Aina Levi 13:32 - Amazwi Yakwe Leza 2013

³² Simapepo alinzile kuceceta icilonda nupya pa wanda uwalenga cinimbali. Ndi cakuti citaombwike, nupya musi ipipi ilya mutuntulwa, nupya citakuloleka icizike ukuluta inkanda izingulwike icilonda,

Aina Levi 13:32 Referans Kwoze

Loma 2:23

Wemo kuitumba pa kukwata Masunde yakwe Leza, lelo uzye usyaleta muzewanya kuli Leza pa kuntayela Masunde yakwe?

Mateo 23:5

Vyonsi vino yakacita ivya kuilanga pa manso ya antu. Si lolini vino yene yakapanga tumifuko twa mpapa twakusendelamo malembelo yakwe Leza, tuto tuno yakazwala pa mausyu na pa makasa yao. Yene yakatalimfya masempele ya vyakuzwala vyao.

Aina Levi 13:30

simapepo alinzile kuceceta icilonda cico. Ndi cakuti cikuloleka icizike ukuluta inkanda izingulwike icilonda, nupya ipipi mu cilonda ilya mutuntulwa nupya linyale, ale atembwe. Simapepo alinzile ukunena mulwale wiyo ukuti wene uwamifitalila.

Aina Levi 13:31

Ndi cakuti lino simapepo waceceta mulwale, wazana ukuti icilonda cici icizike ukuluta inkanda izingulwike icilonda, nomba pasi ipipi litifi pa cilonda, simapepo alinzile kumusunga aikale wenga pa manda cinimbali.

Aina Levi 13:33

umuntu wiyo alinzile ukupela inyele zyonsi suka sile kuzinguluka pa cilonda. Simapepo alinzile kumusunga aikale wenga nupya pa manda nayauze cinimbali.