Aina Levi 11:24 - Amazwi Yakwe Leza 2013

²⁴ “Wino wensi uwalema ivitumbi vya nyama zii, aye uwamifitalila kufika lino ilanzi lyawa.

Aina Levi 11:24 Referans Kwoze

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.

Ayebulai 9:26

pano acita vivyo wange acule maila aingi kufuma ku kuumbwa kwa vintu vyonsi. Lelo ndakai, lino mpelelekezyo ya nsita zya mikulo yonsi yapalama, wene waloleka lyonga nupya calimwi kuti atufumizye maifyo kupitila mu mpolelwa ino umwisikulu waipile.

Kolose 2:20

Mwemo mwafwa pamwi na Klistu, pano mwafuma kukusambilizya kwa vintu vyamu nsi. Uzye lyene pacani mukwikala kwati mwemwe amu nsi? Pacani mukayela utantiko wa ntambi zyakuti,

Efeso 5:11

Mutaya nu utandano na yakacita ya milimo yamu mfinzi. Lelo mu cifulo cakwe cii mulinzile kuleta milimo iyo ku luswepo.

2 Kolinto 6:17

Nupya Mwene wavwanga wati, “Yatini, nupya fuminiko kuno yali! Mutakumya cintu cikowele cili consi. Lyene ndamuzengela

1 Kolinto 15:33

Mutaisomba mweisikulu. Yacuza aipe yakaonona miyele isuma.

Ezaya 22:14

Yawe Wamaka yonsi wansokolwelile amazwi akuti, “Umu cumi, mutalalipila api ifyo lilyo suka sile mukafwe. Ivya landa ne Yawe Wamaka yonsi.”

Aina Levi 11:31

Wino wensi uwakumya ivitumbi vya nyama zii, aye uwamifitalila kufika lino ilanzi lyawa.

Aina Levi 11:8

Mutakezye ukulya inyama zii nanti ku kumya ivitumbi vyakwezyo. Inyama zii izyamifitalila kunomuli.

Aina Levi 11:23

Lelo vizizi vyonsi ivyakwata maapa nomba vikasela sile pansi, ivyamifitalila kunomuli.

Aina Levi 11:25

Wino wensi uwatola icitumbi ca nyama iyo alinzile kufula insalu zyakwe nu kusyala uwamifitalila kufika lino ilanzi lyawa.

Aina Levi 22:4

“‘Muntu ali wensi uwamu mupanda wakwe Aaloni wino akweti indwala yakwe tembwe, nanti wino akufumya vintu viipe ku wonsi wakwe, atangalya vintu vyamuzilo suka waswefiwa. Simapepo ali wensi ali nu kuya uwamifitalila ndi walema ku cintu cimwi cati cilengwa ukuya icamifitalila pa kukumyanya ni cala nanti ndi wafumya imbezu ku wonsi wakwe.

Aina Levi 5:2

Muntu umwi ndi mukuntamanya walema icintu cimwi cikowele, wa nyama yaifwila, nawe kwene ala wakowela. Nupya waya nu mulandu lino wamanya cino wacita.

Aina Levi 7:21

Nupya umuntu ali wensi ndi walya inyama ya wila uu, pacisila ca kukumya ku cintu icili consi cikowele, cingaya cafuma ku muntu nanti ku nyama, umuntu wiyo alinzile kusukulwa mu antu yakwe.

Aina Levi 14:46

Muntu wensi wino wingila mu ng'anda iyo lino yayalwa, ali nu kuya uwamifitalila kufika nu ku manguzi.

Aina Levi 15:5

Muntu wensi uwakumya ku musanzi wakwe,

Aina Levi 15:6

nanti umuntu umwi wikala pali cimwi cino mulwale waliwikalapo, umuntu wiyo alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 15:7

Muntu wensi wakumya umonsi wino akufumya ufila ku vya nzwalo vyakwe alinzile ukufula insalu nu kufulala umwili onsi, nupya aye uwamifitalila kufika ku manguzi.

Aina Levi 15:8

Muntu wino akufumya ufila ku wonsi wakwe ndi cakuti waswila umuntu umwi na mati, umuntu wino waswila alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 15:10

Muntu wensi uwakumya ku cintu consi cino muntu wino akufumya ufila ku wonsi wali wikalapo, waya uwamifitalila kufika ku manguzi. Nupya umuntu wensi wino wasenda icintu consi cino umuntu wino akufumya ufila ku wonsi wakwe wali wikalapo, alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 15:11

Muntu wino akufumya ufila ku vya nzwalo vyakwe ndi wakumya umuntu umwi lino atali afulale makasa, umuntu wino wakumya alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 15:15

Simapepo alinzile ukupeela icunyi conga ukuya uwila wa kwelela amaifyo. Lyene icunyi cuze ciye uwila wakoca. Vii, avili vino simapepo alinzile ukucita pa lutambi lwa kufuta amaifyo ya muntu wiyo pamulandu wakuti akufumya ufila ku wonsi wakwe.

Aina Levi 15:21

Muntu wensi uwakumya ku musanzi wa mwanaci wiyo alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 15:22

Muntu wensi uwakumya ku cintu icili consi cino umwanaci wiyo waliwikalapo alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 15:23

Nanti musanzi nanti icintu icili consi cino umuntu wiyo akaikalapo ndu muntu umwi wakumya, aye uwamifitalila kufika ku manguzi.

Aina Levi 15:27

Muntu wensi wakumya ivintu vivyo waya uwamifitalila. Alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 16:26

Muntu wiya wino wasonsilwe kuti azingile imbuzi mu lwanga kuli Azazeli, alinzile kufulala umwili onsi lino atali aswilile mu nsakwe.

Aina Levi 16:28

Muntu wino woca vintu vivyo alinzile ukufula insalu zyakwe nu kufulala umwili onsi lino atali aswilile mu mutanda.

Aina Levi 22:5

Nanti ndi walema inyama yamifitalila nanti umuntu uwamifitalila.

Aina Levi 22:6

Simapepo ali wensi wino waya uwamifitalila alinzile ukuya uwamifitalila kufika ku manguzi. Lelo nalyo kwene atangalya impolelwa zyamuzilo suka wafulala umwili onsi.

Mpendwa 19:7

Pacisila cakwe vivyo, simapepo afule ivyakuzwala vyakwe nu mwisikulu aowe ku mwili. Lyene alino angingila mu nsakwe. Lelo ala acili mukowele mpaka ukufika na lino ilanzi lyatemba.