Aina Levi 5:7 - Amazwi Yakwe Leza 2013

⁷ Lelo ndi cakuti umuntu atakweti umwana wa mfwele nanti wa mbuzi, lyene atoole ivipeele viili nanti utwana twa nkunda twili kuti viye ivyakupeela kuli Yawe, alipile pa maifyo yakwe. Conga ciye uwila wa kwelela amaifyo ni cuze ciye uwila wakoca.

Aina Levi 5:7 Referans Kwoze

Aina Levi 12:8

Mwanaci ndi cakuti atakweti imfwele, alinzile ukuleta ivipeele viili nanti ana ya nkunda yaili, conga ciye uwila wakoca ni cuze ciye uwila wa kwelela amaifyo. Mu musango kwene uu simapepo alinzile ukumucitila ulutambi lwa kufuta amaifyo, nga nawe alaswefiwa.

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.

2 Kolinto 8:12

Ndi mukulondesya kupeela, Leza alapokelela uwila winu pakulola pali vino mukweti, pano asilolekesya pali vino mutakweti.

Mateo 3:16

Lyene lino Yesu wawatiziwa, lilyo kwene afuma mu manzi. Lyene iyulu lilekuka, nga alola Mupasi Wamuzilo akwika panoli mu musango wa nkunda.

Aina Levi 14:31

Nkunda yonga iye iya wila wa kwelela amaifyo, ni yuze iye uwila wakoca pamwi nu wila wa cakulya. Vii, avili vino simapepo alinzile ukucita pa lutambi lwa kufuta amaifyo ya muntu wino wapola ku ndwala yakwe tembwe.

Luka 2:24

Nupya yaile nu kupeela impolelwa ya nkunda ziili nanti ivipeele viili, wakwe vino calembwa mu Masunde ya Mwene.

Aina Levi 16:5

Aina Izlaeli yonsi yalinzile ukupeela Aaloni yasawe yaili akupeela uwila wa kwelela amaifyo na suuku wenga uwa kupeela uwila wakoca.

Aina Levi 15:30

Simapepo alinzile ukupeela icunyi conga wa wila wa kwelela amaifyo. Lyene icunyi cuze apeele wa wila wakoca. Vii, avili vino simapepo alinzile ukucita pa lutambi lwa kufuta amaifyo pa kuswefiwa kwa mwanaci akufumya uwazi pa manda mavule.

Aina Levi 9:3

Lyene unene aina Izlaeli uti, ‘Tolini sawe kuti mupeele uwila wa kwelela amaifyo. Nupya mutole umwana wa ng'ombe nu mwana wa mfwele, yoili yao yaye a mwaka onga nupya aula ulema, kuti yaye amawila yakoca.

Aina Levi 5:11

“Muntu ndi atakweti ivipeele viili nanti utwana twa nkunda twili, alete usu utonyoleke kulingana ni cipimo cakwe kilogalamu wenga. Usu uwo uye uwila wakwelela iifyo lino watacita. Atalinzile kuutikinkanya na mafuta nanti nu ubani, pamulandu wakuti uu uli wila wa kwelela amaifyo.

Mateo 21:12

Yesu aingila mu Ng'anda ikulu yakwe Leza, azinga aculuzi na akauzyanyanga vintu vyao. Lyene apenola vipango vyakwe yakakauzya ya mpiya ni vilimba vyakwe yano akazyanga inkunda.

Aina Levi 7:1

Yaa, ali malamulo ya wila wa cizumila mulandu, nupya yene amuzilo cuze.

Aina Levi 12:6

Lino insita yakuswefiwa kwa mpapo yakwe yasila, pa mpapo ya mwana umonsi nanti pa mpapo ya mwana umwanaci, nyina mututu alinzile ukuleta kuli simapepo, pa mulyango wi Taalu lya Ukongano umwana wa mfwele wa mwaka onga, kuti aye uwila wakoca. Nupya alinzile ukuleta icipeele conga nanti inkunda yonga ya wila wa kwelela amaifyo.

Aina Levi 14:30

Lyene alinzile ukupeela ivipeele nanti ana ya nkunda yaili, ukulingana na vino umuntu wino akuswefiwa angapeela.

Mpendwa 5:6

kuti anene aina Izlaeli ndi vino umonsi wensi nanti umwanaci ndi waifya iifyo ilyakulenga antu kufutatila kuli Yawe ale wacita mulandu.

Mpendwa 6:10

Alino pa wanda walondelelapo, uwalenga cinani, alinzile watwalila simapepo ivipeele viili nanti ana ya nkunda yaili pa mulyango wi Itaalu lya Ukongano.

Mpendwa 6:11

Lyene simapepo ali nu kupeela kuli Leza, inkunda yonga wa wila wa kwelela amaifyo nayuze ya wila wakoca kuti acitile umuntu wiyo ulutambi lwa kufuta amaifyo kwi iifyo lino akowile pamulandu wa kupalama ku cala. Na pa wanda kwene uwo umuntu ala wapaatwila cipya cipya umutwe wakwe kuli Yawe.

Aina Levi 27:8

Ndi cakuti umuntu wiyo wino walafile mupina atangalipa pa mutengo waku ng'anda yakwe Leza, wene alinzile ukuleta kuli simapepo umuntu wino walavile ukupeela kuli Yawe. Lyene simapepo alinzile ukupima mutengo unono kulingana na maka ya muntu akulipa.