Aina Levi 19:36 - Amazwi Yakwe Leza 2013

³⁶ Mwaomvya vipimo vyacumi pa kupima utali, kunyoma nu kuvula kwa vintu. Nene indi Yawe Leza winu, nemuno namufumizye mu mpanga ya Eguputo.

Aina Levi 19:36 Referans Kwoze

Mapinda 11:1

Inteko zya ucenjezi zikasosya Yawe, lelo icipimo icisi caucenjenzi cene cikamuzanzya.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Mapinda 20:10

Ivipimo vyakupimila ukunyoma, ni vipimilo vyuze ivya ntumpu, vyonsi kwene Yawe wavipata.

Aina Levi 19:37

Mwayela amasunde na malamulo yane yonsi. Nene indi Yawe.”

1 Milandu 23:29

Yene yapilwe umulimo wakuteyanya umukate wamuzilo api tebulo, nu usu uwa wila wa mbezu, nu mukate wa mpanda usi na citutumusi. Yapilwe nu mulimo wa kupanga mikate, nu kutikinkanya usu uo na mafuta ya miolivi, nga nu kupima cipimo ca mawila yonsi aletwanga ku Ng'anda ikulu yakwe Yawe.

Ezekelo 45:10

Mwensi pyu mulinzile kuomvya ivipimilo ivili ningo, vino muli nu kupimilako.

Mika 6:11

Uzye ningelela uli umuntu wino akaomvya inteko zya ucenjezi, nanti umuse wa usomvi?

Zakaliya 5:6

Nga nani imuzya inti, “Uzye icani?” Nawe angasuka ati, “A cimpokoso cakupimilako uyi onsi uwazula insi yonsi.”

Aina Levi 11:45

Nene Yawe wino wamufumizye mu Eguputo, pakuti ningaya Leza winu. Mulinzile ukuya amuzilo pano nene wamuzilo.

Mapinda 16:11

Yawe akalonda ukuti ivipimilo vyakupimilako vyaya ivilungame, nu mu uculuzi kwene monsi, akalonda mutaya ulufyengo.