2 Timoti 4:5 - Amazwi Yakwe Leza 2013

⁵ Lelo wemo ulinzile kuisunga muli vyonsi. Uwaposya mu macuzi yonsi. Omba mulimo uwakukosola Ilandwe Lisuma nga nu kuomba ncito yako yonsi wa muomvi wakwe Leza.

2 Timoti 4:5 Referans Kwoze

2 Timoti 1:8

Acino lyene utuvwa insonyi izya kupeela umboni pamulandu wa Mwene witu. Nupya utuvwa insonyi pamulandu wane, ne munyepwe pamulandu wakwe Klistu. Lelo wakumako ku kuculila Ilandwe Lisuma, lino Leza akukupeela maka akucita cii.

1 Petulo 1:13

Caleka, muye aiteyanye. Mwapempula nupya mwapaalila cuze mu kupolelelwa kuno mulapolelelwa lino Yesu Klistu alasokololwa.

2 Timoti 2:3

Toola imbali yako mu kucula wa musilika uwakutailwa wakwe Klistu Yesu.

Kolose 4:17

Munene Akipusi muti, “Sininkizya ukuti waomba mulimo uno walasikwa mukutumikila Mwene.”

1 Timoti 4:12

Utaleka umuntu umwi akusuule pano wewe mwance, lelo uye cilangililo ku ina Klistu mu mivwangile yako, micitile yako, kutemwa kwako, utailo, nga nu usuma wa mwenzo.

Milimo 21:8

Uwanda walondelela tukatuka tufika ku musumba wa Kesaliya. Tuya ku ng'anda yakwe Filipo kakosola wi Landwe Lisuma, wenga uwamu antu cinimbali asozilwe ku Yelusalemu, twikala nawe.

1 Timoti 4:15

Waomba incito zii mu kutekela nu kuipelesya mu kuomba kuti antu yonsi yalole vino ukuya nkolelo mu visuma.

1 Tesalonika 5:6

Caleka lyene, swemo tutalinzile kukasula wa antu yauze. Tulinzile kulola nu kupempula.

Umbwilo 3:2

Caleka zyuka ukomelezye vino usile navyo pano vimafwa. Pano nazana ukuti pasi mulimo wako uno wamala pa manso yakwe Leza wane.

Efeso 4:11

Wene uwapile mawila ku antu onsi. Wasolwile yamwi kuti yaye atumwa, yamwi kuti yaye akasema, yamwi akakosola, yamwi akacema nga na yamwi akasambilizya.

Ayebulai 13:17

Mwayela intunguluzi zinu nu kulondela malamulo yao. Yene yakasopa umi winu kwaula kupuza, pasi pano yalalondolola kuli Leza pa kutumikila kwao. Ndi mukuyayela lyene yamaombanga milimo yao ni nsansa. Lelo ndi musyakuyayela, yamaombanga milimo yao nu ulanda nga namwe citangaya cakumwazwa.

2 Timoti 2:10

Acino nemo nkaposya muli vyonsi pamulandu wa antu asololwe yakwe Leza. Nemo nkacita cii kuti nao kwene Klistu Yesu ayatuule nu kupokelela lulumbi lwa manda pe.

Luka 12:37

Alongo aomvi yano mwene wao alazana yakupempula pa kwiza kwakwe! Namunena vino, wene alazula mwingila wakwe, nu kuyalenga kuti ikale pansi, nga ayapeele ivyakulya.

Mako 13:37

Cino nkunena mwemwe, acino nkunena na yonsi kwene nati, ‘Pempulini!’

Kolose 1:25

Leza uwancita kuya muzya wi uvi, nupya uwampile mulimo uu pamulandu winu kuti mbombe nde nkosole izwi lyakwe.

Loma 15:19

mu maka ya vinjelengwe ni vizungusyo, nga nu mu maka yakwe Mupasi Wamuzilo. Acino mukupita ulendo kufuma ku Yelusalemu kufika ku Ililikumu, nasalanganya Ilandwe Lisuma lya pali Yesu Klistu.

Mako 13:34

Cili wa muntu wino ali pa lwendo kufuma ku muzi wakwe nu kusya aomvi kuti yaangalila milimo yakwe. Lyene apeela kuli wenga na wenga incito yakuti aomba nu kunena kalinda kuti aapempula.

Ezekelo 33:2

“We mwana wa muntu, nena antu amu mutundu wako uvwange uti, Ndi nakatusizya impanga ino inkondo, nga na antu amu mpanga iyo yasonte umuntu wao wenga, pakuti awino angaya kalinda wao.

Ezekelo 3:17

“We mwana wa muntu, nemo nakusonta ukuya kalinda wa ina Izlaeli. Wayanena vino nkucelwile.

Yelemiya 6:17

Namusontelile na yakalinda ukuti yangakutika ku kulila kwa ntandala. Lelo mwemo mwakanyile muti, “Tutakutala tukutike.”

Ezaya 62:6

Nemo ne Yawe, namaika yakalinda pa malinga yako. Nayo yataezya ukwikala cele usiku nu musanya. Yalinzile ukunjiusya apakukana ilila vino namulaya.

Ezekelo 33:7

“Fwandi wemo we mwana wa muntu, nemo nakucita kalinda wa mutundu onsi wa ina Izlaeli. Awewe nomba umayaceulanga kuli vino nemo namakunenanga.

Efeso 4:12

Lyene antu yakwe yalasambilila kutumikila nga nu mwili wakwe Klistu nao ukomeleke.

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Mateo 25:16

Muomvi uwaposile impiya mazimbi yasano apita lilyo kwene, atandika kuziomvya azanilapo nazyuze mazimbi yasano.