2 Timoti 4:21 - Amazwi Yakwe Leza 2013

²¹ Ezya na maka kwiza lino mwela utali ufike. Yubulasi, Pudensi, Linusi, na Kuludiya yatuma kulamuka kwao, nga na ina itu yauze, aina Klistu.

2 Timoti 4:21 Referans Kwoze

2 Timoti 4:9

Ezya na maka kwiza kunondi zuwa.

Filipi 4:22

Antu yakwe Leza yonsi ali kuno yamulamuka, maka maka yao akatumikila mwi sano lya Mulasi uwaku Loma.

3 Yoane 1:14

Inkupaalila kwiza kulola zuwa, nga alino tulalanzyanya.

2 Yoane 1:13

Ana yakwe kaci winu mukundwe asolwa yamulamuka.

2 Timoti 4:13

Lino uliza, uce undetele ikoti lyane lino nasile kuli Kapusi ku Tuloa. Uce undetele ni mpapulo kwene, maka maka zizyo izyapangwa ni mpapa.

2 Timoti 1:4

Nemo nkaiusya kulila kwako, nupya nkulondesya kukulola pakuti nzangisye.

2 Kolinto 13:13

Antu yakwe Leza yonsi yamulamuka.

1 Kolinto 16:20

Aina itu yonsi kuno nao kwene yamulamuka. Mulamukane mukutemwa kwa cumi.

Luka 12:58

Pano lino mukuya ku kuvwangilwa milandu nu muzo, cingazipa kuti mulanzyanye na similandu muzo lino mucili mu nzila. Pano lino amakutwala kuli kapingula wa milandu, kapingula alaya akakupeele ku musilika. Musilika nawe alakuyalila mu ng'anda yaminyololo.

Tito 3:12

Lino ndatuma Alitema nanti Tikikasi kunuli, uce wezye na maka yako yonsi kwiza ku Nikopoli, pano nemo nati nelenganya kwikala kuku mu nsita ya pamwela.