Aina Levi 16:23 - Amazwi Yakwe Leza 2013

²³ Lyene Aaloni alinzile kwingila mwi Taalu lya Ukongano, azule vyakuzwala vya usimapepo, vivi vino waliwazwala lino atali aingile mu Ncende Yamuzilo kuluta, avisye mumu kwene.

Aina Levi 16:23 Referans Kwoze

Ezekelo 44:19

Pakufumila pa antu yano yali mu musolo wa mwi linga lyakunzi, yali nu kutala yazula ivyakuzwala vino yali yakuombelamo umulimo mu Ng'anda yane ikulu nu kuvisya mu mupute wamuzilo. Yali nu kuzwala insalu zyuze, ali pakukana letelela antu angakumya ku nsalu zizyo zyamuzilo.

Ezekelo 42:14

Lino yasimapepo yamala ukuomba mu Ng'anda ikulu yakwe Leza, nga yalonda kufumila mu musolo wa mwi linga lya kunzi, yali nu kutala yasya mu miputule kwene iyo vyakuzwala vyamuzilo vino yali yazwite lino yakuombela Yawe. Alino nupya yali nu kuzwala insalu zyuze pakuya ku ncende kuno antu yakolongine.”

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

Aina Levi 16:4

Lyene Yawe apeela malamulo yaa. Lino Aaloni atali aingile mu Ncende Yamuzilo kuluta, alinzile kufulala umwili onsi nu kuzwala vyakuzwala vyamuzilo, mwingila, kaputula, na tulibani.

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

Aina Levi 16:22

Imbuzi iyo isende maifyo yao yonsi mu mpanga mu mapoli muno mutikala antu. Lyene umuntu wiyo aisapulwile mu lwanga.

Aina Levi 6:11

Lyene azule vyakuzwala vyakwe vivi, azwale vyuze, alino azyole itwi nga alisende kunzi ya nsakwe, pa cifulo cino citakoweziwa.