Aina Levi 24:14 - Amazwi Yakwe Leza 2013

¹⁴ “Tola umuntu wiyo mufumizye kunzi ya nsakwe. Muntu wensi wino uvwile lino akutipwila, aike makasa yakwe pa mutwe wa muntu wiyo kuti apeele umboni wakuti muntu wiyo ali nu mulandu. Lyene iuvi lyonsi lilinzile kumutama na mawe mpaka afwe.

Aina Levi 24:14 Referans Kwoze

Malango 17:7

Nupya yakambone kwene alinzile ukutandikilapo ukumutama na mawe, alino antu nayo yakonkezye. Umu kucita cii ali muno mungaifumizya ulukota luu.

Malango 21:21

Lyene aonsi yonsi amu musumba yalinzile kumutama na mawe mpaka afwe, nga vivyo avino mulasisya inkota pakasi kinu. Cila muntu mu Izlaeli aluvwa icacitika nga aye ni ntete.

Aina Levi 20:27

“Monsi nanti umwanaci wensi wavwanga ni mipasi ya antu afwe alinzile kutamwa na mawe mpaka afwe. Nupya umuntu wensi uwacita icintu cii ala waikoma umwisikulu.”

Aina Levi 20:2

Nena aina Izlaeli uti, “Mwina Izlaeli ali wensi nanti umwinamasi wino akwikala pakasi kinu, umonsi nanti umwanaci ndi wapeela ana yakwe kuli Moleki alinzile ukukomwa. Iuvi lyonsi lya ina Izlaeli limutame na mawe mpaka afwe.

Yoane 8:59

Lyene yasola mawe kuti yamutame, lelo Yesu afisama. Alino afuma mu Ng'anda ikulu yakwe Leza.

Yoswa 7:25

Yoswa auzya ati, “Uzye pacani cino watuletela intazi ii? Ilelo Yawe amakuletela intazi.” Alino aina Izlaeli yonsi iyamutama na mawe mpaka afwa, iyatama na amu ng'anda yakwe kwene nga iyayoca kumwi na vyonsi vino yali navyo.

Malango 22:21

lyene yalinzile kumuleta ku mulyango wa ng'anda yakwe isi, kuno aonsi amu musumba uwo yalinzile kumutama na mawe mpaka afwe. Wene watacita icansonyi mu Izlaeli apakucita uzelele lino acili mu ng'anda yakwe isi, ala atacili atwalwe. Mu musango uu amuno mulasisya inkota pakasi kinu.

Aina Levi 13:46

Mulwale wiyo ali nu kuya uwamifitalila mu nsita yonsi iya ulwale wakwe. Nupya alinzile kusungwa aikale wenga kunzi ya nsakwe.

Aina Levi 24:13

Alino Yawe anena Mose ati,

Malango 17:5

muce musende umuntu wiyo ukunzi ya musumba nu kumutama na mawe mpaka afwe.

1 Yamwene 21:10

Muce musolole penepo antu yaili, iviwelewele kuti yayo kwene ali yano yace yakize pa manso yakwe Naboti nu kumupeela umulandu wa kutuka Leza pamwi nu mwene. Lyene mumufumizye kunzi, alino mumutame na mawe kuti afwe.”