Amosi 5:20 - Amazwi Yakwe Leza 2013

²⁰ Uzye uwanda wakwe Yawe utalaleta sile imfinzi itupu, ukwaula kuleta uluswepo foo?

Amosi 5:20 Referans Kwoze

Ezaya 13:10

Pano intanda zya mwiyulu kumwi nu tuungwe utwaya mwenemo vitalawala. Ilanzi lilazima nu kutunka foo, umwezi nao utalawala.

Zefaniya 1:15

Uwanda uo ulaya uwanda wa ukali, ulaya uwanda wa malanda nupya uwa cililizi, ulaya uwanda umwi uwa ononyi, nupya uwa cimvulunganya, ulaya uwanda wa mfinzi nayo ifitisye fititi, ulaya uwanda wa cifutika nupya uwa cipunga icikulu.

Ezekelo 34:12

Ndazisunga vivi kwene vino kacema akasunga imfwele zyakwe zino zyasalangine pakutandika. Ndazikolonganika monsi muno zyasalanganile pa wanda ulya uwa cifutika nupya uwa uzanzo.

Umbwilo 16:10

Lyene mungeli uwalenga yasano apongolwela vyamu lweso lwakwe pa cilimba ca wene ica cilyanyi. Alino kuya mfinzi mu wene wa cilyanyi, nga antu yalumanya indimi zyao pamulandu wa kuwaya,

Yuda 1:13

Yakolana na maimbi yamaka apali yemba, ni vicitwa vyao vyansonyi vikaloleka wa kufuluma kwi tomvu. Yakolana ni ntanda zikazeuluka. Antu yaa, Leza wayateyanyizizya icifulo ca mfinzi ikomesye iyape.

Mateo 22:13

Alino mwene anena aomvi yano alipo ati, ‘Munyepini makasa nga ni ngazo alino mumusumbile kunzi mu mfinzi, muno alalila nu kulumanya ncecete.’ ”

Naumi 1:8

Lelo wakwe mulamba uwa mukuku, Yawe akalovya anisi yakwe. Na yao akamusangukila wene akayazingila ku mfwa.

Mateo 24:29

“Lelo zuwazuwa pacisila ca ucuzi uwamu manda yalya, ilanzi lilafita, umwezi utalawala, intanda zilapona kufuma mwiyulu, na maka amu lwelele yalatenta.

Ezaya 8:22

limwi iyatumbwila sile amanso pansi. Awe cumi icauwelewele sile, iyazana imfinzi, nayo iyamalanda sile. Apa nsita iyo iya cimvulunganya, antu yatalalola apakufyonsezya.

Obadiya 1:15

Wanda wakwe Yawe ukwiza zuwa, lilyo lino wene alapingula imitundu yonsi ya antu. Mwe ina Edomu, vino mwacitila auzo avino mulacitilwa. Vino mwacisile ivilamuwelela.

Yowelo 2:2

Ulaya uwanda wa mfinzi nu ulanda, ulaya uwanda wa makumbi ni mfinzi. Impuka ya vita vyamaka iikulu cuze ikwiza, ino ikoline wa mfinzi iyatikupa imyamba, ino itatala yayako nupya italatala iyeko umu manda akwiza.