Aina Levi 6:15 - Amazwi Yakwe Leza 2013

¹⁵ Lyene simapepo atapulepo ikufi lyonga lya usu utonyoleke wa mawila yayo pamwi na mafuta nu ubani mwenemo, vino vili pa wila wa cakulya. Avyoce pa kavuwa pakulanga ukuti iciputulwa capeelwa kuli Yawe nupya viye uwila uwa mununko usuma ukazanzya Yawe.

Aina Levi 6:15 Referans Kwoze

Aina Levi 2:9

Simapepo wiyo atoole ciputulwa cimwi ca mukate pakulanga ukuti cene iciputulwa icapeelwa kuli Yawe. Lyene aoce umukate uwo pa kavuwa. Uwila uu uwa mununko usuma ukazanzya Yawe.

Aina Levi 2:2

Alino autwale kuli yasimapepo ana yakwe Aaloni aonsi. Atapule usu uwo utonyoleke ikufi lyonga, utikinkanye na mafuta nu ubani onsi. Lyene simapepo aoce vyonsi vivyo pa kavuwa, pakulanga ukuti iciputulwa icapeelwa kuli Yawe. Mununko usuma uwa wila uu ukazanzya Yawe.

Aina Levi 6:14

Ilamulo lya wila wa cakulya aili. Ana yakwe Aaloni yalinzile yatwala uwila uwo pa manso yakwe Yawe ku nkolelo ya kavuwa.

Kufuma 27:21

Aaloni na ana yakwe aonsi yakakozya ilampi kunzi ya nsalu icinge ino yapaatula Cifulo Camuzilo ni Cifulo Camuzilo ukuluta kuno kukaikala Mbokosi ya Upangano. Lyene ilampi mwi Taalu lya Ukongano likaaka pa manso yane kutandika manguzi mpaka kufika katondo. Aina Izlaeli nga na amu mupanda wao yalinzile yasunge ilamulo lii amanda pe.”

Aina Levi 3:17

Kusi mwina Izlaeli angalya amafuta nanti uwazi. Ilamulo lii lilinzile kusungwa na ina Izlaeli yonsi amanda pe, konsi kuno yalikala.’”