Aina Levi 20:2 - Amazwi Yakwe Leza 2013

² Nena aina Izlaeli uti, “Mwina Izlaeli ali wensi nanti umwinamasi wino akwikala pakasi kinu, umonsi nanti umwanaci ndi wapeela ana yakwe kuli Moleki alinzile ukukomwa. Iuvi lyonsi lya ina Izlaeli limutame na mawe mpaka afwe.

Aina Levi 20:2 Referans Kwoze

Malango 21:21

Lyene aonsi yonsi amu musumba yalinzile kumutama na mawe mpaka afwe, nga vivyo avino mulasisya inkota pakasi kinu. Cila muntu mu Izlaeli aluvwa icacitika nga aye ni ntete.

Aina Levi 24:23

Lino Mose wanena aina Izlaeli vyonsi vii, antu yatoola umuntu wiya yamufumizya ukunzi ya nsakwe nu kumutama na mawe mpaka afwa. Mu musango kwene uu aina Izlaeli iyacita wakwe vino Yawe wapeezile ilamulo kuli Mose.

Aina Levi 24:14

“Tola umuntu wiyo mufumizye kunzi ya nsakwe. Muntu wensi wino uvwile lino akutipwila, aike makasa yakwe pa mutwe wa muntu wiyo kuti apeele umboni wakuti muntu wiyo ali nu mulandu. Lyene iuvi lyonsi lilinzile kumutama na mawe mpaka afwe.

Aina Levi 20:27

“Monsi nanti umwanaci wensi wavwanga ni mipasi ya antu afwe alinzile kutamwa na mawe mpaka afwe. Nupya umuntu wensi uwacita icintu cii ala waikoma umwisikulu.”

Aina Levi 18:21

Utapeela umwi uwamu ana yako kuti aomviwe mu mapepo yakwe leza Moleki, pano cico cingaleta muzewanya kwi zina lyakwe Leza, Yawe.

Milimo 7:43

Lyali itaalu lyakwe Moloki leza winu alino mwasendanga, nga nu lutanda lwakwe Lefani leza winu. Yaa yaili yali utuluwi tuno mwapanzile nu kutupepa. Caleka nani ndaleka yamusende kutali ukucila musumba wa Babiloni.’

Ezekelo 23:39

Na pa wanda kwene ulya yakomile ana yao impolelwa yakutuulila utuluwi twao, izile mu ncende yane yamuzilo nu kuikowezya. Cumi kwene avino yacita mu ng'anda yane.

Ezekelo 23:37

Yene yacita umulandu wa ucizelele, ni minwe yao yasalipa. Yene yacitanga ucizelele nu tuluwi twao. Yapisyanga na ana yao yano yaivyalile, mu moto apa kuyoca.

Ezekelo 20:31

Na pilelo kwene mwemo mucili mukatula amawila ali yamwi kwene, nupya mucili mukuikowezya ku tuluwi tuli tumwi kwene, mukututuula impolelwa zyakoca ana inu? Uzye pacani cino mwemo mwe ina Izlaeli ningamuzumilizya ukwiza mukunguzya vino nkalonda? Nalapa, ne Yawe Simwandalali, nemo ntange ntale muzumilizye kwiza mukunguzya.

Ezekelo 20:26

Nupya nayatile ukuti yakweyowezya aisikulu ku mawila ni mpolelwa zyao, apakuleka ukuti yatoola na ana yao aonsi amayeli nu kuyoca impolelwa. Na cino nacitile cico apakuyafulula, na pakuyalanga ukuti nene nenga mpo indi Yawe.

Yelemiya 32:35

Yakuuzile ni ncende ya kupepela mwenemo Baali mu cifoloma ca Beni Hinomu, apakuti amuno yacindikila Moleki, umukupisya ana yao anaci na onsi umu moto. Icintu cimwi cico cino ntatazile njanene, cino citatazile cize nu ku mano yane kuti yangacita iviipe vya mwata ndi uu nu kulenga aina Yuda ukwifya.

Yelemiya 7:31

Nupya yatiyakuula incende umwa kumpepela mwenemo mu Cifoloma ca Beni Hinomu, umwakuti yaocelamo ana yao aonsi na anaci. Icintu cino ntatazile njanena, cino citatazile ciza nu mu mano yane.

Masamu 106:38

Yazwisya nu wazi wa antu akaele, uwazi wa ana yao aonsi na anaci, yayo yano yatuulile utuluwi twaku Kenani, yasuka yakowezya ni mpanga yao uku wazi uo.

2 Milandu 33:6

Waile atuula na ana yakwe umu kuyocela impolelwa umu Cifoloma ca Beni Hinomu. Nupya watemilwe sana ukusapola nu kucita amalele. Wasontanga na yamucapi. Wacitanga ni vintu vyuze iviipe pa manso yakwe Yawe, cakuti amulenga ukusoka.

2 Milandu 28:3

Aoca nu ubani mu Cifoloma ca Beni Hinomu nu kupeela ana yakwe aonsi wa mpolelwa, apakulondela imisango iipe ya nko zino Yawe wazinzile apa manso ya ina Izlaeli.

2 Yamwene 23:10

Umwene Yosiya watamozile ni ncende yaku Tofeti. Yali incende iyayelile uku Cifoloma ca Beni Hinomu. Wacisile vivyo pakuti kutakatale nupya kukaye umuntu uwakocela umwana kaci nanti kalume wa mpolelwa kuli ka leza kaluwi ka Moleki.

2 Yamwene 17:17

Yocanga wa mpolelwa ana yao aonsi na akazyana ku mileza yankandawa. Yasapolanga nu kupendola kuli yakalola na yakamucape. Alino yaipelesyanga wensi pyu, umu kucita iviipe pa manso yakwe Yawe, iyamulenga ukusoka.

Malango 18:10

Mutakezye kuleka umwi uwa munomuli azanwe akupeela umwana wakwe umonsi nanti umwanaci impolelwa pa moto pa kavuwa, nanti kusapola nanti ukucita vya uncimya nanti vya ulozi

Malango 12:31

Cisi cakwezya ukupepa Yawe Leza winu mu musango wao, pamulandu wakuti yene pa kupepa tuleza twao yakacita ivimisango vimwi ivyawinyi vino Yawe Leza winu wapata. Yene yakaoca na ana yao aonsi na anaci pa kuyatuula impolelwa kuli tuleza twao utuluwi.

Aina Levi 17:15

“Mwina Izlaeli ali wensi nanti mwinamasi wino akwikala mwi uvi lya ina Izlaeli ndi walya inyama ino yatiifwila nanti ino yatilumwa ni cilyanyi ca mpanga, alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 17:13

Nena aina Izlaeli uti, “Mwina Izlaeli ali wensi nanti umwinamasi wino akwikala pakasi kao, ndi waya ku kulunga wakoma inyama nanti icunyi cino antu yakalya, alinzile kuzwisya uwazi wa nyama iyo nanti wa cunyi cico pa nsi nu kuuzika na masenga.

Aina Levi 17:8

Mwina Izlaeli ali wensi nanti umwinamasi wino akwikala pakasi kao, wino akupeela uwila wakoca nanti impolelwa yuze

Aina Levi 20:1

Yawe anena Mose ati,

1 Yamwene 11:7

Solomoni asuka akuula incende yakupepelapo papela ya mwamba lwaku ufumondaka wakwe Yelusalemu, apa kupepela Kemosyi, kaleza kaluwi ka ina Moabu. Alino na pakupepela Moleki, kaleza kaluwi ka ina Amoni.

Aina Levi 24:16

Muntu ali wensi wino wasaalula izina lyakwe Yawe alinzile ukukomwa. Iuvi lyonsi lilinzile ukumutama amawe. Ciye mwinamasi nanti mukaya kwene, ndi wapontela Yawe, wene alinzile kutamwa na mawe mpaka afwe.

Malango 17:2

“Limwi munguvwa ukuti mu musumba onga pa misumba inu umonsi nanti umwanaci umwi wataifya kuli Yawe Leza winu pakonona upangano,

Malango 22:21

lyene yalinzile kumuleta ku mulyango wa ng'anda yakwe isi, kuno aonsi amu musumba uwo yalinzile kumutama na mawe mpaka afwe. Wene watacita icansonyi mu Izlaeli apakucita uzelele lino acili mu ng'anda yakwe isi, ala atacili atwalwe. Mu musango uu amuno mulasisya inkota pakasi kinu.