Aina Levi 7:31 - Amazwi Yakwe Leza 2013

³¹ Lyene simapepo aoce amafuta pa kavuwa, lelo inganga yene ipelwe kuli Aaloni na ana yakwe.

Aina Levi 7:31 Referans Kwoze

Aina Levi 7:34

Pa mawila yacuvwano ya ina Izlaeli, inganga yapa mawila yapaatulwa pamwi nu mwendo wa kwikasa lilunji, ivya mawila apaatulwa vino Yawe watafumya ku ina Izlaeli nu kupeela kuli yasimapepo. Vii avino aina Izlaeli yalinzile ukupeela kuli yasimapepo ku nkulo zyonsi.’”

Aina Levi 3:16

Alino simapepo aoce vyonsi vivyo pa kavuwa, kuti viye uwila wa usu wakoca pa moto, uwa mununko usuma ukazanzya Yawe. Mafuta yonsi akwe Yawe.

Aina Levi 3:11

Lyene simapepo aoce vyonsi vivyo pa kavuwa viye uwila wa cakulya cakocela Yawe.

Aina Levi 3:5

Lyene ana yakwe Aaloni yoce vyonsi vivyo pa kavuwa pamwi nu wila wakoca uno uli pa moto pa kavuwa. Uwila uu uwa mununko usuma ukazanzya Yawe.

Mpendwa 18:18

Iminyefu ya nyama zizyo yene iyakwako, wakwe vino inganga yapa wila wakuswelula alino nu mwendo wa kwilunji ivyakwako.

Aina Levi 8:29

Lyene Mose atoola inganga, nga aiswelula pa manso yakwe Yawe wa wila wakuswelula. Iyo kwene cili ciputulwa cakwe Mose, cakwe suuku wa pa lutambi lwa kuteeka yasimapepo pa vilimba. Mose acita vintu vyonsi wakwe vino Yawe wapeezile ilamulo.

Aina Levi 6:26

Simapepo wino wapeela uwila wa nyama, alye inyama iyo. Ailile mu Ncende Yamuzilo, pa musolo wi Taalu lya Ukongano.

Aina Levi 6:16

Lyene Aaloni na ana yakwe yalye vino vyasyalapo. Viye vyaulamo icitutumusi, nupya yaviliile pa Ncende Yamuzilo, kuli kuti pa musolo wi Taalu lya Ukongano.

Aina Levi 5:13

Mu musango kwene uu, muli muno yasimapepo yacitila ulutambi lwa kufuta amaifyo ya antu. Lyene umuntu wiyo alelelwa. Lelo uwila uwasyala wene uwakwe simapepo, ndi vino cikaya ku wila wa cakulya.”

1 Kolinto 9:13

Cumi kwene mwamanya vino antu akaomba mu Ng'anda ikulu yakwe Leza yene yakalya kufuma muli vino vikapelwa mwenemo. Nupya mwamanya vino yao akaomba pa kavuwa yene yakaankanyiwako impolelwa zimwi zino zikapelwa pa kavuwa.

Kufuma 29:26

“Utole inganga yakwe suuku wino yakomile pa kupolelela Aloni, alino uiswelwile pa manso yakwe Yawe wa wila wakuswelula. Ikwene aino imaya ciputulwa ca nyama yako.

Mpendwa 18:11

“Navyuze ivyakucindika wa vintu vyamuzilo, ivingaya ivyako aevi. Cico consi cino aina Izlaeli yapaatula ku mawila yao akuswelula, napeela kunuli wewe wenga sile pamwi na ana yako aonsi na anaci ukulingana ni sunde ilya pelwa. Ali wensi uwamu ng'anda yako, umusangululwe angalyako ivintu vivyo.

Malango 18:3

“Lyonsi lino antu yapeela impolelwa, usi mulandu ingaya a cipambasi nanti imfwele, yasimapepo yalinzile kupelwa icilumbi, ni camvu ca pansi, nga ni cituka.