Aina Levi 15:12 - Amazwi Yakwe Leza 2013

¹² Civiya consi ciivu cino umuntu wino akufumya ufila ku wonsi wakwe wakumya, cilinzile ukucitamola alino civiya consi ca mbao cilinzile kufulwa na manzi.”

Aina Levi 15:12 Referans Kwoze

Aina Levi 6:28

Intendo yonsi ino yelekilemo inyama iyo, ilinzile kutamolwa, lelo ndi yelekile mu mupika, ulinzile kufulwa sile nu kuusulula na manzi.

Filipi 3:21

Wene alasenula mili itu itonte iyakufwa kuti ikolane nu mwili wakwe uwalulumbi. Wene alacita cii pa kuomvya maka yano wakwata akucimvya vintu vyonsi.

2 Kolinto 5:1

Umwili uno twakwata pano pansi waya wa mutanda. Twamanya vino umutanda ndi waca ononeka tukweti ng'anda yuze kwi yulu, yene itakulwa na makasa ya antu nupya iyape na pe.

Mapinda 3:21

Mwanane uwaika umwenzo uku mano nu ku kucenjela, utaleka vifume kunuli.

Mapinda 1:23

Sumbiniko amano kuli vino namamukonkomezya, namamwitulwila ivyaya muli tompwe wane, nu kumumanyisya vino naya nu kumunena.

Mapinda 1:21

Yakulaizya umu masansa ya miseo nu tuzila, yakukonkosya nu mu milyango ya misumba, nupya yakuma imbila yati,

Masamu 2:9

Ulayavyengola ni ntuwa ya cela, nu kuyatamola wakwe vino yakatamola inyungu.’ ”

Aina Levi 15:11

Muntu wino akufumya ufila ku vya nzwalo vyakwe ndi wakumya umuntu umwi lino atali afulale makasa, umuntu wino wakumya alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 6:21

Usu uwo utikinkanyiziwe na mafuta pa cikombole. Alete utikinkanye ningo ningo, uweleke ningo, nupya umokolwe tuvungwa tuvungwa, wakwe vino yakacita ni ca wila wa cakulya. Lyene aupeele wa wila uwa mununko usuma ukazanzya Yawe.