Aina Levi 26:42 - Amazwi Yakwe Leza 2013

⁴² ndafikilizya cipangano cane cino nacisile kuli Yakobo, Isaki, na Abulaamu. Nupya ntalilila vino nalavile ukupeela impanga kunomuli.

Aina Levi 26:42 Referans Kwoze

Ezekelo 16:60

Lelo kwene ndiusya upangano uno napangine nawe, lino wali umwance, nupya ndapangana nawe upangano wakuyelelela pee.

Masamu 106:45

Wiusyanga ulayo uno walaine nayo, ali pakuyuvwila inkumbu, pamulandu wa luse lwakwe ulukalamba.

Kufuma 6:5

Kuluta pali cii, ndakai natinuvwa kuteta kwa ina Izlaeli, yano aina Eguputo yateeka uzya. Ntilila upangano wane kunoyali.

Kufuma 2:24

Leza auvwa kuteta kwao, nga atilile upangano wakwe uno wacisile na Abulaamu, na Isaki, na Yakobo.

Luka 1:72

Watile alaya na mizu ku antu itu, nu kwiusya upangano wakwe uwamuzilo.

Yowelo 2:18

Lyene ulukundo lwakwe Yawe lwakanga ungati umoto upembe pamulandu wa mpanga yakwe. Nga acitila antu yakwe yonsi uluse.

Masamu 136:23

Watwiwisye lino twazanzilwe, pano luse lwakwe ulwa pe na pee.

Malango 4:31

Pasi pano Yawe Leza winu a Leza uwa mizu. Wene atalamutazyela nanti ukumonona, nupya atalilila upangano uno umwisikulu wacisile ni vikolwe vinu.

Utandiko 28:15

Ndakucingilila konsi kuno ulaya, nupya ndakuwezya ku mpanga kwene ii. Intalakusya mpaka nkafikilizye vyonsi vino nakulaya.”

Utandiko 26:5

Ndakupolelela, pamulandu wakuti Abulaamu wanjelanga nu kusunga amasunde yane, malayo na malamulo yane.”

Utandiko 9:16

Lyonsi lino mulalamfuti waloleka mu makumbi ndaulola nu kwiusya upangano wa manda pe uli pakasi kakwe nene ni viumbwa vyaumi vyonsi vyamu nsi.

Utandiko 9:15

ndaiusya upangano wane kunomuli nu ku viumbwa vyonsi vyaumi uwakuti, kutalaya mulamba nupya uwakonona viumbwa vyonsi vyaumi nanti insi.

Utandiko 26:2

Lyene Yawe aloleka kuli Isaki, avwanga ati, “Utapita ku Eguputo, lelo ikala mu mpanga kwene ii, muno nakunena ukwikala.

Utandiko 28:13

Mwene aimilila pipi nawe avwanga ati, “Nene Yawe, Leza wakwe Abulaamu na Isaki. Ndapeela impanga muno uizi kunuli nu ku amu mupanda wako.

Utandiko 35:11

Nupya Leza ati, “Nene Leza Wamaka yonsi. Mulinzile kuvyalana muvule. Inko izingi zilafuma munuli, nga ulaya cikolwe ca ene.

Utandiko 35:12

Ndakupeela impanga ino napiile Abulaamu na Isaki. Ndaipela nu ku amu mupanda wako icisila cako.”

Yakapingula 2:1

Umungeli wakwe Yawe afuma ku Giligali aya ku Bokimu nga avwanga ati, “Namufumizye mu Eguputo nu kumutungulula ku mpanga ino nalavile kupeela ku vikolwe vinu. Mvwanzile inti, ‘Intalatala mfutatile upangano wane uno napangine namwe.

Esita 4:14

Ndi cakuti wala wamyalala sile cele, apa kasita kaa, ukupusuka nu kukululwa kwa Ayuda kulafuma sile kuze. Alino wemo kumwi na amu ng'anda yakwe so yonsi, ilaya ali mpela inu. Ale lyene, uzye aweni angamanya cii icalenzile kuti wewe ufike na kuli unamwene?”

Utandiko 15:18

Pa wanda ulya Yawe acita upangano na Abulamu, avwanga ati, “Nakulaya ukuti namapeela impanga ii yonsi ku amu mupanda wako, ukufuma ku Luzi lwa Eguputo kufika nu ku luzi lukulu lwa Yufulate,

Utandiko 26:24

Uwanda uwa kwene usiku Yawe aloleka kunoli amunena ati, “Nene Leza wakwe so Abulaamu. Utuvwa intete indi nawe. Namakupolelela nu kukupeela ana avule, pamulandu wa ulayo uno nalavile muomvi wane Abulaamu.”

Malango 9:27

Iusya aomvi yako, Abulaamu, na Isaki, na Yakobo, nga nupya utasumba amano ku kutalama, nu ku ukakasi nga ni iifyo lya antu yaa.

Ezaya 14:1

Yawe alaya nu luse ku antu amu mutundu wakwe Yakobo, wene alasolola aina Izlaeli nupya alayata yikale mu mpanga yao. Na inamasi kwene yaliza yikale nayo umu mpanga yao kwene. Ainamasi yalailundanya kunoyali nu kulemana na ang'anda yakwe Yakobo.