2 Timoti 4:18 - Amazwi Yakwe Leza 2013

¹⁸ Mwene alankulula ku viipe vyonsi nga nu kunsenda mu Wene wakwe uwa mwiyulu. Aliwe kwene apelwe lulumbi manda pe! Ameni.

2 Timoti 4:18 Referans Kwoze

Masamu 121:7

Yawe alakucingilila uku mazanzo yonsi, alawaka umi wako.

2 Tesalonika 3:3

Lelo Mwene wene uwa kutailwa, nupya alamukomelezya nu kumucingilila ku Mwipe wilya.

Mateo 6:13

Utaleka tuponele mukweziwa kukome lelo ututuule ku Mwipe wilya.’

1 Petulo 1:5

Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.

1 Tesalonika 5:23

Leza wino akapeela mutende, amucite kuya amuzilo umu nzila zyonsi. Nupya aliwe asunge myenzo inu, mipasi nga ni mili inu, kuti muce muye antungwa ku ndema zyonsi pa kwiza kwa Mwene witu Yesu Klistu.

Masamu 73:24

Ukantungulula uku mano yako, nu kumpelelekezyo ulampokelela umwako, umwaya ucindami wako.

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

2 Timoti 1:12

Acino pamulandu kwene uu, nemo nkucula. Lelo nsi na nsonyi pano indi nu upaalilo cuze, pano manyile wiyo wino nataila. Nupya nkusininkizya ukuti wene akweti maka akucingilila cico cino wandasika, kufika na pa Wanda wa mpelelekezyo.

2 Kolinto 1:10

Wene watutuuzile ku mazanzo aipisye a mfwa, Leza alatutuula. Tukweti upaalilo munoli wakuti alatutuula nupya.

Loma 11:36

Pano vintu vyonsi vyaumvilwe na aliwe, nupya vintu vyonsi vyacisilwe pamulandu na aliwe, lulumbi luye kunoli manda pe. Ameni.

Masamu 92:10

Lelo nemo awewe wankomya, naya sile wa mbo. Wampolelela nu luzango.

Masamu 37:28

Pano Yawe watemwa ivilungame, nupya asitazyela akwakwe yayo acumi, lelo aipe yene yalalowelela. Ana ya vipondo yalononeka.

Mateo 13:43

Lyene antu akacita ivyawololoke yene yalaengesa wi lanzi mu Wene wakwe Isi. Ali na matwi yakuuvwa, auvwe!

1 Milandu 4:10

Lelo kwene Yabezi wapefile kuli Leza wa ina Izlaeli ati, “We Leza, ungampolelela umpeele ni mpanga ikulu. Nkukulenga uye nani, nupya uwancingilila nu ku viipe vyonsi ivingandetela ukuwaika.” Nga Leza amupeela cino walenzile.

Yoane 17:15

Nsyakupepa kunuli kuti uyafumye mu nsi, lelo nkupepa kunuli kuti uyasunge ningo ku mwipe wilya.

Luka 12:32

“Mutoopa, mwe ufyo unono wa mfwele, pano So camuzanzya kuti amupeele Uwene wakwe.

1 Timoti 6:16

Aliwe wenga sile asyafwa. Wene akaikala mu luswepo luno kusi nanti umwi angapalamako. Kusi nanti umwi uwatala walola Leza. Kusi nanti umwi angamulola. Kunoli kupelwe mucinzi nu utesi wape! Ameni.

1 Kolinto 10:13

Ukweziwa konsi kuno kukamucitikila, kuli kumwi kwene ukukacitikila antu yauze. Lelo Leza wene uwakutailwa. Wene atalazumilizya kuti mweziwe kuluta pali vino mungaposya. Pa nsita ino mukweziwa, wene alamulanga inzila yakuleukila matunko pa kumupeela maka akuti muposye.

Utandiko 48:16

Si mungeli wino uwampuswisye mu mauzanzo onsi apolelele alumendo yaa! Si zina lyane ni zina lya vikolwe vyane Abulaamu na Isaki likalilile pa alumendo yaa! Si yavyale ana avule na kuti amu mupanda wao yaye avule!”

1 Petulo 5:11

Leza aye na maka manda pe. Ameni.

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Yuda 1:1

Kalata kufuma kuli ne Yuda, muomvi wakwe Yesu Klistu, nupya umwina wakwe Yakobo, kuli yano aamwa, akundwe yakwe Leza Tata nupya acingililwa na Yesu Klistu.

Galatiya 1:5

Lulumbi luye kuli Leza manda pe! Ameni.

Loma 16:27

Ku Mwene Leza wenga sile, wino wenga uwaya uwa mano, kuye lulumbi muli Yesu Klistu, pe na pe. Ameni.

Luka 22:29

Namupeela Uwene wakwe vino Tata wampile Uwene.

Luka 11:4

Utwelele maifyo itu, vino naswe tukaelela onsi yano akatwifya, nupya utaleka tuponele mu matunko.’”

1 Samueli 25:39

Lino Davidi uvwa ukuti Nabali watafwa, avwanga ati, “Lumbanyini Yawe, wiyo uwandwila kuli Nabali pa musausya uno wancitile. Ala Yawe umwisikulu uwandesizye ukucita iciipe nupya aliwe kwene uwalenga kuti uyi wakwe Nabali umwisikulu umulye.” Alino Davidi atuma intumi izyakuya mulanzizya kweneko Abigelo, pakuti angamusaka.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

1 Samueli 17:37

Yawe uwampokololanga ku vizanza vyakwe cisama na vyakwe cuuli, ali wino alantuulanya nu kumwina Filisti kwene wiya.” Saulo anena Davidi ati, “Cisuma, pitanga, nga Yawe aye nawe.”

Mapinda 14:32

Umuntu mwipe uyi wakwe uli uno ukamuwisya, lelo wiyo akacita vyaololoke wene akazina mu vicitwa vyakwe ivisuma.

1 Kolinto 1:21

Pano Leza mu mano yakwe walenzile ukuti citacitika ukuti antu yamumanye kupitila mu mano yao. Lelo camuzipile ukuti antu ataila yatuulwe kupitila mwi Landwe lino tukakosola, ilikauvwika lya uwelewele ku antu yamwi.

1 Kolinto 15:50

Inane, nemo nkusenula ukuti mili itu iya minyefu nu wazi ilaola. Cii, cikusenula ukuti yene itangakumako ku Wene wakwe Leza uwa manda pe, nga ni cikaola citangingila mu cisiola.

2 Timoti 4:1

Pa manso yakwe Leza nga na Klistu Yesu, wino alapingula antu aumi na afwe, nga nu kwiza ku kuteeka, nkukupeela ilamulo nu kukupapata cuze,

Ayebulai 11:16

Lelo yalondesyanga mpanga isuma kuluta, mpanga ya kwiyulu. Acino Leza asi ni nsonyi zyakuti yamwama ukuti a Leza wao, pano wayateyanyizizya musumba.

Ayebulai 12:22

Lelo mwemo mwiza ku Mwamba wa Zioni nu ku musumba wakwe Leza uwa umi, Yelusalemu uwa kwiyulu, muno mwaya angeli mintapendwa.

2 Petulo 1:11

Mu musango kwene uu, wene alamuyulila mulyango wakwingila mu Wene wa manda pe, uwa Mwene na Katuula witu Yesu Klistu.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.