwene akamuzane akaele, aula maifyo, nu kwikala mutende pakasi kinu na Leza.

Ayebulai 4:1

Ulayo wakwe Leza wakuti tulingila mu kupuza ucilipo. Lekini tucenjele kuti kutaya nanti umwi wino alaposiwa kwingila mu kupuza kuno Leza watulaya.

1 Kolinto 5:6

Cisi cisuma ukuti mwaitumika! Uzye mutamanya vino citutumusi cinono sile cingatutumula munya wa ngano?

Yelemiya 2:21

Nemo walanga nakulema wa muti wa matingi uwa mbezu, ulondoloke. Lyene tala lola vino watuya! Uli wa muti wa matingi uole, uwa ciwelewele sile.

Mapinda 4:23

Apa vintu vyonsi uwasunga umwenzo wako. Pano umwaya intulo izikapela umi.

Ayebulai 4:11

Lekini lyene tucite consi cino tungacita kuti twingile mu kupuza kuku, pakuti kutaya umwi munotuli uwakuposiwa ndi vino cali kuli yaya pamulandu wa kuntataila kwao.

2 Kolinto 13:5

Muyezye mweisikulu pakuti muilole ndi mu cumi mukwikala mu utailo. Lelo ndi Klistu asyaikala muno muli, ale lyene mwaposiwa.

1 Kolinto 10:12

Wino wensi akwelenganya ukuti aimi nu kuzyansya, wene alinzile kutekela kuti atapona.

1 Yamwene 14:16

Acino Yawe alatazyela aina Izlaeli pamulandu wa maifyo yano Yeloboamu wacita, yaya kwene yano walenzile kuti na ina Izlaeli kwene yifye.”

Ayebulai 6:11

Kulondesya kwitu kukulu ukwakuti cila muntu munomuli alinzile atwalilile kucita visuma kufika nu ku mpelelekezyo, kuti vino mukapaalila vikafikiliziwe.

Malango 32:32

Anisi yao yaipa wa ina Sodoma na Gomola, yakoline wa miti yamatingi ino ikaseeka matingi alule,

Malango 4:9

Ali cino fwandi cenjelini! Nupya lino mucili nu umi, mutakezye ukwilila vintu vino mweisikulu mwailolela na manso inu. Muce mwanena ku yana yinu na izikulu inu

2 Petulo 2:18

Yene yakavwanga mazwi ya cilumba nupya akutumpa. Mu mbunu zyao yene yakasomba antu yano afyuka sile pakasi ka antu aipe.

Kolose 3:5

Mutaleka mili inu yamutungulula. Mulinzile kukoma vilondwa viipe vya mwili vino vikuomba munomuli, wakwe vii, kulongozya, vya winyi, nsuna, cipyu, lwiswa (pano lwiswa u musango wa upefi wa tuluwi.)

Efeso 5:3

Mwemwe antu yakwe Leza. Acino ulenzyo nanti vya winyi nanti lwiswa vitatakwa munomuli.

Galatiya 2:13

Wene pamwi na Ayuda yauze yacisile usomvi cakuti na Banaba kwene wayalondelizye.

1 Kolinto 13:8

Kutemwa ukwa pe. Malandwe ya usemo nga nu kulandila mu ndimi zitamanyika, vyonsi kwene vilasila. Kumanya nako kwene kwakwata impela yakweko.

Kufuma 32:21

Lyene auzya Aaloni ati, “Uzye antu kwene yaa yacisile cani kunuli pakuti uyalenge kuti yacite iifyo iliipisye vii?”

2 Petulo 3:11

Vintu vii vilasunguluka mu musango kwene uu, uzye mwemo mulinzile kuya antu amusango cii? Umi winu ulinzile kuya wamuzilo nupya muipelesye ku kutumikila Leza,

2 Petulo 1:10

Caleka, inane ezyini na maka kucita consi icingalanga ukuti Leza wamwama nupya wamusolola. Ndi mwatwalilila kucita cii, ale lyene mutalatala mupone mu utailo winu.

Ezaya 5:7

Aina Izlaeli ali calo ca matingi cakwe Yawe Wamaka yonsi, nga Ayuda nayo ali matingi kwene yano wene walima. Wene walolelanga kuti alole ndi cakuti yamacita ivilungame. Lelo yene yatandika ukukomola antu! Walolelanga kuti alole kuno yamacita ivilungame. Lelo wene uvwanga sile impoma zya antu yauze yano yafyengelekezyanga!

Ezaya 5:4

Uzye mwe, icani cino casyala cino nemo naposiwe ukucitila icalo cane? Umulandu cii uno icalo cane caseekela iviseekwa vikantuke, icakuti mukane nu kuseeka iviseekwa ivisuma vino nemo nkalolela?

Yoswa 6:18

Alino namwe muisunge ku vintu vino vyapeelwa ku kononwa, kuti mutailetelela uwononesi pa kulondela ulunkumbwa lwa kuitolela cimwi pali vino ivipelwa ukononeka. Pasi pano ndi mwacita vivyo insakwe yonsi ya ina Izlaeli ale yapeelwa ukononeka nu kuiletelela uzanzo.

Luka 22:32

Lelo nati nkupepela Simoni kuti utailo wako utatovoka. Na lino ulazenzuka, uce ukomelezye anyonko onsi.”

Tito 1:15

Vintu vyonsi ivisanguluke kuli yao akwata myenzo isanguluke. Lelo kusi cimwi icisanguluke kuli yao akowela nupya atataila. Yene yakwata kwelengenya kukowele ni myenzo yao yakowela.