Aina Levi 16:20 - Amazwi Yakwe Leza 2013

²⁰ Lino Aaloni wamala ukucita ulutambi lwa kuswefya Ncende Yamuzilo kuluta, mwi Taalu lya Ukongano nga nu kuswefya kavuwa, alinzile ukupeela kuli Yawe imbuzi ipuma ino yasolwilwe kuti iye yakwe Azazeli.

Aina Levi 16:20 Referans Kwoze

Ezekelo 45:20

Uce ukacite icili conga kwene napa wanda walenga cinimbali uwa mwezi, apamulandu wa yantu yonsi yano yaluvyanyizye ukwaula ukumanya nanti kumufulo wao. Fwandi vivyo, ali vino mulasunga Ng'anda yane ikulu apakuti ikaye iya muzilo.

Aina Levi 16:16

Vii, avino Aaloni ali nu kucita pa lutambi lwa kuswefya Ncende Yamuzilo kuluta ku mifitalila ya ina Izlaeli nu ku maifyo yao Alinzile kucitila ni Taalu lya Ukongano icili cimwi kwene pamulandu wakuti lyaya pa nsakwe ikowele.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Kolose 1:20

Kupitila mu Mwana, Leza welenginye kuleta mutende ku viumbwa vyonsi. Wene wacisile mutende kupitila mu mpolelwa ya mfwa ya Mwana wakwe pa lupanda, nu kuleta viumbwa vyonsi kunoli, ivya mwiyulu ni vyamu nsi.

2 Kolinto 5:19

Cino tukusenula cakuti Leza akupanga mutende pakasi kakwe na antu muli Klistu. Nupya wene watupela mulimo uwa kusalanganya ilandwe ilya kupanga mutende.

Loma 8:34

Uzye lyene aweni angayavunuka? Vino Leza umwisikulu wati yasi na mulandu. Klistu Yesu wino uwafwile, nupya uwazyukwike kufuma ku mfwa, wino ndakai wikala kwi kasa lilunji lyakwe Leza, akutupapatila kunoli.

Loma 4:25

Leza wapile Yesu kuti afwe pamulandu wa maifyo itu, nupya uwamuzyukwile kuti aye nu umi, pakuti atucite kuya aololoke pa manso yakwe.

Aina Levi 8:15

Lyene Mose akoma cipambasi, atoola uwazi umwi nu munwe wakwe, alino apaka pa mpembe zya kavuwa, kukazingulusya, nga akaswefya. Nupya aitila uwazi uze mwisika ya kavuwa, alino akapaatula. Mu nzila ii akacitila ulutambi lwa kufuta amaifyo.

Aina Levi 6:30

Lelo ndi yaleta uwazi uwa wila uwo uwa kwelela amaifyo mwi Taalu lya Ukongano nu kuuomvya mu lutambi lwa kufuta amaifyo, inyama iyo italinzile ukuliwa. Ilinzile ukoca yonsi pyu.

Aina Levi 16:19

Alinzile kutoola uwazi umwi nu munwe wakwe nu kusansa pa kavuwa maila cinimbali. Vii, avili vino alinzile ukucita pa kuswefya aina Izlaeli nu kulenga kuti kavuwa kaye akamuzilo.

Aina Levi 16:21

Alinzile kwika makasa yakwe yoili pa mutwe wa mbuzi iyo, alino ailongwele uyi wakwe na maifyo yakwe, na ucisanguka wa ina Izlaeli pa mutwe wa mbuzi. Pa kucita vii ale watwika vyonsi pa mutwe wa mbuzi. Lyene umuntu umwi wino watasontwa alinzile kuzingila imbuzi iyo mu lwanga.