Aina Levi 16:34 - Amazwi Yakwe Leza 2013

³⁴ Malamulo yaa, yali nu kusungwa ku nkulo zinu zyonsi. Nupya ulutambi lwa kufuta amaifyo lulinzile kucitwa iila lyonga cila mwaka, lwa kuswefya aina Izlaeli ku maifyo yao yonsi. Caleka Mose acita wakwe vino Yawe wapeezile ilamulo.

Aina Levi 16:34 Referans Kwoze

Ayebulai 9:7

Lelo mu muputule wakwe ciili mwingila sile Simapepo Mukulu, nupya wene wingilangamo sile lyonga pa mwaka. Wene pakwingilamo wasendanga uwazi uno wapelanga kuli Leza, pa maifyo yakwe umwisikulu na pa maifyo ya antu yauze yano yacitilanga kusi ku mufulo.

Ayebulai 9:25

Simapepo Mukulu wa Ciyuda wingilanga mu Ncende Yamuzilo Kuluta lyonga cila mwaka, ala asenzile wazi wa nyama. Lelo Klistu atingile kwiyulu kuti apeela impolelwa lili lili,

Kufuma 30:10

Cila mwaka Aaloni akaacita lutambi lwa kufuta amaifyo pa mpembe zya kavuwa kako iila lyonga. Akaaswefya kavuwa iila lyonga pa mwaka nu wazi wa nyama zya mawila ya kufuta amaifyo. Vintu vii vikacitwa mu nkulo zikwiza zyonsi. Kavuwa kwene kaa kalaya kamuzilo cuze, nupya kene kapaatulwa kuli Yawe.”

Ayebulai 10:14

Mu mpolelwa yonga kwene amuno wene walenga ukuti antu yano aswefiwa kufuma ku maifyo yaye afumaluke manda pe.

Ayebulai 10:3

Lelo ndi vino cali, impolelwa zyaombanga ukwiusya antu maifyo yao cila mwaka.

Mpendwa 29:7

“Mu wanda uwalenga ikumi uwa mwezi uwalenga cinimbali, muce mwakongana pamwi ku mapepo. Muli nu kuikanya ukulya, alino nu kuntaomba umulimo uli onsi.

Aina Levi 23:31

Ilamulo lii, lili nu kulondelwa na amu mupanda winu onsi, usi mulandu na kuno yalaya yakikale.

Kufuma 27:21

Aaloni na ana yakwe aonsi yakakozya ilampi kunzi ya nsalu icinge ino yapaatula Cifulo Camuzilo ni Cifulo Camuzilo ukuluta kuno kukaikala Mbokosi ya Upangano. Lyene ilampi mwi Taalu lya Ukongano likaaka pa manso yane kutandika manguzi mpaka kufika katondo. Aina Izlaeli nga na amu mupanda wao yalinzile yasunge ilamulo lii amanda pe.”

Aina Levi 17:1

Yawe anena Mose ati,

Aina Levi 23:28

Mutaomba nanti umulimo umwi pa wanda uwo, pamulandu wakuti uli wanda wakucita ulutambi lwa kufuta amaifyo inu.

Kufuma 39:43

Lyene Mose aceceta vyonsi vino vyapanzilwe nga lyene asininkizya ukuti iyavipanga wakwe vino Yawe wapeezile ilamulo. Lilyo kwene Mose apolelela antu onsi.

Aina Levi 3:17

Kusi mwina Izlaeli angalya amafuta nanti uwazi. Ilamulo lii lilinzile kusungwa na ina Izlaeli yonsi amanda pe, konsi kuno yalikala.’”

Aina Levi 16:2

Yawe avwanga ati, “Nena munyonko Aaloni kuti ataingila insita ili yonsi mu Ncende Yamuzilo kuluta, kwi tundu lya nsalu yakucingilila, ku nkolelo ya ntupiko ya Mbokosi ya Upangano, pano angafwa pamulandu wakuti ne Yawe nkalolekela mwi kumbi papela ya ntupiko iyo.

Aina Levi 24:23

Lino Mose wanena aina Izlaeli vyonsi vii, antu yatoola umuntu wiya yamufumizya ukunzi ya nsakwe nu kumutama na mawe mpaka afwa. Mu musango kwene uu aina Izlaeli iyacita wakwe vino Yawe wapeezile ilamulo kuli Mose.