Amosi 2:8 - Amazwi Yakwe Leza 2013

⁸ Antu yakulala cilalelale na pa ncende yakupepelapo, na pa vizwalo kwene vino yapokolola ku apina vyakwe kamukole. Mu ng'anda yakwe Leza amuno yene yakamwela waini wino yapokolola kuli yasimilandu.

Amosi 2:8 Referans Kwoze

Amosi 6:6

Mukamwela waini mu mbakuli izizule, nupya mukapakala amafuta amununko usuma, lelo musiuvwa ulanda pa ononesi wa mpanga yakwe Yosefu.

1 Kolinto 10:21

Mutangamwa mu lwako lwa Mwene nga nu mulwako lwa mipasi yankota. Mutangalya pa cipango ca Mwene nga na pa cipango ca mipasi yankota.

1 Kolinto 10:7

nanti kupepa tuluwi ndi vino yamwi munoyali yacisile. Cili ndi vino calembwa mu malembelo cati, “Antu yatenzi pansi kuti yalye nu kumwa pacisila yakatuka nu kucina.”

1 Kolinto 8:10

Ndi cali umuntu akweti mwenzo uutonte wakulola we muno ukweti “Kumanya” ukulya vyapeelwa impolelwa ku tuluwi, uzye cii citalamukomelezya kulya vyakulya vyapeelwa impolelwa ku tuluwi?

Amosi 6:4

Kalanda kuno muli mwemuno mukalala pa misanzi inu iyembe, ino yapangilwa ku mino ya nzomvu, mwemuno mukasalala pa mipando inu, nu kuipakizya iminyefu ya ana ya mfwele asuma na ana ya ng'ombe anone.

Amosi 4:1

Uvwini amazwi yaa, mwe anaci aku Samaliya, mwemuno mukulu kwina wakwe yamutusa ya ng'ombe zyaku Basyani, mwemuno mukazunya apina nu kucuzya yayo aulilwa. Mwemo mwikalila sile ukupingula yawinu ala mukuti, “Tupelini ivyakuzusya uku nsingo.”

Oseya 4:8

Yene yakaya akama ukupitila mu kwifya kwa antu yane, nupya yakalonda ukuti antu yayo yalukulunda penepo ukwifya.

Ezekelo 23:41

Nga lyene uwikala pa usanzi ukankala nu kwika itebulo pa nkolelo yakweo, apano utantika ubani wane na mafuta yane.

Ezekelo 18:12

akacuzya mupina nu mulanda, akapokolola vya eneco ku maka, asiwezya vino wazima, akatumpwila amanso ku tuluwi, akacita vyawinyi,

Ezekelo 18:7

Asifyenga umuntu ali wensi, lelo akalipa kamukole apakwazima. Asipoka kantu ku maka, akapeela uwanzala vyakulya nu kuzwika wiyo ali tupu.

Yakapingula 9:27

Yonsi kwene iyafumila ku vyalo vyao ivya matingi, iyakulula amatingi, iyapanga waini nga iyacita icimulo cakuzevya. Yaya yingila mu ng'anda ikulu yakwe leza wao, muno yalile nu kumwa nga iyatipwila Abimeleki.

Ezaya 57:7

Mwemo mukaya napapela ya myamba, apano mupanga imisanzi yakucitilapo ivya ukakasi nga nu kutuulilapo impolelwa.

Oseya 7:14

Yene yasipepa kunondi ukufuma mu myenzo, lelo yakaisumba apa misanzi yao nu kulila. Yakalila impoma wa inamasi apamulandu wa kulonda cakulya ni cakumwa, lelo yene yakamfutatila.

Amosi 3:14

Pa wanda uno ndavunuka aina Izlaeli pamulandu wa uyi wao, ndatamola utuvuwa twaku Betele, nga ni mpembe zyatuko zilavunolwa nu kupona pansi.

Kufuma 22:25

“Umwi ndi wakongwesya impiya ku muntu ali wensi uwamu antu yane mupina, atacita wakwe kakongwisya wa mpiya, alonda kuti yamulipe kalowa.