Aina Levi 2:9 - Amazwi Yakwe Leza 2013

⁹ Simapepo wiyo atoole ciputulwa cimwi ca mukate pakulanga ukuti cene iciputulwa icapeelwa kuli Yawe. Lyene aoce umukate uwo pa kavuwa. Uwila uu uwa mununko usuma ukazanzya Yawe.

Aina Levi 2:9 Referans Kwoze

Aina Levi 2:2

Alino autwale kuli yasimapepo ana yakwe Aaloni aonsi. Atapule usu uwo utonyoleke ikufi lyonga, utikinkanye na mafuta nu ubani onsi. Lyene simapepo aoce vyonsi vivyo pa kavuwa, pakulanga ukuti iciputulwa icapeelwa kuli Yawe. Mununko usuma uwa wila uu ukazanzya Yawe.

Filipi 4:18

Napokelela vyonsi, ndakai ntuulilwa. Nupya napokelela mawila yano Epaflodito wandetile kufuma kunomuli. Yene yakoline wa mununko usuma uwa wila uno wapelwa kuli Leza, impolelwa ino yapokelelwa na Leza nupya iya kumuzanzya.

Aina Levi 6:15

Lyene simapepo atapulepo ikufi lyonga lya usu utonyoleke wa mawila yayo pamwi na mafuta nu ubani mwenemo, vino vili pa wila wa cakulya. Avyoce pa kavuwa pakulanga ukuti iciputulwa capeelwa kuli Yawe nupya viye uwila uwa mununko usuma ukazanzya Yawe.

Filipi 2:17

Utailo winu mu Mwene nga nu kuomba kwinu vikoline wa mpolelwa iyapeelwa kunoli. Nu wazi wane ungapongolwelwa pa kupeela impolelwa. Cii ndi cacitika, ndazanga nu kusansamuka pamwi namwe.

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

Loma 15:16

lyakuya muomvi wakwe Yesu Klistu uwa kuombela Akulukuwa. Nkatumikila wakwe simapepo pa kukosola Ilandwe Lisuma kufuma kuli Leza, pakuti Akulukuwa yangaya wa mpolelwa iyapokelelwa kuli Leza, apalamikwa kunoli mu maka yakwe Mupasi Wamuzilo.

Kufuma 29:18

Lyene woce suuku wiyo wensi pa kavuwa. Wene uwila wakocela Yawe, nupya u mununko usuma wakuzanzya ne Yawe. Ukwene uli wila wakocela Yawe.

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.

Aina Levi 2:8

Ulete uwila wa usu uwapangwa ku vintu kwene vii kuli ne Yawe. Lyene ndi watwala kuli simapepo, simapepo kwene wiyo aliwe autwale ku kavuwa.

Aina Levi 2:16

Lyene simapepo aoce ciputulwa cimwi ca usu umuli amafuta nu ubani, pakulanga ukuti iciputulwa capeelwa kuli Yawe. Uwo kwene uli wila wakocela Yawe.

Aina Levi 4:31

Alino afumye amafuta yonsi ya mbuzi ndi vino yakafumya amafuta ya wila wa utandano. Lyene simapepo ayocele pa kavuwa kako, kuti viye uwila uwa mununko usuma ukazanzya Yawe. Mu musango kwene uu amuno Simapepo ali nu kupeelelamo uwila wa kufuta amaifyo ya muntu uwasilesile, nga insita kwene iyo umuntu alelelwa.

Aina Levi 5:12

Lyene alete usu kuli simapepo, alino simapepo wiyo atapule ikufi lyonga pakulanga ukuti iciputulwa capeelwa kuli Yawe. Alino aocele usu uwo pa kavuwa pamwi na mawila akocela Yawe. Ukwene uli wila wa kwelela amaifyo.

Aina Levi 24:7

Wike ubani usuma cuze muli cila mulongo, mucifulo ca mikate pakulanga ukuti iciputulwa capeelwa kuli Yawe, nga kuti uye uwila wakocela Yawe.

Mpendwa 5:26

Alino afokotole ikufi lyonga lya usu uwo uwa wila wa ciusizyo nu kuwoca pa kavuwa. Pacisila cakwe cii, ali pa kumwesya umwanaci wiyo amanzi kwene yaya.

Aina Levi 1:9

“‘Lelo wene alinzile ukufula ivyamunda pamwi ni myendo kwene mu manzi. Alino simapepo aocele inyama yonsi pa kavuwa. Yene uli wila wakoca. Uwila uu uwa mununko usuma ukazanzya Yawe.