Amosi 1:10 - Amazwi Yakwe Leza 2013

¹⁰ Acino nemo ndayaponyezya umoto pa viumba vyao ivyazinguluka Tuli, nga umoto uo uloca amalinga yakweo.”

Amosi 1:10 Referans Kwoze

Zakaliya 9:4

Lelo Yawe wene alafumya sile vyonsi ivyaya mu musumba wa Tuli. Ivyuma vyonsi ivyayamo alavisumbila pali yemba, nu musumba ulya kwene ulatumuka umoto.

Amosi 1:7

Acino nemo ndaponyezya umoto pa viumba vya musumba wa Gaza, nga nao uloca amalinga yakweo.

Amosi 1:4

Acino nemo ndaponyezya umoto pa ng'anda yakwe Hazaeli, nupya umoto uwo uloca amalinga yonsi yakwe Beni Hadadi.

Ezekelo 26:12

Yalasenda ivyuma vyako nu kusampa ivilonkwa vyako vyonsi. Yalawisya amalinga yako, yakaongolole na mang'anda yako akankala. Amawe yako, imiti yako nu lukungu lwako, yalavisumba pali yemba.

Yelemiya 47:4

Pasi pano lyene uwanda watiwiza uwakulovya aina Filisti yonsi, uwanda wakucilikilako asyala yonsi yano yangazwilizya aina Tuli na Sidoni. Yawe ali pipi nu konona aina Filisti, insyazi zyamu nkumba yakwe Kulete.

Ezekelo 26:4

Yaliza yonone amalinga ya musumba winu wa Tuli nu kuongolola impungu zinu. Nga nani ndasenda umusili, mukasyale sile kwati a cilwala.

Ezekelo 28:18

Wakowezya incende yako yamuzilo ku maifyo yako avule nu ku ucenjezi wako wa uculuzi. Nafumya munuli umoto ulakoca, nakusangula itwi pansi, pa manso yakwe yonsi akuweni.

Yowelo 3:4

“Uzye mwemo mwe ina Tuli na ina Sidoni na mwensi mwe ikazi aku mpanga ya Filistia, mukupanga ukuncita cani? Uzye mukucita icilanduzi apa cintu cimwi cino nacita? Ndi cakuti mukulandula, ale lyene nani ntalalengela ukumuswilizizya ivicitwa vinu vyonsi apa mitwe inu zuwazuwa.