Aina Levi 16:22 - Amazwi Yakwe Leza 2013

²² Imbuzi iyo isende maifyo yao yonsi mu mpanga mu mapoli muno mutikala antu. Lyene umuntu wiyo aisapulwile mu lwanga.

Aina Levi 16:22 Referans Kwoze

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Mika 7:19

Nupya kwene ulaya ni nkunkunsi kunotuli. Ulalyatola amaifyo itu, nu kuvwintila ukakasi witu mu maziya pali yemba.

Masamu 103:12

Ndi vino ufumondaka watalukana nu uwondaka, avino nawe akafuntusya uyi kunotuli.

Masamu 103:10

Apa kutuvunuka napo asituvunuka ukulingana navino cingaya umu kulondelela ukwifya nanti ukuluvyanya kwitu.

Ezekelo 18:22

Wene alelelwa uluse pa viipe vyakwe vyonsi, alaya nu umi pamulandu wakucita vilungame.

Aina Levi 16:21

Alinzile kwika makasa yakwe yoili pa mutwe wa mbuzi iyo, alino ailongwele uyi wakwe na maifyo yakwe, na ucisanguka wa ina Izlaeli pa mutwe wa mbuzi. Pa kucita vii ale watwika vyonsi pa mutwe wa mbuzi. Lyene umuntu umwi wino watasontwa alinzile kuzingila imbuzi iyo mu lwanga.

Aina Levi 16:23

Lyene Aaloni alinzile kwingila mwi Taalu lya Ukongano, azule vyakuzwala vya usimapepo, vivi vino waliwazwala lino atali aingile mu Ncende Yamuzilo kuluta, avisye mumu kwene.

Ezekelo 4:4

“Nupya lala kambazo kwikasa limani, nu kuitwika maifyo ya ina Izlaeli. Uli nukusenda icisendo ca maifyo yao apa manda yonsi aumi wako yano ulalalilila umu musango kwene uo.

Aina Levi 14:7

Simapepo alinzile kusansa uwazi maila cinimbali pa muntu wino akuswefiwa ku ndwala yakwe tembwe. Lyene alinzile kumunena ukuti wataswefiwa. Simapepo alinzile kuta icunyi cino yatakomile kuti cipapuke, kusalala mu vyalo.