Ayebulai 11:34 - Amazwi Yakwe Leza 2013

³⁴ yazimizye moto uwipisye nu kutuulwa ku kukomwa ku lupanga. Nanti angala yali atonte yene yapilwe maka nga yaya akome. Mu nkondo yali na maka cuze, nupya yacimvizye vita vya inamasi.

Ayebulai 11:34 Referans Kwoze

Yakapingula 15:8

Alino ayazanza icikalale, akoma aingi wakwe cimwi. Lyene atentemuka aya aikala mwi cele mwi we lyaku Etamu.

Ezaya 43:2

Lino wapita umu manzi azike, namayanga nawe, na lino ukulamba uluzi, utalamwela awe. Lino wapita umu moto, utalapya awe. Icimbilimbili cakweo citalakwambukila awe.

Masamu 144:10

Awewe ukalenga ukuti yamwene yacimvye, nu kukulula umomvi wako Davidi.

2 Yamwene 6:32

Pa nsita kwene ilya walanga Elisya atenzi pansi mu ng'anda yakwe, nga na ikolo ala yatenzi pamwi na aliwe, lyene umwene wilya atuma wenga uwamu nkombe zyakwe kuti amukolelele. Lelo lino inkombe ilya itali kuti ifike kuku, Elisya anena aikolo yalya ati, “Uwi, si lolini vino inkomi ilya yatituma umuntu wakuti aize amputule umutwe. Fwandi ndi cakuti umuntu wilya wafika, lilyo kwene mwemo mwize muyale sile icisasa nupya mutaleka aize aingile muno. Umwene nawe kwene wasya amulondelele pacisila.”

1 Yamwene 19:3

Eliya pakuvwa vivyo, intete izimulema nga apuuka pamwi nu muomvi wakwe. Lino wafika ku Belisyeba, umusumba uwamu mpanga yakwe Yuda, asya umuomvi wakwe kweneko.

1 Petulo 4:12

Mwe yacuza akundwe, mutazunguka pa kupita mu macuzi aipe apa kweziwa, kwati cintu cimwi cisyacitika camuponela.

Yelemiya 26:24

Lelo pano nasyukile kavwangila, Aiikamu umwana wakwe Syefani, acino yatansumvile mu makasa ya antu pakuti yankome.

Masamu 66:12

Wewe walesile na anisi itu yatulyatola apa mitwe. Swemo twapita umu manzi nu mu moto, wasuka pakusyalikizya watuleta mu cifulo ca vintu ivivule.

Masamu 6:8

Fumini panondi, mwensi mwe yakacita ya viipe! Yawe watanguvwa kuno nkumulilila.

Yobo 42:10

Walanga Yobo wamala ukupapatilako yacuza yakwe, alino Yawe amuwezezya nupya ivyuma vyakwe, lyene iviwelela amaila yaili ukuluta vino vyali apakutandika.

Yobo 5:20

Umu manda ya cipowe alakutulanya kuti utafwa ni nzala, nga nu mu manda ya nkondo namo alakucingilila ku mfwa.

1 Samueli 20:1

Lyene Davidi afuma ku Nayoti ku Lama apuukila kuli Yonatani nga amuuzya ati, “Uzye cino nacita icani? Uzye ukuponga kwane kuli pii? Uzye umulandu cii uno natala so pakuti ampangile ukunkoma?”

Kufuma 18:4

Nupya wavwanzile ati, “Leza wakwe tata awino wangazwilizye nupya uwa ntuuzile ku lupanga lwakwe Falao.” Caleka atemela umwana wakwe ciili izina ati a Elieza.

1 Samueli 18:11

Saulo aelenganya ati, “Namatotenkanya Davidi ku lung'umba. Lelo amaila yaili Davidi ale akuleuka.

1 Samueli 19:10

Saulo pali pakwezya ukusumba isumo kuti amutotenkanye kumwi nu lung'umba. Davidi pali pakuleuka kwempe sile cakuti Saulo atota isumo mu lun'gumba. Davidi pali pakupuuka, apusuka.

1 Yamwene 19:1

Alino umwene Aabu anena Yezebele vyonsi pyu vino Eliya wacisile, kumwi navino wakomile yakasema yakwe Baali yonsi pyu ku lupanga.

2 Yamwene 6:1

Iumba lyakwe yakasema yano Elisya watungululanga ilitandika ukuinong'onya liti, “Ing'anda muno tukakonganila yaticepa!

Masamu 124:7

Imyenzo itu yapusunsuka sile, wa cunyi uku lukose lwa muwamvi.

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.