Aina Levi 15:13 - Amazwi Yakwe Leza 2013

¹³ Muntu wino wafumyanga ufila ndi walola ukuti watapola, alinzile kulolela pa manda cinimbali akuswefiwa kwakwe. Lyene afule insalu zyakwe nu kufulala umwili onsi na manzi aku kafukoka. Lyene ala waya muswepe.

Aina Levi 15:13 Referans Kwoze

Aina Levi 14:8

Muntu wino waswefiwa alinzile ukufula insalu zyakwe, apele inyele zyonsi, alino afulale umwili onsi. Lyene umuntu wiyo waya muswepe. Angingila mu nsakwe, lelo alinzile ukwikala panzi yi taalu lyakwe pa manda cinimbali.

Aina Levi 8:33

Mutakezye ukufumila panzi yi Taalu lya Ukongano pa manda cinimbali, mpaka amanda ya lutambi lwa kuteeka yasimapepo pa vilimba yakasile, pamulandu wakuti ulutambi luu, ulwa manda cinimbali.

Aina Levi 15:28

Uwazi ndi wata ukufuma, umwanaci wiyo alinzile kulolela pa manda cinimbali. Alino ala waya muswepe kulingana nu lutambi.

Aina Levi 15:5

Muntu wensi uwakumya ku musanzi wakwe,

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Yakobo 4:8

Mupalame kuli Leza, nga nawe amapalama kunomuli. Mwe yakaifya, namwe fulalini minwe inu! Mwe asomvi, namwe swefini myenzo inu!

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Yelemiya 33:8

Ndayazifya ukwi ifyo ilili lyonsi lino yacisile kunondi nu kuyaelela uluse uku maifyo yonsi yano yacisile imisuli nu kunsangukila.

Mpendwa 12:14

Nawe Yawe aasuka Mose ati, “Ndi cali aisi uwamuswila amati pa manso, uzye atangazewane amanda cinimbali? Cisuma, fwandi mutolini nu kumuyalila kunzi ya nsakwe amanda cinimbali, alino muce mumuwezye.”

Aina Levi 14:10

Pa wanda uwalenga cinani alinzile ukuleta yasuuku yaili ni mfwele yakaci yonga, yamwaka onga, vyonsi vii vyaula ulema. Nupya alinzile ukuleta makilogalamu yatatu a usu utikinkanye na mafuta ya miolivi kuti uye uwila wa cakulya, nga ni ciputulwa conga pa viputulwa vitatu vyakwe lita wa mafuta ya miolivi.

Aina Levi 9:1

Pacisila ca manda cinimbali ya lutambi lwa kuteeka yasimapepo pa vilimba, Mose aama Aaloni na ana yakwe aonsi, nga ni ntunguluzi zya ina Izlaeli.

Kufuma 29:37

Pa manda cinimbali uwapeelela kavuwa impolelwa. Lyene kavuwa kalaya kamuzilo ukuluta, nga na consi cino cilakumya kavuwa kako naco cilononwa nu muzilo wakako.

Kufuma 29:35

“Malamulo yonsi yano nakunena, unene Aaloni na ana yakwe aonsi. Ukacite lutambi lwa kuyapaatula pa manda cinimbali.