2 Timoti 4:17 - Amazwi Yakwe Leza 2013

¹⁷ Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

2 Timoti 4:17 Referans Kwoze

1 Petulo 5:8

Mwatekela nu kupempula! Ciwa, mwanisi winu akululumba nu kung'anza wakwe cisama wino akulunga umwi uwakuti alye.

Masamu 22:21

Ntuule kuli yacisama yaa. Namaifwila sile kuli yacipambasi ya mpanga.

1 Samueli 17:37

Yawe uwampokololanga ku vizanza vyakwe cisama na vyakwe cuuli, ali wino alantuulanya nu kumwina Filisti kwene wiya.” Saulo anena Davidi ati, “Cisuma, pitanga, nga Yawe aye nawe.”

Milimo 9:15

Mwene anena Ananiya ati, “Pitanga, pano nati musola kuya muomvi wane, kuti aleke imanyike ku Akulukuwa nu ku ene nga nu ku ina Izlaeli.

Danieli 6:22

Leza wane waliwatuma umungeli wakwe, nga nawe wali wafumpika imilomo yakwe yacisama apakuti yatanduma. Wene watacita cico apamulandu wa kuzana ukuti nene wakaele apa manso yakwe nupya ntiifya kunuli, we mwene.”

Ayebulai 11:33

Mu utailo amuno yene yalwisizye nu kucimvya impanga zyuze. Yene yacisile visuma nga yapokelela vino Leza wayalavile. Yene yayazile milomo yakwe yacisama,

Masamu 109:31

Yawe akavwangila umupina, nu kumupususya kuli yao akamupingwila ukufwa.

Milimo 23:11

Usiku wa wanda walondelela, Mwene aimilila apali Paulo ati, “Posya sile! Wakwe vino watupeela umboni uwa pali nene muno mu Yelusalemu, avino ulinzile upele nu ku Loma kwene.”

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

2 Petulo 2:9

Cii cikalanga ukuti Leza wamanya ivya kutuula antu asuma ku kweziwa kwao, nga ni vya kuvunuka antu aipe lino yacili yakulolela Wanda wa upinguzi.

Mateo 10:19

Lelo lino yalamulema, mutakalanguluke nkolelo pali vino mulavwanga nanti musango uno mulavwangilamo. Lino nsita iliza mulapelwa cino mulavwanga.

Danieli 6:27

Wene akapususya nu kutuula. Wene akacita ivizungusyo ni vinjelengwe. Wene watatuula Danieli kuli yacisama yatamukoma.’”

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

2 Timoti 3:11

kuzunyiwa kuno nazunyiwe, nga na macuzi yane. Wamanya vyonsi vino vyancitikile mu Antioki, mu Ikoniamu, nga nu ku Lisitala, kuzunyiwa ukwipisye kuno naposizye! Lelo Mwene wankulwile kuli vii vyonsi.

1 Timoti 1:12

Nkataizya Klistu Yesu Mwene witu, wino uwampile maka akuomba mulimo uu. Nkumutaizya apa kumpenda kuya uwa kutailwa nu kunsolola kuti namutumikila.

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

2 Kolinto 12:9

Lelo wene waswike ati, “Cikuku cane sile icikulondekwa kunuli. Pano maka yane yakaombesya lilyo lino watonta.” Acino Klistu ndi watwalilila kumpela maka yakwe, lyene nakulaitumika pa utonte wane.

Luka 21:15

pano ndamupeela mazwi nga na mano kuti patakaye nanti wenga uwamu anisi inu alakana nanti kupilika vino mulavwanga.

Yelemiya 2:30

Lino namuvunuka, ala naicuzya sile pano mutapokelile isunde. Impaanga zinu azino zyakomola yakasema yinu, kwati a yacisama aononyi.

Mapinda 28:15

Umwene mwipe wino akateeka alanda, akoline na cisama aakung'anza, nupya wa cilyanyi icili ni nzala, icakolana ni cuuli.

Mapinda 20:2

Icipyu ca mwene caya wa cilulumo cakwe cisama, acino na wiyo uwala wacivulumula, ala wailetelela sile umweneco.

Luka 1:1

Musambazi Teofilo, antu aingi yezya na maka kulemba pa vintu vino vyacitika pakasi kitu.

Loma 15:31

Pepini pakuti ntaponela mu makasa yakwe yao atataila amu Yudeya nga na pakuti kutumikila kwane mu Yelusalemu kungapokelelwa na antu yakwe Leza aya mwenemo.

2 Timoti 2:1

Timoti, we mwanane mu utailo. Komeleka mu cikuku cino twakwata muli Klistu Yesu.

2 Timoti 2:9

Pamulandu wa kukosola Ilandwe Lisuma, nemo nkacula nu kunyepwa mu minyololo kwati nene cipondo. Lelo mazwi yakwe Leza yene yatanganyepwa mu minyololo.

2 Timoti 4:5

Lelo wemo ulinzile kuisunga muli vyonsi. Uwaposya mu macuzi yonsi. Omba mulimo uwakukosola Ilandwe Lisuma nga nu kuomba ncito yako yonsi wa muomvi wakwe Leza.

Tito 1:3

Lino insita yafisile Leza, Katuula witu, wasokolwile cii ku antu kupitila mwi landwe lyakwe. Leza uwandasike mulimo uu. Nani nkakosola pa kuyela ilamulo lyakwe.