Amosi 5:16 - Amazwi Yakwe Leza 2013

¹⁶ Uli mulandu uno Mwene, Yawe Wamaka yonsi akuvwanga ati, “Mu miseo yonsi ya misumba mulaya ukulila, nupya mu misolo yonsi antu yalakuuta impooma. Na alimi nayo kwene yalaamwa kuti yize yalosye na antu amanyikisya ukukuuta nayo yize yapoome.

Amosi 5:16 Referans Kwoze

Yowelo 1:11

Acino sokini mwe yalimi, lilini nu kulosya mwe yalimi ya matingi. Pano ingano ni mbezu zyakwe baale, na vyonsi vyamu calo vyativyononeka.

Yelemiya 9:10

Alino ne Yelemiya mvwanga inti, “Awe cumi nemo kanaloosya imyamba. Kanalilila umulemvwe umwakucemelamo iviteekwa, pano mu myamba mwatimuma, nu mulemvwe nao watiuma. Musi umuntu nanti wenga akupita mwenemo. Umutinti wa viteekwa usikuuvwika, ivyunyi pamwi ni nyama zya mpanga vyativyutuka.”

Umbwilo 18:19

Yaiswela na masenga pa mitwe yao, yalila nu kulosya, yati, “Owee, we koofya we! Owee, we kwipa we ku musumba ukulu! Wene uli musumba ukulu uno onsi akwata mato akulu akapita pali yemba yalenzilwe kuya akama pa vyuma vyauko! Lyene wene waponzya vyonsi muli aawa wenga!”

Umbwilo 18:10

Yene yalimilila patali, pamulandu wa kuya ni ntete zya kukumako ku kucula kwakweo. Yalavwanga yati, “Owee, we koofya we! Owee we kwipa we! We musumba ukulu cuze nupya uwamaka, Babiloni! Watuvunukwa muli aawa wenga sile!”

Mika 2:4

Mu wanda ulya antu yalamutumfya. Yene yalamusoweka, mu lwimbo luu ulwa ndosya yati, ‘Twatitononwa ukumalilika. Impanga ino Yawe watwankanya, nayo kwene yatiyaipoka! Ivyalo vitu wavyankanya kuli yao atusenzile mu uzya.’

Mika 1:8

Alino Mika avwanga ati, “Pamulandu wakwe vii ndalosya nu kupooma. Ndapita ukwaula cimwi ku ngazo nupya ndindizya. Ndawata wakwe nkusa nu kulila wakwe sinsimwe.

Amosi 8:10

Ivimulo vinu vya mapepo ndavisenula viye ukulosya, ni nyimbo zinu zyaluzango ndazisenula ziye zyandosya. Mwensi kwene ndaleka yamuzwike ivyakuzwala vya ndosya nu kumupeela ulukuzu. Mulaya wa akwasi yano yakulosya umwana wao umonsi wenga mpo. Uwanda ulya ulaya uwakunyunguluka ukufika napa mpela.”

Amosi 5:27

Caleka nemo ndamuzingila uku uzya, ukutali ukupuzya umusumba wa Damasiko.” Avino Yawe wavwanga, wino izina lyakwe a Leza Wamaka yonsi.

Amosi 3:13

Uvwiini nu kupeela umulandu ku amu mupanda wakwe Yakobo, kuli kulanda kwakwe Yawe, Leza Wamaka yonsi.

Yowelo 1:14

Nenini antu kuti yafunge ukulya. Nenini antu kuti yakongane umu mucinzi. Ama aikolo pamwi na yonsi aikala umu mpanga ii kuti yize yakongane mu Ng'anda ikulu yakwe Yawe Leza winu, nga mulile kunoli.

Yowelo 1:8

Mwe antu, si lilisini, wakwe mwali uwatazwala umupango. Wino akulila pamulandu wa mfwa yakwe lumbwe uwamutaisye.

Yelemiya 4:31

Nuvwile inkuuta kwati izya mwanaci wino ali pipi nu kulela ukuilizyanya kwati a wiyo akwelepa umwana wiyeli. Kwali kuli kulila kwakwe Yelusalemu, wino akwasela sile wataanza na makasa ala akuti, Owe mwe! Nazanzwa! Yene yakwiza ku kunkoma!

Ezaya 22:12

Yawe Wamaka yonsi, wamwamile apa wanda ulya uku kulilizika nu mukulosya, kuti mungapela inkuuzu uku mitwe, nu kuzwala visamu.

Ezaya 15:8

Impoma yatilimba impanga yonsi yaku Moabu, zikuvwika ukufika nu ku Egilamu na Beele Elimu kwene.

2 Milandu 35:25

Kasema Yelemiya wasisile ulwimbo lwa ndosya ulwakulosezya Yosiya. Lulo luno yakiimba ya nyimbo aonsi na anaci yakaimba ukufika uwanda wilelo umu mpoma zyao umu kulosya Yosiya. Uo uli mwata wa ina Izlaeli, nu lwimbo lulo lukazanwa umu lupapulo lwa ndosya.

Yelemiya 30:5

“Natinuvwa inkuuta zinu zya ntete izikalamba, izya koopa apakalamba, zisi zya longo foo.

Oseya 4:3

Pamulandu wakwe cii mu mpanga mulaya icilala, nga na antu yonsi aikala mwenemo yalacula, kumwi ni nyama zya mpanga kwene, ni vyunyi vyamu lwelele. Ni nswi kwene zyamuli yemba zilafwa.

Yowelo 1:15

Iye mwe! Uwanda wakwe Yawe watiupalama, uwanda wakwe Yawe ukwiza nu ononesi uno ukufuma kuli wiyo Uwamaka yonsi.

Amosi 8:3

“Mu wanda ulya inyimbo zyamu Ng'anda ikulu yakwe Leza zilasenuka ziye inyimbo zya ndosya. Ivyala vilavula wakwe cimwi, nga vilaya ntangali ntangali monsi monsi, Kulaya cele!”

Yelemiya 9:16

Namayasalanganyizizya umu antu amu mitundu yuze ino alio nanti ivikolwe vyao vitatazile vyuvwe. Ndayatumila ivita vya anisi yao mpaka viyalovye.”