Aina Levi 13:45 - Amazwi Yakwe Leza 2013

⁴⁵ Muntu wino walwala tembwe alinzile kuzwala insalu zilepoke, atalinzile kusakula inyele zyakwe. Alinzile kuvimba pa mulomo, nupya alinzile kupunda ale akuti, “Nene wamifitalila, nene wamifitalila!”

Aina Levi 13:45 Referans Kwoze

Mika 3:7

Yakasema yalaya ni nsonyi pakuposiwa kwao, nga yakasapoola yalazewana, pamulandu wakuti Leza atalayaasuka.

Aina Levi 10:6

Lyene Mose anena Aaloni na ana yakwe aonsi, Eleaza na Itamali ati, “Mutikala ni nyele zyaula kusakula nanti kulepula ivyakuzwala vinu, kulanga ukuti mukulosya. Ndi mwacita vivyo, mumafwa, nupya Yawe angasokela iuvi lyonsi lya ina Izlaeli. Lelo auzo aina Izlaeli yangalosya imfwa ii, iyalenzilwe nu moto uno Yawe watumile.

Ezekelo 24:17

Utezya uleke yuvwe kuno ukusinsimokela. Utazuula insalu ku mutwe nanti kuzuula insapato zyako apa kulanga ukuti uli ni ndosya. Utavimba pa mulomo nanti kwezya ukulya icakulya ca pa ndosya.”

Nyimbo zya ndosya 4:15

Antu yalaizyanga ala yakuti, “Senkini! Mwemwe yakowele! Funtukini! Funtukini! Mutatukumya!” Acino nayo ali vino yafumile nu kuutukila ku inamasi, nga kusi umwi uwayazengile.

Luka 17:12

Lino akwingila mu muzi, antu ikumi alwile tembwe yamukomanya. Lyene iimilila katalamukila,

Ezekelo 24:22

Alino mulacita vino nacita, mutalavimba pa kanwa nupya mutalalya cakulya cino yakalya apa ndosya.

Aina Levi 21:10

“‘Simapepo Mukulu uwapakwa amafuta akusolwela pa mutwe wakwe nu kutekwa pa cilimba ca usimapepo, nupya waswefiwa kuti azwala ivyakuzwala vya usimapepo. Caleka atalinzile ukupita ni nyele zyakwe zyaula kusaakula nanti kulepola vyakuzwala vyakwe kulanga ukuti ali ni ndosya.

Luka 5:8

Lino Simoni walola cati cicitika, afukama pa ngazo zyakwe Yesu amunena ati, “Ntaluke, Mwene, pano nene mwipe.”

Ezaya 64:6

Swensi twali wa antu amifitalila, nu uloloke witu onsi wali wa nsalu iya vikwi. Swensi twali alokote wa mafwa. Amaifyo itu yatusenzile wa muza.

Ezaya 6:5

Nga alino nani ne Ezaya imvwanga inti, “Kalanda kunondi! Awe icumi ilelo lyene ali mpela yane! Pano kwene amazwi yonsi yano nkalanda yangaya aipe, nupya nikala na antu ya mazwi akanyengula umwenzo. Ilelo lyene casila nafwa, pano lyene nailolela na manso yane Yawe Wamaka yonsi.”

Masamu 51:3

Nazumila ukuti naifizye, na vyonsi vino nacisile inkaviuzya.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Yelemiya 36:24

Umwene pamwi na aomvi yakwe, nanti angala yuvwile amazwi yaa yonsi, lelo yatakweti intete foo. Yatalepwile ni nsalu zyao.

Yelemiya 3:25

Katuletulambalale sile pansi pamulandu ni nsonyi. Ukuzewana kwitu kakule kutucitepo cimwi. Swemo kumwi ni vikolwe vitu twaifya kuli Yawe, ukutandikila sile uku wance witu, ukwizafika nu wanda wilelo. Twakana nu kuvwa ukwi zwi lyakwe Yawe, Leza witu.”

Masamu 51:5

Kwene nemo navyalilwe umu luyembu. Lino mayo wanyomelile indilwa yane, nali umwipe.

Yobo 42:6

Ali cino fwandi nawezya umuvwango wane onsi. Naiswela ulukungu ni itwi, apakulanga ndi vino lyene nazenzuka.”

Yobo 1:20

Lino Yobo uvwa vivyo, ali pakuvwandamuka, alepola ni laya lyakwe apakulanga ulanda uno wakwata. Alino apeela ni cikuzu. Nga lyene apona na pansi afukama nu kupepa kuli Yawe.

2 Samueli 13:19

Tamala fwandi pali pakuipaka itwi ku mutwe pa kuilangizya ulanda uno wali nawo. Alepola ni laya lino wazwite, apanga na makasa pa mutwe nga atandika nu kulila ala akupita.

Utandiko 37:29

Lino Lubeni waswilile ku cifula ku kulengula, azana Yosefu asimo, nga alepola vizwalo vyakwe, kulanga ulanda.

Ezaya 52:11

Pitangini, pitangini, fumini mu Babiloni! Mutezya muleme vyamankowezya mwe muno mukusenda iviya vyamuzilo vyakwe Yawe fumini mwenemo muisangulule.

Aina Levi 13:44

umuntu wiyo mulwale, nupya uwamifitalila. Simapepo alinzile ukunena umuntu wiyo ukuti wene uwamifitalila pamulandu wakuti watakwata icilonda pa mutwe wakwe.

2 Yamwene 7:3

Lyene pa wingililo wa mpongolo ya musumba ulya pali antu yani alwile tembwe. Yene yavwanzyanya yati, “Uzye pacani cino tukalu kuzingota pano mpaka tusuke tufwe?

Mpendwa 5:2

“Pela ilamulo ku ina Izlaeli kuti yazinge umuntu ali wensi mu nsakwe uwalwala tembwe nanti akafumya vimwi vili vyonsi ku vya nzwalo vyakwe, nanti wiyo uwaikowezya ku kukumya ku vyala.