Amosi 4:3 - Amazwi Yakwe Leza 2013

³ Mulalompokela wenga wenga umu nzota zya malinga, alino lyene yalamusumbila lwaku Mwamba wa Halimoni.” Avino Yawe wavwanga.

Amosi 4:3 Referans Kwoze

Ezekelo 12:5

Lino yakukulola utulule ulung'umba nga ufumizye icifunda cako mu cipongo cico.

Ezekelo 12:12

Kateeka wao alasenda cifunda cakwe apa ciye lino kakuku katola. Wene alakatuka nu kufumila pa cipongo cino antu yalatulula mu lung'umba. Alavimba pa manso pakuti atalola pansi pano akupita.

Mateo 16:26

Uzye umuntu alakwata muzano cii ndi walonka ivyamu nsi vyonsi, lelo waponzya umi wakwe? Awe kusi cimwi! Uzye kuli cimwi cino umuntu angalipa kuti umi wakwe umuwelele?

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Ezaya 31:7

Mu wanda ulya mwensi mulasumba utuluwi twinu utwipisye, tuno mwemo mwaipangile kuli siluva na zaabu.

Ezaya 2:20

Umu wanda ulya antu yalavwintila utuluwi twao, twakwe siluva na zaabu kuli yatunko nu tususu, utuluwi tuno yaipangile ni minwe yao ukuti yangatufukamila.

2 Yamwene 25:4

Alino ilinga lya musumba lyaongolwike. Lelo nanti ivita vya ina Babiloni vyazingulwike umusumba, umwene Zedekiya pamwi ni vita vyakwe yapuusile apa nsita ya usiku. Apa kupuuka yalondile inzila iyalungama uku calo ca mwene nu kwiza pitilila apa mpongolo iyayela apakasi ka viumba viili, nu kulungama uku mukonko wa Yodani.

2 Yamwene 7:15

Antu yalya yayalondelela mpaka nu ku Yodani kwene. Lyene mu museo monsi yazana ivyakuzwala kumwi ni viombelo vino aina Asilya yasile yasumba lino yutwike kantapepela vyativisansantika. Acino inkombe ziswilila mwenemo, nga ziya zinena umwene.

Yakapingula 5:17

Umutundu wakwe Gileadi wikalanga ku ufumondaka wa Luzi lwa Yodani, nu mutundu wakwe Dani wasile pipi ni vyombo. Umutundu wakwe Asyeli wikalanga mu nkumba yakwe yemba. Iusyala mu vituntu vyakwe yemba.

Yelemiya 52:7

Yatulula ilinga mu musumba. Apakulola vivyo umwene na antu yakwe yapuuka usiku, yafuma mu musumba apa mpongolo yapakasi ka malinga yaili, umupipi ni calo ca mwene. Lilyo ala antu amu Babiloni yatiyazinguluka umusumba, yalondela ni nzila yaku Alabya.

Amosi 6:7

Caleka mwemwe mulakolela ukusendwa ku uzya. Alino ivimulo nu kuzanganzila kwinu kulaputuka.