Aina Levi 3:16 - Amazwi Yakwe Leza 2013

¹⁶ Alino simapepo aoce vyonsi vivyo pa kavuwa, kuti viye uwila wa usu wakoca pa moto, uwa mununko usuma ukazanzya Yawe. Mafuta yonsi akwe Yawe.

Aina Levi 3:16 Referans Kwoze

Mateo 22:37

Yesu nawe aasuka ati, “ ‘Uwatemwa Mwene Leza wako nu mwenzo wako onsi, nu umi wako onsi, na mano yako yonsi.’

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.

2 Milandu 7:7

Solomoni apaatula Ng'anda ikulu yakwe Leza kumwi ni ncende iya yonsi ino yali apakasi ka musolo wapa mulola wa ng'anda ipepo apamulandu wakuti ali pano wapelelanga amawila yakoca, na mafuta afumile ku mawila ya utandano. Wene wacisile cii pamulandu wakuti kavuwa ka mukuwa kali akanono cakuti atange alonge penepo amawila yakoca, na mawila ya mbezu nga ni viputulwa vya mafuta.

Aina Levi 17:6

Simapepo alinzile kusansa uwazi kuzingulusya kavuwa kakwe Yawe, pa mulyango wi Taalu lya Ukongano. Pacisila cakwe cii, aoce amafuta wa wila uwa mununko usuma ukazanzya Yawe.

Aina Levi 9:24

Mukupumikizya Yawe atuma umoto iwoca uwila wakoca ni viputulwa vya mafuta vino vyali pa kavuwa. Lino antu yalola cii, iyapunda pamwi yonsi, nga yafukama pansi yafupime.

Aina Levi 8:25

Atoola amafuta, musinda unone, amafuta andatila vyamunda, ciputulwa cisuma ca kwitima kumwi na mafuta kwene, imfyo zyoili kumwi na mafuta, nga nu mwendo wa kwilunji.

Aina Levi 4:31

Alino afumye amafuta yonsi ya mbuzi ndi vino yakafumya amafuta ya wila wa utandano. Lyene simapepo ayocele pa kavuwa kako, kuti viye uwila uwa mununko usuma ukazanzya Yawe. Mu musango kwene uu amuno Simapepo ali nu kupeelelamo uwila wa kufuta amaifyo ya muntu uwasilesile, nga insita kwene iyo umuntu alelelwa.

Aina Levi 4:26

Lyene amafuta yonsi ayocele pa kavuwa, wakwe vino yakacita na mafuta ya wila wa utandano. Mu musango kwene uu amuno Simapepo ali nu kupeelelamo uwila wa kufuta amaifyo ya muntu wiyo, insita kwene iyo umuntu wiyo alelelwa.”

Kufuma 29:22

“Utole amafuta yakwe suuku, musinda unone, amafuta andatila vyamumala, ciputulwa cisuma ca kwitima, imfyo zyoili na mafuta yakwezyo alino nu mwendo wa kwi lunji, pamulandu wakuti suuku wii impolelwa ya pakutulwa.

Kufuma 29:13

Pacisila cakwe vii, utoole amafuta yonsi andatila vyamunda, ni ciputulwa cisuma cuze ca kwitima kumwi ni imfyo alino uvyocele pa kavuwa.

2 Milandu 29:35

Ukongezya pa mpendwa ya mawila yakoca, pali na mafuta ya mawila ya utandano, na mawila ya vyakumwa yano yali pamwi na mawila yakoca. Avino ulutambi lonsi lwa mipepele yaku Ng'anda ikulu yakwe Yawe lwatandike nupya.

Ezekelo 44:15

Lelo yasimapepo mu ina Levi, ana yakwe Zadoki, yano yaombanga umulimo wane mu Ng'anda yane ikulu, lino aina Izlaeli yamfutatile nu kuntaluka ukutali, ali yano yali nu kumpalamila pa kuntumikila. Yamaimililanga pa cinso cane nu kuntuula amafuta nu wazi.

Utandiko 4:4

Lelo Abeli asenda ana mayeli ya mfwele zyakwe, ayafyula nga apeela uwila viputulwa vya mafuta. Yawe azanga muli Abeli nu mu wila wakwe kwene.