Aina Levi 8:35 - Amazwi Yakwe Leza 2013

³⁵ Mulinzile mwaikala pa mulyango wi Taalu lya Ukongano, musanya nu usiku, amanda cinimbali ala mukuomba kulingana na vino Yawe wamupeela ilamulo. Ndi mutakucita vii, mulafwa. Lii, lili lamulo lino Yawe wapeela kunondi.”

Aina Levi 8:35 Referans Kwoze

1 Yamwene 2:3

Uwacita vino Yawe Leza wako wakupeela ilamulo kuti ucite. Uwayela amasunde na malamulo yakwe yonsi wakwe vino yalembwa mu mpapulo zyakwe Mose, pakuti vyonsi vino ulacita vikuzipile ukuli konsi kuno ungaya.

Malango 11:1

“Mwatemwa Yawe Leza winu nu kuyela amasunde yakwe na malamulo yakwe yonsi mu nsita zyonsi.

Mpendwa 9:19

Ndi cakuti ikumbi lyasyala insita ntali apapela yi Taalu, aina Izlaeli yayela ilamulo lyakwe Yawe ukwaula kuti yatenuke.

Mpendwa 3:7

Yene yamaombanga umulimo onsi wa usimapepo ukwi Taalu lyane lya Ukongano alino nu kutumika pa manso yakwe Yawe.

Ayebulai 7:28

Masunde yakwe Mose yakasonta antu asi yafumaluke kuti yaye yasimapepo akulu. Lelo ulayo wakwe Leza uno wene wacisile nu mulapo wizile cisila ala Masunde yakwe Mose yapeelwa, wene wasonta Mwana. Mwana wacitwa mufumaluke manda pe.

2 Timoti 4:1

Pa manso yakwe Leza nga na Klistu Yesu, wino alapingula antu aumi na afwe, nga nu kwiza ku kuteeka, nkukupeela ilamulo nu kukupapata cuze,

1 Timoti 6:20

We Timoti usunge ningo vintu vino walasikwa. Utakumako ku mazwi a cilandelande nga ni vikanza vyakutumpa vino antu yamwi mukuluvyanya kwao yakati, “Ukumanya.”

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

1 Timoti 6:13

Nkukupeela ilamulo pa manso yakwe Leza, wino akapeela umi ku vintu vyonsi, nga na pa manso yakwe Klistu Yesu, wino pakupeela umboni pa manso yakwe Pontio Pilato walanzile cumi cico. Nakunena ukuti

1 Timoti 5:21

Pa manso yakwe Leza na Klistu Yesu, nga na angeli yamuzilo nkukonkomezya wewe kuti uyele vyonsi vino nakutungulula kwaula kuya ni vikanza nanti kuwila kuli umwi muli vyonsi vino ukucita.

1 Timoti 1:18

We Timoti, uli wa mwana kunondi. Ilamulo lino nkukupeela limikwa pa mazwi ya usemo yano mpiti yavwanzilwe pamulandu wako. Omvya mazwi yaa wa vyanzo kuti ulwe ningo,

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Ezekelo 48:11

Incende yamuzilo ilaya yakwe yasimapepo amu mupanda wakwe Zadoki aonsi, yayo antumikilanga nu kukana utalami uwakweti aina Izlaeli mu kucita ivitazifile, ndi vivi ivyacisile aina Levi.

Ezekelo 43:25

Pa manda cinimbali, uce watuula cila wanda sawe wenga, kacipambasi ka ng'ombe konga na kasawe nako konga palwa kufuta kwa maifyo. Inyama zizyo zyonsi zili nu kuya izyaula ulema.

Mpendwa 19:12

Fwandi wene alinzile kuisangulula umwisikulu mu manzi pa wanda uwalenga yatatu nu walenga cinimbali. Ale lyene wasyala uwaula mulandu. Nga camukumba wakana ukuisangulula pa wanda uwalenga citatu na pa wakwe cinimbali, ale wene amasyala mukowele.

Aina Levi 14:8

Muntu wino waswefiwa alinzile ukufula insalu zyakwe, apele inyele zyonsi, alino afulale umwili onsi. Lyene umuntu wiyo waya muswepe. Angingila mu nsakwe, lelo alinzile ukwikala panzi yi taalu lyakwe pa manda cinimbali.

Aina Levi 10:1

Ana yakwe Aaloni aonsi, Nadabu na Abiu, cila muntu atoola icifutikilo, aikapo umoto nga asumbilamo ubani nu kupeela kuli Yawe. Lelo umoto uu, utali wamuzilo pamulandu wakuti Yawe atapiile ilamulo kunoyali kuti yapeele.

Aina Levi 8:30

Lyene Mose atoola amafuta yamwi akusolwela nu wazi umwi uwali pa kavuwa, alino asansa pali Aaloni na ana yakwe, nga na pa vyakuzwala vyao. Mu nzila kwene ii ayapaatwila kuli Yawe pamwi ni vyakuzwala vyao.

Kufuma 29:35

“Malamulo yonsi yano nakunena, unene Aaloni na ana yakwe aonsi. Ukacite lutambi lwa kuyapaatula pa manda cinimbali.

Aina Levi 8:34

Yawe watupeezile ilamulo kuti tucite vino twatitucita kunoli ndakai, pakuti luye ulutambi lwa kufuta amaifyo inu.

Aina Levi 8:36

Caleka Aaloni na ana yakwe aonsi iyacita vintu vyonsi vino Yawe wapeezile ilamulo kupitila muli Mose.