Aina Levi 13:6 - Amazwi Yakwe Leza 2013

⁶ Nupya simapepo alinzile kulola mulwale nu kumuceceta pa wanda uwalenga cinimbali. Ndi cakuti icilonda caloleka cifitokele, nupya citaombwike, lyene simapepo alinzile ukunena mulwale wiyo ukuti wene muswepe, asi uwamifitalila, icilonda sile. Mulwale alinzile ukufula insalu zyakwe nu kuya muswepe.

Aina Levi 13:6 Referans Kwoze

Aina Levi 11:25

Wino wensi uwatola icitumbi ca nyama iyo alinzile kufula insalu zyakwe nu kusyala uwamifitalila kufika lino ilanzi lyawa.

Aina Levi 14:8

Muntu wino waswefiwa alinzile ukufula insalu zyakwe, apele inyele zyonsi, alino afulale umwili onsi. Lyene umuntu wiyo waya muswepe. Angingila mu nsakwe, lelo alinzile ukwikala panzi yi taalu lyakwe pa manda cinimbali.

Yakobo 3:2

Lili lingi swensi kwene tukaluvyanya. Lelo ndi cakuti muntu umwi asyaluvyanya mu mazwi yano akalanda, ala umuntu wiyo umufumaluke nupya wene ali na maka akukanya mwili wakwe onsi.

Ayebulai 10:22

Caleka lekini tupalamile kuli Leza nu mwenzo uwa cumi nu utailo uwa mpomvu. Lekini tusunge myenzo itu iye iswepe, ni myelenganyizizye itu nayo iye ya untungwa kufuma ku viipe, ni mili itu ifulwe na manzi aswepe.

Ayebulai 9:10

Cili vivyo pamulandu wakuti vyene vikaomviwa mu malamulo ya milile, nu kumwa nga ni misango ipusanepusane iya kuswefiwa. Vii vyonsi amalamulo ya pa vintu vino vikaloleka, yano yakuomba kufika lino Leza alaleta utantiko upya.

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Loma 14:1

Mwazengela umuntu wino utailo wakwe usi ukome, lelo mutapazyanya nawe pali vino umwisikulu akaelenganya.

Ezaya 42:3

Wene atalavuna itete lifwampe, atalazimya inyali ikuzimantukila, kufika lino alalenga kuti uwololoke ucimvye.

Kasambilizya 7:20

Cumi cumi, mu nsi ii mutaya umuntu nanti umwi akacita vyaololoke lyonsi, nupya kutaya nanti umwi asitala aluvyanya.

Mapinda 20:9

Aweni angavwanga ati, “Nemo nasunga umwenzo wane, nene muswepe, uwaula amaifyo?”

Masamu 19:12

Kusi umwi angailolela ukuluvyanya kwakwe. Fwandi ungala umfule uyi wane uno wafisama!

1 Yamwene 8:45

lyene uvwa ukwako kuko kwiyulu, ukupapata nu kupepa kwao, nu kuyatuula uyatuule.

1 Yamwene 8:38

wemo uwauvwa amapepo yao nu kuyazwa. Ndi cakuti umuntu wako umwi umwina Izlaeli wazenzuka nu mwenzo wakwe onsi, icakuti pakupepa wakatusya amakasa yakwe umupela, walozya uku Ng'anda ikulu ii,

Malango 32:5

Lelo mwemo musi akutailwa, nupya mutalinzile ukuya antu yakwe, mwe luko lwa nkota nupya lwa usomvi.

Aina Levi 13:2

“Muntu ali wensi ndi wakwata icilonda pa nkanda yakwe, nanti cipute nanti cimwi cakuipukila cino cingaomboka ukuya icilonda iciipe, ulwale wa nkanda ukaambukila, alinzile kuletwa kuli simapepo Aaloni nanti ku ana yakwe Aaloni, yasimapepo.

Aina Levi 11:40

Nupya umuntu wensi ndi walya inyama iyo alinzile ukufula insalu zyakwe, lelo aye uwamifitalila kufika lino ilanzi lyawa. Nupya umuntu wensi wino wapinga inyama iyatiifwila alinzile ukufula insalu zyakwe nu kuya uwamifitalila kufika lino ilanzi lyawa.

Aina Levi 11:28

Na wiyo wensi uwatola citumbi caziko ali nu kufula insalu zyakwe, nupya wasyala wamifitalila kufika lino ilanzi lyawa. Fwandi mumanye ukuti izyamifitalila kunomuli.

Aina Levi 13:5

Simapepo alinzile kulola mulwale nu kumuceceta nupya pa wanda uwalenga cinimbali, ndi cakuti mu kwelenganya kwakwe walola ukuti icilonda cikuloleka icili conga, citaombwike, simapepo alinzile kusuga mulwale aikale wenga nupya pa manda nayauze cinimbali.

Aina Levi 13:7

Lelo ndi cakuti icilonda caomboka pacisila cakumuceceta nu kunenwa ukuti muswepe, lyene mulwale wiyo alinzile ukuyalolekela kuli simapepo nupya.