Aina Levi 24:16 - Amazwi Yakwe Leza 2013

¹⁶ Muntu ali wensi wino wasaalula izina lyakwe Yawe alinzile ukukomwa. Iuvi lyonsi lilinzile ukumutama amawe. Ciye mwinamasi nanti mukaya kwene, ndi wapontela Yawe, wene alinzile kutamwa na mawe mpaka afwe.

Aina Levi 24:16 Referans Kwoze

Mateo 12:31

Caleka namunena vino, maifyo ya antu na mazwi yao a misuli kuli Leza yonsi yangelelwa. Lelo wino wensi alavwanga mazwi ya misuli pali Mupasi Wamuzilo wene atalelelwa.

Yakobo 2:7

Yakwene alio akalandila zina lisuma viipe, zina lya Mwene winu.

1 Timoti 1:13

Wene wacisile cii nanti angala mu manda apita cisila namuvwangile viipe, nu kumuzunya nga nu kumutuka. Lelo Leza wali na mizu kunondi pamulandu wakuti lilya ntakweti utailo nupya ntamanyile cino nacitanga.

Milimo 26:11

“Nupya maila aingi mu mang'anda ya mapepo nayazunyanga, kwezya kuti yafutatile utailo wao. Alino pano ukali wane walusya, lyene nayalondelelanga nu mu misumba yamu mpanga zyuze, ku kuyazunya.

Mateo 26:66

Uzye mukwelenganya uli?” Yaasuka yati, “Alinzile ukufwa.”

Masamu 139:20

Yakavwanga ivya musalula kunuli, yasuula ukwelenganya kwako iyati ukwa sile sile.

Masamu 74:18

Waiusya, we Yawe, ukuti anisi yako yakukuseka, nga ni viwelewele vikukusausya.

Masamu 74:10

Leza we, uzye alilaci fwandi lino anisi itu yalata ukutusausya? Uzye yamatutukolanga lyonsi pee?

Kufuma 20:7

“Utalumbula izina lyakwe Yawe Leza wako mu mwata wipe. Pano Nene, ne Yawe Leza wako, ndavunuka ali wensi akalumbula izina lyane mu mwata wipe.

Mako 14:64

Mwati muvwa mazwi ya misuli apali Leza. Uzye mukwelenganya uli?” Onsi yaasuka ukuti alinzile kukomwa.

Yoane 19:7

Iumba nalyo lyasuka liti, “Swemo twakwata isunde litu lino likati alinzile ukufwa, pano wene akuilanda vino Mwana wakwe Leza.”

Milimo 7:58

yamufumizya kunzi ya musumba, nga yamutama na mawe. Yakambone yasya makoti yao ku mulumendo umwi izina a Saulo.

Kufuma 22:28

“Utakavwange mazwi ya misuli kuli Leza nupya utakatipwile intunguluzi ya antu inu.

2 Samueli 6:2

Wene pamwi na antu yakwe yonsi iyatenuka ukufuma ku Baali waku Yuda ku kusenda Mbokosi ya Upangano yakwe Leza, ino ikaamilwa ukwi zina lyakwe Yawe Wamaka yonsi, wino ali apakasi kakwe yakelubi yano ali pa Mbokosi kwene iyo.

Aina Levi 20:2

Nena aina Izlaeli uti, “Mwina Izlaeli ali wensi nanti umwinamasi wino akwikala pakasi kinu, umonsi nanti umwanaci ndi wapeela ana yakwe kuli Moleki alinzile ukukomwa. Iuvi lyonsi lya ina Izlaeli limutame na mawe mpaka afwe.