Aina Levi 26:41 - Amazwi Yakwe Leza 2013

⁴¹ nupya vino ivyalenzile kuti imvyalukile nu kuvisalanganya mu mpanga zya anisi yaviko. Ku mpelelekezyo, lino amu mupanda winu yalaicefya nu kulipila imilandu ya pa maifyo yao na pali ucisanguka wao,

Aina Levi 26:41 Referans Kwoze

Ezekelo 44:7

Pasi pano lyene mwati muleka aenyi yano yatasilamulwa imipasi ni mili kumwi, yingile umu Ncende yamuzilo, nu kukowezya Ng'anda ikulu yakwe Leza, apa nsita ino mukutuula uwila wa vilyo na mafuta nu wazi, nu konona upangano wane uku micitile yinu iipisye yonsi.

Milimo 7:51

Sitivini atwalilila kuyanena ati, “Mwe antu akoma myenzo mwe! Mutamanya Leza! Mwe yankoma matwi mwe. Mukoline ni vikolwe vinu kwene: namwe kwene mukukanya u Mupasi Wamuzilo lyonsi!

Yelemiya 4:4

Sungini upangano uno ne Yawe napangine namwe. Mutuule imyenzo inu kunondi mwe antu amu Yuda na amu Yelusalemu. Ndi cakuti mwakana ukucita cico, ale lyene ukali wane ulalunkuma wa moto pamulandu wa vintu viipe vino mwacita. Wene ulalunkuma wa moto, nupya kusi nanti umwi alauzimya.”

2 Milandu 32:26

Lyene Hezekiya aicefya nu kuzenzuka ku cilumba cakwe, ndi vino na antu aikalanga mu Yelusalemu yacisile. Icaleka ukali wakwe Yawe utayaponile mu manda ya umi wakwe Hezekiya.

1 Yamwene 21:29

“Uzye watulola vino Aabu waicefya? Pa kuicefya kuno wene waicefya pa manso yane, ntalamuletela imipamba amanda yonsi yano alikala pano nsi. Lelo ndaletela ang'anda yakwe imipamba mu manda ya umi wa mwana wakwe umonsi.”

Kolose 2:11

Muli aliwe mwaya kwati mwasilamulwa kusi kusilamulwa, kwa untu, lelo kuzula mikalile iipe kuli kusilamulwa kuno Klistu akacita.

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

Ezekelo 20:43

Alino mulaiusya ivintu vyonsi vyawinyi vino mukacita, navino mukaikowezyako mwe eneco. Ku mwenzo kulasalokwa pamulandu wa vintu viipe vyonsi vino mukacita.

Yelemiya 6:10

Nga nani naasuka inti, “Uzye aweni wino ninganena nawe auvwe? Cumi kwene amatwi yao yapulama, yatange yakutike foo. Amazwi yakwe Yawe yasulwa kunoyali. Yene yasiyazengela, awe.

Malango 30:6

Nga alino Yawe Leza winu alapeela kunomuli nu ku amu mupanda winu imyenzo iyacuvwilo, pakuti mwamutemwa ni myenzo inu yonsi nu umi winu onsi. Lyene mulikalilila mu mpanga iya manda pe.

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

Luka 18:14

Yesu avwanga ati, “Namunena nati, kasonkisya waswilile ukwakwe uwakaele pa manso yakwe Leza. Lelo Mufaliseo waswilile ukwakwe na maifyo yakwe. Pano wensi akaikuzya wene alacefiwa, na wino wensi akaicefya wene alakuziwa.”

Luka 14:11

Pano wensi akaikuzya wene alacefiwa, na wino wensi waicefya wene alakuziwa.”

Mateo 23:12

Pano wino wensi akaikuzya wene alacefiwa, na wino wensi akaicefya wene alakuziwa.

Ezekelo 44:9

“Yawe Simwandalali nawe wavwanga wati, umwenyi, atasilamulwa umupasi nu mwili, atalingila umu Ng'anda yane ikulu, nanti sile awenga apa enyi yonsi yano yikala umu ina Izlaeli.”

Ezekelo 6:9

Mumo ali muno yalaikala uzya nu kunjiusya ali kuno yalanjiusizya nu kumanya ukuti anene nayafulwile nu kuyalenga insonyi. Pasi pano yamfumizyeko amano, yali nu lwiswa lwa tuluwi, nemo yansuuzile. Ukuya kwene yalaisuula aeneco pamulandu wa viipe ni vyawinyi vino yacitanga.

Masamu 39:9

Namaikalanga cele, ukwaula ukuvwanga nanta cimwi, pano awewe watuleka kuti ncule vii.

Neemiya 9:33

Wemo wacita icilungame pa kutuvunuka. Wewe wacumi muli vino wacita, nanti angala swemo twifya.

Ezila 9:15

We Yawe, Leza wa ina Izlaeli, wemo wewe mololoke! Watuzumilizya kuti tuye nu umi. Acino twailongwela amaifyo itu kunuli. Tusi ni nsambu zya kwiza apa manso yako.”

Ezila 9:13

Vii vyonsi vyakutuzunya pamulandu wa maifyo ni viipe vitu vyasila, nga lelo swemo tumanyile ukuti wewe we Leza witu ukutuvunuka sile panono, ivitangalingana ni vicitwa vitu kuno yamwi pakasi kitu twatitupusuka.

2 Milandu 33:23

Lelo wene ataicefizye pa manso yakwe Yawe ndi vino Manase isi waicefizye kuti aifusye pa manso yakwe Yawe. Lelo Amoni wene walunzilepo ukwifya.

2 Milandu 33:19

Vino Manase wapepanga Leza na vino nawe wamwasukanga, ni vintu vyonsi iviipe vino Manase wacitanga, ni ncende zya kupepelamo utuluwi zino wakuuzile, ni vinkolanya vyonsi pamwi nu tuluwi twakwe Asyela tuno wapanzile pa kucindika Asyela, vyonsi vyalembwa mu mpapulo zyakwe yakasema.

2 Milandu 12:12

Apa mulandu nu kuicefya kuno Leoboamu waicefizye, icalenzile ukuti Yawe atamonona. Ni vintu vyonsi ivyasyala ivyamu mpanga ya Ayuda, vyapitikanga sile ningo.

Kufuma 10:3

Acino Mose na Aaloni yaya kuli Falao nga yamunena yati, “Yawe, Leza wa Ayebulai wavwanga wati, ‘Uzye amaila yanga yano ulatalama kunondi? Ta antu yane yapita, pakuti yangampepa.

Aina Levi 26:24

Lyene indi nu kwalukila panomuli nu kumuvunuka cuze, maila cinimbali ukuluta pa kuvunuka kwankolelo.

Aina Levi 26:28

lyene mu ukali wane ndamwalukila nu kumuvunuka cuze maila cinimbali ukuluta kuvunuka kwankolelo.

Mpendwa 5:7

Wene alinzile wailongwela iifyo lino watacita alino na pakulipa alinzile kuwezya cino watatola. Alino alundepo icipande conga pali visano pali cino watalipa. Alino aswilizye vyonsi vii kuli wiya wino aifizye.

Malango 10:16

Ali cino fwandi ukufuma ndakai cingazipa mwayela Yawe nupya mute kumutalamila.

Malango 31:21

Alino lyene amazanzo avule aipisye pamwi na macuzi vilayaponela. Lelo ulwimbo luu luliimbwa nu kuya umboni uwakuyasinila, pamulandu wakuti amu mupanda wao yatalalwilila. Ali vino navikwene natimanya vino yakwelenganya nanti ntacili njingizye mu mpanga ino nalavile nu mulapo ukuyapeela.”

Ezekelo 14:23

Lyene alino mulamanya ukuti apamulandu usuma acino nacitile vii vyonsi. Ivyalanda ne Yawe Simwandalali.”