Aina Levi 23:34 - Amazwi Yakwe Leza 2013

³⁴ “Nena aina Izlaeli, uti, ‘Cimulo ca nsakwe cikatandika pa wanda uwalenga ikumi na isano, mu mwezi wakwe cinimbali nu kutwalilila pa manda cinimbali.

Aina Levi 23:34 Referans Kwoze

Yoane 7:2

Lelo lino wanda wakuzezya Cimulo ca Nsakwe ca Ayuda wapalama,

Neemiya 8:14

Umu vyalembwa umu Mpapulo zyakwe Mose vino umwene Leza wavwanzile ukupitila muli Mose, ali muno yazana ndi vino aina Izlaeli yali nu kwikala umu nsakwe apa manda ya kwiusya Cimulo ca Nsakwe.

Ezila 3:4

Nu kuwaka yawakanga sana amanda ya uzevyo ndi vino uwanda wakuzevya Cimulo ca Nsakwe, nu kupeela impendwa ya mpolelwa zyakoca ndi vino calemvilwe ukupeela cila wanda.

Mpendwa 29:12

“Umu wanda uwalenga ikumi na yasano, mu mwezi wakwe cinimbali kwene, mulinzile mwakongana ku kupepa, nupya mutalinzile ukuombamo umulimo nanti umwi uno ukaombwa lyonsi. Mulinzile ukuzanganzila kuzevya kuko ukulasenda amanda cinimbali mu kucindika Yawe.

Kufuma 34:22

“Mwazevya Cimulo ca Uzombozi lino mukuzombola vizao vyankolelo vya ngano, nu kuzevya Cimulo ca Nsakwe lino mukukoozya uzombozi winu apa mpela ya mwaka.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Kufuma 23:16

Mwazevya cimulo pa manda ya kuzombola iviseekwa vinu ukufuma mu vyalo vinu. Mwazevya cimulo ca wanda wa kusezya vya uzombozi vyonsi ku kusila kwa mwaka, lino mukukoozya vilyo vinu vyonsi.

Ayebulai 11:9

Mu utailo wene wikalanga wa mwinamasi mu mpanga ino Leza wamulavile. Wene wikalanga mu mataalu ndi vino Isaki na Yakobo ikalanga, yao apokelile ulayo uli onga kufuma kuli Leza.

Ayebulai 11:13

Mu utailo amuno yaa yonsi yafwilile. Yene yatapokelile vintu vino Leza wayalavile. Lelo yavilolile kutali nu kuvizengela. Nupya yazumile paswe vino yali wa enyi nupya ainamasi muno nsi.

Aina Levi 23:33

Yawe anena Mose, ati,

Aina Levi 23:42

Antu yonsi aina Izlaeli yalinzile ukwikala mu nsakwe pa manda cinimbali,

Aina Levi 23:43

pakuti amu mupanda winu yangamanya ukuti Yawe walenzile aina Izlaeli kuti yaikala mu nsakwe lino wayafumizye mu mpanga ya Eguputo. Wene a Yawe, Leza winu.

Malango 16:16

“Fwandi aonsi yonsi amu luko lwinu yalinzile yiiza ku kulongana nu kupepa Yawe amaila yatatu pa mwaka pa ncende yonga iya kupepela penepo, pa nsita ya Cimulo ca Mukate usi na Citutumusi, ni Cimulo ca Uzombozi, nga ni Cimulo ca Nsakwe. Cila muntu alinzile ukuleta uwila

Malango 31:10

Alino Mose ayapeela ilamulo ati, “Lyonsi ndi papita imyaka cinimbali, lino umwaka wa kusuula sile ku nkongole wafika,

1 Yamwene 8:2

Alino aina Izlaeli yonsi iyakongana kuli Solomoni apa nsita ya kuzevya Cimulo ca Nsakwe mu mwezi wa Etanimu, umwezi walenga cinimbali.

1 Yamwene 8:65

Kuku kwene, uku Ng'anda ikulu yakwe Yawe, ali kuno Solomoni na antu yonsi aina Izlaeli aizile ukufuma ku mupunda waku Lebo Hamati ukuyafika nu ku luzi lwa Eguputo, yazevizye Cimulo ca Nsakwe pa manso yakwe Yawe apa manda cinimbali.

1 Yamwene 12:32

Alino Yeloboamu wateinye uzevyo pa wanda uwalenga ikumi na yasano mu mwezi wakwe cinani, ukulingana nu wanda uno yateinye ku Yuda, nga apeela ni mpolelwa pa kavuwa. Wacisile ivintu vii ku Betele, ala akupeela impolelwa ku twana twa ng'ombe utuluwi twakwe zaabu tuno wapanzile. Nupya ku Betele kuko aikako na yasimapepo akutumikila pa ncende zino yakapepela mwenemo zino wakuula.

Ezekelo 45:25

“Apa wanda uwalenga ikumi na yasano, mu mwezi walenga cinimbali, umu uzevyo wa manda makulu a Nsakwe, intunguluzi ikacite icili conga kwene apa manda cinimbali apakutuula impolelwa yakufuta pa maifyo, impolelwa ya koca nga nu mutuulo wa vilyo na mafuta.”