Ayebulai 11:40 - Amazwi Yakwe Leza 2013

⁴⁰ pano Leza mukuteyanya kwakwe watukwatila visuma kuluta. Ipange lyakwe lyali lyakuti yene yatangaya afumaluke suka twaya nao.

Ayebulai 11:40 Referans Kwoze

Umbwilo 6:11

Alino cila wenga wapilwe mwingila utiswe, nupya yayanena kuti yapuze pa nsita inono nayuze, suka mpendwa ya aomvi na ina yao mu utailo ilingane, yao alakomwa wakwe aliyo.

Ayebulai 8:6

Lelo Yesu wapelwa mulimo wa usimapepo uwaluta pa mulimo wakwe yasimapepo yalya a mpiti, pano ali muntu wakukundanya antu na Leza mu upangano upya uwazipa kuluta uwa mpiti, pano upangano upya mwaya malayo asuma kuluta.

Ayebulai 7:19

Pano Masunde yakwe Mose yatalenzile muntu kuya mufumaluke. Ndakai twapelwa upaalilo usuma cuze nupya wene ungatupalamika kuli Leza.

Ayebulai 9:23

Vintu vivi vyene ukukolanya kwa vintu vya mwiyulu ndi vino vili, nupya vyene vyaswefiwanga mu musango ndi uu. Lelo vintu vya mwiyulu vyene vikalondekwa kuswefiwa ni mpolelwa isuma cuze.

Ayebulai 5:9

Na lino wacisilwe umufumaluke, wizile aya intulo ya ufyusi wa manda pe kuli yonsi akamuyela.

Ayebulai 7:22

Lyene kulapa kuu kukalenga kuti Yesu aye cisininkizyo ca upangano usuma ukuluta.

Ayebulai 11:16

Lelo yalondesyanga mpanga isuma kuluta, mpanga ya kwiyulu. Acino Leza asi ni nsonyi zyakuti yamwama ukuti a Leza wao, pano wayateyanyizizya musumba.