Aina Levi 23:1 - Amazwi Yakwe Leza 2013

¹ Yawe anena Mose ati,

Aina Levi 23:1 Referans Kwoze

Aina Levi 22:33

Namufumizye mu mpanga ya Eguputo kuti inje Leza winu. Nene indi Yawe.”

Aina Levi 23:2

“Nena aina Izlaeli uti, ‘Manda akuzevya yano nasolola akucindika Yawe, yano mulinzile kumanyisya kuti yaye amaukongano yamuzilo, amanda yakuzevya yano Nene nasolola aeya:

Mpendwa 15:3

na lino yakupeela kuli Yawe amawila yakoca pa moto ukufuma mu ufyo wa mfwele nanti uwa mbuzi, cingaya amawila yakoca nanti impolelwa yakufikilizya ulayo, nanti tuti amawila yano aisikulu yaitemilwe ukupeela, nanti amawila yakucindika kuzevya kwa manda yao akulu aupefi, nanti uwila wa mununko usuma ukazanzya Yawe.

Ezekelo 45:17

Alino intunguluzi nayo, ilaya nu mulimo uwakulolekesya apa nyama izilaocewa zya muntu musuma pakuzituula impolelwa, ali ino ilalola na pa mawila ya vyakulya ni vyakumwa, ivilatuulilwako umutundu onsi wa ina Izlaeli pa manda ya uzevyo yonsi, na pa uzevyo wa Ndoleko zya mwezi, na pa Masabata yonsi asontwe. Fwandi intunguluzi iyo iilalokesya pa mawila ya pa maifyo, na pa mawila ya vyakulya, na pa mawila yakoca, na pa lwa mawila a mpolelwa zyautandano, ali mawila yapa kufuta pa maifyo ya ina Izlaeli.”

Aina Levi 23:44

“‘Caleka Mose anena aina Izlaeli vimulo vino vyasololwa vyakucindikilamo Yawe.’”

1 Milandu 23:31

Alino yalinzile ukucita icili cimwi kwene lino yakupeela amawila yakoca kuli Yawe apa Masabata na pa kuzevya imyezi ipya, nga na pa uzevyo wa vimulo vyuze. Ni vipope vyapilwe ivyakulondolola impendwa ya ina Levi alinzile ukuomba imilimo kwene ii cila nsita. Aina Levi yapilwe umulimo wa kupepa Yawe umuyayaya.

2 Milandu 2:4

Nemo natinakuulila Yawe, Leza wane, Ng'anda ikulu yakumucindikila mwenemo, muno antu yakwe pamwi nani kwene tulamucindikila mwenemo. Ali muno tulamufutumwila ubani wa mununko usuma. Alino nupya apa manso yakwe umweneco ali pano manda yonsi tulapeela umukate wamuzilo na mawila yakoca akatondo na manguzi. Umu Masabata nu mu manda makulu, alulumbi, ndi vino apa Ndoleko ya Mwezi, amuno tulatuula vivyo, wakwe muno watuneniile swe ina Izlaeli ukulacita pe na pe.

2 Milandu 8:13

ndi vino yalondekwanga cila wanda. Wene wapeelanga impolelwa apakulondela amalamulo ndi muno calembelwa umu masunde yakwe Mose ukulingana na manda yi Sabata, na pa ndoleko ya mwezi, nga na pa vimulo vitatu vya cila mwaka, kuli kuti Cimulo ca Mukate usi na Citutumusi, Cimulo ca Uzombozi ni Cimulo ca Nsakwe.

Ezaya 1:13

Amawila inu auwelewele ntayakasi. Icinunu ca ubani uno mukumfutumwila cikundetela umuselu, nkusalokwa. Amanda yakulu inu, ivili wa wanda uwandoleko ya mwezi, Masabata inu na maukongano yauze, nayo kwene nemo nsikuyalonda. Vyonsi vivyo vyativikoweziwa uku viipe vinu.

Ezekelo 44:24

Ndi vikanza vyakatuka yace yaputula imilandu, yace yapingula kulingana nu upinguzi wane. Yace yawaka amasunde yane ni vipope vyane pa manda yane yonsi auzevyo, yace yacindika na Masabata yane yonsi amuzilo.

Ezekelo 46:11

Apa manda ya uzevyo na pa manda makulu yonsi asontwe, uwila wa vilyo, uli nu kuya icipimo ukulingana ni itepe lyonga, ali wakulundapo pali kacipambasi ka ng'ombe na pali kasuuku konga. Lelo apa kaana ka mfwele konga, pene intunguluzi ingalunda penepo icipimo ca usu pano umweneco atemilwe. Alino api tepe lyonga ilya usu pali nu kulundwapo imisazi ya mafuta ya miolivi itatu.

Galatiya 4:10

Mwemo mukazevya nu kucindika manda, myezi, tusita nga ni myaka imwi.

Kolose 2:16

Caleka mutaleka umwi amupeele mulandu pali vino mulinzile kulya nanti kumwa nanti kumunena vino mulinzile kuzevya manda ya mwezi upya nanti vya Sabata.