Aina Levi 7:19 - Amazwi Yakwe Leza 2013

¹⁹ Pa nyama zya mpolelwa zizyo ndi imwi yakumya ku cintu cikowele, inyama iyo italinzile kuliwa, lelo ilinzile ukocewa. Muntu wensi musanguluke angalya inyama ya mpolelwa.

Aina Levi 7:19 Referans Kwoze

Tito 1:15

Vintu vyonsi ivisanguluke kuli yao akwata myenzo isanguluke. Lelo kusi cimwi icisanguluke kuli yao akowela nupya atataila. Yene yakwata kwelengenya kukowele ni myenzo yao yakowela.

2 Kolinto 6:17

Nupya Mwene wavwanga wati, “Yatini, nupya fuminiko kuno yali! Mutakumya cintu cikowele cili consi. Lyene ndamuzengela

Loma 14:20

Mutaleka indya inu yonone mulimo wakwe Leza. Vyakulya vyonsi vilinzile kuliwa, lelo caya ukuluvyanya lino mwalenga auzo ukwifya pamulandu wa vyakulya vino mukalya.

Loma 14:14

Mu kuilundanya nu Mwene Yesu Klistu, nasininkizya vino Leza wacita vyakulya vyonsi kuya visanguluke. Lelo ndi ukwelenganya ukuti vyakulya vimwi ivikowele, ale lyene kunuli ivikowele.

Milimo 10:28

Alino ayanena ati, “Mwemo mweisikulu mwamanya ningo vino Muyuda, ukulingana ni mipepele yakwe, atazumiliziwa ukulanda nanti ukuminkana na Akulukuwa. Lelo Leza watandanga vino ntalinzile nataka umuntu umwi ukuti wakowela nanti atasanguluka.

Luka 11:41

Lelo pelini vino vili mu mbale ku apina, alino myenzo inu imasanguluka.

Aina Levi 6:27

Wino wensi alakumya ku wila uwo alailetelela isyamo pamulandu wa maka yakweo amuzilo. Lyene uwazi ndi watonela pa cakuzwala, mufulile cakuzwala cico pa Ncende Yamuzilo.

Aina Levi 7:18

Muntu ndi walya inyama ya mpolelwa yacuvwano pa wanda uwalenga yatatu, impolelwa iyo itangapokelelwa kuli Leza. Lelo impolelwa iyo ili nu kuya iyasilesile, iyaula muzano. Ili nu kuya impolelwa ikowele. Lyene umuntu wino walya impolelwa pa wanda uwalenga yatatu wene ali nu mulandu nupya alavunukwa.

Aina Levi 7:20

Lelo umuntu wino wakowela ndi walya inyama ya wila wa utandano iyapeelwa kuli Yawe, umuntu wiyo alinzile kusukulwa mu ina Izlaeli.