Aina Levi 7:35 - Amazwi Yakwe Leza 2013

³⁵ Cico kwene cili ciputulwa ca mawila akocela Yawe cino capezilwe kuli Aaloni na ana yakwe pa wanda uno yapasilwe amafuta nu kuyapaatula ukuya yasimapepo.

Aina Levi 7:35 Referans Kwoze

1 Yoane 2:27

Lelo mwemo Klistu wamupolelela pa kumupongolwela Mupasi wakwe wikala munomuli, nupya citakulondekwa ukuti umuntu umwi amusambilizya. Mupasi Wamuzilo aliwe akamusambilizya vyonsi. Vino akamusambilizya ivya cumi visi vyaufi. Caleka mulinzile kuyela usambilizyo wakwe Mupasi Wamuzilo nga nu kwikalilila mu utandano na Klistu.

1 Yoane 2:20

Lelo Klistu wene wamupolelile pakumupongolwela Mupasi Wamuzilo. Acino mwensi kwene mwamanya icumi.

2 Kolinto 1:21

Caleka Leza akalenga mwemwe nani twimilile akomeleke muli Klistu. Leza aliwe kwene uwatusolwile

Yoane 3:34

Pano wino Leza watuma wene akavwanga mazwi yakwe Leza, na Leza akamupeela Mupasi Wamuzilo.

Ezaya 61:1

Mupasi wakwe Leza wikala munondi, pano aliwe wampaka amafuta, wantuma ukukukosola ilandwe lisuma ku alanda, nu kupozya imyenzo itonte, ku kuuma imbila pa lwa kukululwa kwa azya, nu kusapulwa kwa anyepwe.

Ezaya 10:27

Umu wanda ulya ndakukulula ku mutitikizya wa ina Asilya, nga ni vikonkoli vyao vilata ukukuvuna insingo.”

Aina Levi 8:30

Lyene Mose atoola amafuta yamwi akusolwela nu wazi umwi uwali pa kavuwa, alino asansa pali Aaloni na ana yakwe, nga na pa vyakuzwala vyao. Mu nzila kwene ii ayapaatwila kuli Yawe pamwi ni vyakuzwala vyao.

Kufuma 29:21

Utoole uwazi umwi pa kavuwa alino na mafuta yamwi akusolwela nga usanse pali Aaloni na pa vyakuzwala vyakwe, na pa ana yakwe Aaloni nga na pa vyakuzwala vyao. Lyene Aaloni na ana yakwe yamapaatwilwa kunondi pamwi ni vyakuzwala vyao.

Kufuma 29:7

Lyene utoole amafuta akusolwela nga umupongolwele pa mutwe wakwe kuti umulasike.

Kufuma 29:1

Yawe anena Mose ati, “Lino wapaatula Aloni, vii avino ucite ku ana yakwe aonsi kuti yaye yasimapepo akuntumikila: Utoole kacipambasi konga, nga na yasuuku yaili aula ulema.

Kufuma 28:1

Yawe apeela ilamulo kuli Mose ati, “Tuma akwama munyonko Aaloni pamwi na ana yakwe aonsi, Nadabu, Abiu, Eleaza, nga na Itamali. Ali antu yano natinsolola ukufuma mu ina Izlaeli pakuti yangantumikila wakwe yasimapepo.

1 Samueli 2:28

Nupya nayasolwile pa mitundu yakwe Izlaeli kuti yangaya yasimapepo yane, na kuti yatumbela ukuya pa kavuwa kane, ku koca ubani, nu kuzwala cakuzwala ca efodi kuti yapendola pa manso yane. Nupya anene kwene napiile ang'anda yakwe so kuti yatoola vyonsi vino aina Izlaeli yakapeela kunondi.