Aina Levi 23:40 - Amazwi Yakwe Leza 2013

⁴⁰ Pa wanda wakutandika, mwasenda iviseekwa vinu visuma ukuluta ukufuma ku vimuti vinu ivya viseekwa. Mwasenda misambo ya tuncindu ni misambo ya vimuti vino vyakwatisya mafwa. Ndi mwacita vii alino mutandika cimulo ca mapepo yakucindika Yawe, Leza winu.

Aina Levi 23:40 Referans Kwoze

Umbwilo 7:9

Pacisila cakwe cii nceleka nga ndola iumba likulu cuze. Kutali nanti wenga uwange apende antu onsi. Antu yaa yafumile mu nko zyonsi, mu mitundu yonsi ya antu, mu misango yonsi ya antu nu mu ndimi zyonsi. Yene yaimi nkolelo ya cilimba ca wene na pa manso ya Mwana wa mfwele, ala yazwite mingila itiswe nupya yalemile makambalala mu minwe yao.

Filipi 4:4

Mwazanga mu Mwene. Nupya kwene nkuti mwazanga!

Loma 5:11

Nupya cisi cico citupu. Tukazanga pali vino Leza wacita mu Mwene witu Yesu Klistu, uwalenga kuti tukwate kuwikizyanya na Leza.

Yoane 16:22

Vii avino cili kunomuli. Ndakai muli nu ulanda, lelo ndiza mulole nupya, nga ni myenzo inu ilazulamo ni nsansa zino pasi umuntu nanti umwi angazisisya kufuma kunomuli.

Yoane 12:13

Caleka yatoola makambalala ya mikoma, yazuka yakumukomanya yasanzika mazwi yati, “Mucinzi upelwe kuli Leza! Walongo awiyo akwiza mwi zina lya Mwene! Walongo a Kateeka wa Izlaeli!”

Mateo 21:8

Alino antu, iumba likulu cuze yaanza insalu zyao mu museo, nga yamwi nao yatema misambo ya miti iyali na mafwa yaanza mu museo.

Ezaya 35:10

Yano Yawe wakulula yalawela uku Zioni nu luzango, ala yakwimba. Uluzango lwape lulaloleka pa mausyu yao. Yene yalapita nu luzango nu kusansamuka. Kutalaya ukucula nu kuilizyanya.

1 Petulo 1:8

Mwamutemwa nanti angala mutamulola, nupya ndakai musyamulola lelo mwamutaila. Lyene mukazanga, nga kusi mazwi angalondolola luzango lwinu lwa kutuulwa,

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

Ezaya 66:10

Zanga we Yelusalemu! Sansamukini mwensi mwemuno mwamutemwa! Zangini, sansamukini apamulandu wakwe, mwensi mwemuno mukamulosya!

Masamu 92:12

Asuma yene yamalelemanga wa tuncindu, yamaikalanga wa miti italimpisye, imikelide iya ku Lebanoni.

Aina Levi 23:39

“‘Lino mwamala ukuzombola ivilimwa mu vyalo vinu, mwazevya cimulo cii pa manda cinimbali, ukutandika pa wanda uwalenga ikumi na yasano uwa mwezi wakwe cinimbali. Uwanda wakutandika ulinzile ukuya uwanda wamuzilo uwakupuza.

Aina Levi 23:41

Mwazevya icimulo cii pa manda cinimbali. Ilamulo lii, lili nu kusungwa na amu mupanda winu amanda pe.

Malango 12:7

Papa kwene pa manso yakwe Yawe ali pano mulalya nu kusansamuka na ang'anda zinu pamulandu nu usuma wa vintu vino Yawe Leza winu wamupeela, vino mwaombile.

Masamu 137:2

Kuku kwene akuno twakowekanga amazeze itu apa vimuti vyamu mbali ya luzi.

Ezaya 44:4

Yonsi yalakula usaka ungati umulemvwe utonyelelwe ningo, uno wamela umu mbali ya manzi. Yalakula wakwe yacisu yano yamela umu mbali ya luzi.

Malango 12:12

Lyene mulasansamuka pa manso yakwe Yawe Leza winu apali pamwi na ana inu, na aomvi inu, na ina Levi akaikala mu misumba inu. Mwaiusya ukuti aina Levi Yene yatapiilwe impanga ingaya impanga yao iyaupyanyi.