Aina Levi 6:26 - Amazwi Yakwe Leza 2013

²⁶ Simapepo wino wapeela uwila wa nyama, alye inyama iyo. Ailile mu Ncende Yamuzilo, pa musolo wi Taalu lya Ukongano.

Aina Levi 6:26 Referans Kwoze

Oseya 4:8

Yene yakaya akama ukupitila mu kwifya kwa antu yane, nupya yakalonda ukuti antu yayo yalukulunda penepo ukwifya.

Ezekelo 46:20

Atandika nu kuvwanga ati, “Kuno ali kuno yasimapepo yali nu kwelekela inyama ino yatuulwa wa mpolelwa yapa milandu nga ni yapa maifyo, nupya ali kuno yakaapangila mikate uku usu uno antu yatuuzile, ali pakuti pataloleka icintu nanti conga ca kupaatwila Leza, cakuti yatwala mu musolo wa mwi linga lya kunzi, pano cingaletelela antu pa kukumya ku vintu vyamuzilo.”

Ezekelo 42:13

Alino umuntu wiyo anena ati, “Amang'anda yaa yaili, yaya amuzilo. Yasimapepo, akapalamila kuli Yawe, ali muno yakaliila impolelwa izitaicindamila. Pamulandu wakuti imiputule iyo yaya yamuzilo, fwandi ali muno yasimapepo yalasungila ivintu vicindamisye, ivili wa mawila ya ngano, ni mpolelwa izikatuulilwa pa kulipa amaifyo, napa viipe.

Aina Levi 6:16

Lyene Aaloni na ana yakwe yalye vino vyasyalapo. Viye vyaulamo icitutumusi, nupya yaviliile pa Ncende Yamuzilo, kuli kuti pa musolo wi Taalu lya Ukongano.

Kufuma 40:33

Mose apanga musolo kuzinguluka Itaalu na kavuwa. Nupya aika insalu yakucingilikizya pa mpongolo ya musolo. Avino Mose wamalilile imilimo yonsi iyo.

1 Kolinto 9:13

Cumi kwene mwamanya vino antu akaomba mu Ng'anda ikulu yakwe Leza yene yakalya kufuma muli vino vikapelwa mwenemo. Nupya mwamanya vino yao akaomba pa kavuwa yene yakaankanyiwako impolelwa zimwi zino zikapelwa pa kavuwa.

Aina Levi 6:17

Pa kupanga umukate yatatikinkanyamo icitutumusi. Nayapeela ivyasyala kuti viye ciputulwa cao ca mawila yane akoca. Amawila yonsi yayo amuzilo cuze, wa mawila ya kwelela amaifyo nu wila wa cizumila mulandu.

Aina Levi 6:29

Monsi wensi uwamu ng'anda yakwe simapepo angalya impolelwa ii, pamulandu wakuti iyamuzilo cuze.

Aina Levi 7:7

Isunde lili limwi kwene likumile uwila wa kwelela amaifyo nu wila wa cizumila mulandu. Amawila yoili yaa akwe simapepo wino akacita ulutambi lwa kufuta amaifyo.