Aina Levi 26:17 - Amazwi Yakwe Leza 2013

¹⁷ Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Aina Levi 26:17 Referans Kwoze

Mapinda 28:1

Umuntu mwipe akapuuka, ala pasi na akumuzinganya. Umuntu musuma wene wapama wakwe cisama.

Aina Levi 17:10

“‘Mwina Izlaeli ali wensi nanti umwinamasi wino akwikala pakasi kao, ndi walya inyama ino mucili uwazi, Yawe ali nu kumusukula mu antu yakwe.

Masamu 53:5

Ukuya kwene intete zino yatatala yalemwa zilayalema, pano Leza amasansanta amafupa ya anisi yao. Cimayaletela insonyi pakuzana ukuti Leza watayatazyela.

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

Yelemiya 19:7

Mu cifoloma kwene cico ali muno navulunginye amapange ya antu aku Yuda na aku Yelusalemu. Namaleka ukuti anisi yao yayacimvye umu nkondo, nu kuyakoma ali muno yayakomele. Namaleka ukuti ivyunyi ni vinyama vya mpanga ali vino vyalya ivyala vyao.

Yakapingula 2:14

Nawe Yawe pasi pa kusokela aina Izlaeli nga ayapeela mu makasa ya azanzi nayo iyayasampa vyonsi vino yakweti. Wene wayisile mu maka ya anisi yao ukuzinguluka konsi, nga yatali na maka akuyacimvya nupya.

Nyimbo zya ndosya 1:5

Anisi yano yapokolola umusumba lyene asangwike aeneco ya musumba. Umwene uwatamuletela ucuzi uwo pamulandu wa maifyo yakwe avule. Ana yakwe yalemwa nu kusendwa uku uzya.

1 Samueli 31:1

Aina Filisti iyalwa inkondo na ina Izlaeli. Aina Izlaeli iyutuka ukufuma kunoyali, nga na ingi iyakomwa pa Mwamba wa Giliboa.

1 Samueli 4:10

Acino aina Filisti iyalwa, iyasuka iyacimvya aina Izlaeli, yao autukile kumwao. Kwali ukucimviwa kukulu wakwe cimwi, nga asilika ya pa ngazo, aina Izlaeli akomilwe yali amazimbi amakumi yatatu.

Utandiko 4:12

Ndi ulezya kulima vilimwa, musili utalakumezezya nanti cimwi. Acino wemo utalatala uye ni teko nupya ulazeuluka sile muno nsi.”

Yoswa 7:4

Acino aonsi aileko yali manye pipi na mazimbi yatatu, lelo yayacimvizye ku ina Ai,

1 Yamwene 8:33

“Antu yako aina Izlaeli ndi yayacimvya ku anisi yao, pamulandu wakuti wemo yakuluvyanya, lelo ndi cakuti yaweluluka kunuli, yatandika nu kukuwanzya, nu mu ng'anda ino yiza ingila, yamapapata pakuti uyayele uluse,

Masamu 44:10

Lyene watuleka nu kuti twapuka anisi itu, lyene yakuzanza ni vyuma vitu.

Yelemiya 44:11

“Caleka fwandi ne Yawe Wamaka yonsi, Leza wa ina Izlaeli, ndamulovya, ndonona ni mpanga yonsi yakwe Yuda.

Ezekelo 15:7

Kwene namasumbangako amanso yane pano yali apakuyalwisya. Yati yapusuka uku moto, lelo umoto uliza uyalye. Alino mulamanya ukuti nene Yawe, lino ndasumba amanso pa kumulwisya.

Yakapingula 3:8

Acino Yawe nawe pasi pakusokela aina Izlaeli alenga nu kuti Kusyani Lisyataimu, umwene waku Mesopotamya, ayacimvye. Wene wayateesile pa myaka cinani.

Yakapingula 3:14

Egiloni umwene waku Moabu ateeka aina Izlaeli pa myaka ikumi na cinani.

Yakapingula 6:2

Aina Midyani yali amaka ukuluta aina Izlaeli, nga na ina Izlaeli iyafisama ukufuma ku manso yao mu macele nu mu ncende zyuze mu twamba.

1 Samueli 12:15

Lelo ndi mwala mwakana ukuvwila Yawe, nupya ndi mwakana ukuyela amasunde yakwe, ale lyene alamulyolyosya kumwi nu mwene winu kwene.

2 Yamwene 13:3

Yawe nawe ali pakusokela aina Izlaeli icakuti aleka nu kuti Hazaeli umwene waku Asilya, pamwi na Beni Hadadi umwanakwe lyonsi yacimvya aina Izlaeli.

2 Yamwene 13:7

Apa nsita iyo Yeowazi atakweti ivita ivingi. Walanga pasyala sile ivita ukufika nu kumpendwa ya makumi yasano, yao aomvyanga imfwalasi, alino amaceleta ikumi lyonga nga alino ni vita vyapansi navyo amazimbi ikumi. Icalenzile vivyo vyonsi umulandu wakuti umwene waku Asilya walanga wakoma ivita nyanya nu kulavilyatola ungati akulyatola ulukungu.

Masamu 53:6

Owe mwe! Aweni fwandi angafuma uku Zioni uwakwiza pususya aina Izlaeli? Lino Leza alaswilizya antu yakwe kumwao, alino Yakobo alazanga, nga alino na Izlaeli alasansamuka.

Ezaya 30:17

Antu inu izimbi lyonga yalapuuka, apakulola sile icita conga ca anisi inu. Alino ivita visano sile ivya anisi inu vilakumana pakumuzinga mwensi pyu. Api umba lya vita vinu patalasyala akantu nanti konga, suka sile imendela inu aino ilyasyala ikupepela sile apa mwamba!

Ezaya 63:10

Nga lelo yene yamutalamilanga nu kumufisya ku mwenzo. Nawe fwandi ali pakuyafutatila, ala umweneco akuyalwisya nu kuyalwisya.

Nyimbo zya ndosya 2:4

Akukana ulapwa nu kutusonta ni nceto ungati sweswe anisi yakwe. Watakomola vyonsi vino ilinso lingatemwa ukulola. Watapongolwela icipyu cakwe wa moto, umu mang'anda yakwe swe ina Zioni.