2 Timoti 3:16 - Amazwi Yakwe Leza 2013

¹⁶ Mazwi yonsi amu malembelo yene yafuma kuli Leza nupya yakaomviwa mu kusambilizya cumi, kukanya kuluvyanya, kulungika kuluvyanya, nga nu kupeela utunguluzi ku antu pa kucita vyawololoke.

2 Timoti 3:16 Referans Kwoze

Loma 15:4

Vyonsi ivyalembwa mu malembelo vyalemvilwe ukutusambilizya, pakuti tuye nu upaalilo kupitila mu kutekeziwa nu kukomeleziwa kuno malembelo yakutupela.

Ayebulai 4:12

Izwi lyakwe Leza ilya umi nupya likuomba. Lyene lyakalipa kuluta lupanga luno lwanyolwa konsi koili. Lyene likaputula nu kupenka monsi, kufika pano umi nu mupasi vyakomana, na muno yanamfyumfyu ni mimfyompo vyakomana lyene likapingula vilondwa, nu kwelenganya kwa mu mwenzo wa muntu.

Mako 12:24

Yesu nawe ayaasuka ati, “Uzye asi cino mwapongela! Pano mutamanya malembelo nanti maka yakwe Leza?

Masamu 119:9

Uzye kwene umulumendo angaya uli uwakaele umu mipitile yakwe? Yangacita cico umukuyela amazwi yako.

Mapinda 6:23

Pano amasunde yali wa lukozyo, nu usambilizyo uli wa luswepo. Pano ukukalipilwa nu ufuke ili nzila ya umi.

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

Masamu 119:11

Nkawaka amazwi yako umu mwenzo wane, apakuti intaluvyanya kunuli.

Masamu 119:130

Ulondolozi wa mazwi yako uli wa luswepo, wene ukaletela imbutuma amano.

2 Samueli 23:2

Umupasi wakwe Yawe wavwangila munondi, nu lulimi lwane ilulanda amazwi yakwe.

Mapinda 15:31

Ikutwi ilikauvwa uku mazwi akusunda yano yakapeela uumi, likasyukila icifulo umukasi kakwe yao amano.

2 Timoti 2:25

Uye mufuke lino ukulungika yao akukulwisya, pano limwi Leza angayapeela insita yakuzenzuka nu kumanya cumi.

Malango 4:36

Wene walesile kuti muvwe izwi lyakwe ukufuma ukwiyulu pakuti angamusunda. Alino pano nsi napo walesile kuti mulole umoto wakwe uwamuzilo, imuvwa nakuno akumuvwanzya mwenemo.

Milimo 20:20

“Mumanyile ukuti ntafisile cimwi icingaya ica kumwazwa lino nakosozile nu kusambilizya pa lwalala nu mu mang'anda inu.

Yoane 3:20

Pano wensi wino akacita vicitwa vyankota wene wapata luswepo, nupya atangiza ku luswepo, pano asyalonda kuti vicitwa vyakwe vyankota visokololwe.

Mateo 13:52

Alino ayanena ati, “Caleka kasambilizya wa Masunde wensi wino uwaya mulondezi wa Wene wa mwiyulu wene akoline nu mwine ng'anda, wino akafumya vyuma vyakwe vipya ni vikote mu nkoma yakwe.”

Milimo 18:25

Muntu wii wasambiliziwe pamulandu wa nzila ya Mwene, nupya wali umukampuke mu kukosola ala akusambilizya ningo ivisinka vya pali Yesu. Lelo, nanti cali vivyo, wamanyile sile uluwatizyo lwakwe Yoane.

Loma 2:20

mulangilizi wa viwelewele na kasambilizya wa antu atutu. Wemo wasininkizya ukuti mu Masunde mwaya ivya kupanda mano ni vya cumi vyonsi.

Neemiya 9:20

Wapiile umupasi wako usuma apakuti yasundike. Wayimwile mana nga uyapeela na manzi akukoma ulusala.

Galatiya 3:8

Malembelo yasowile ukuti Leza alacita Akulukuwa kuya aololoke pa manso yakwe umwisikulu kupitila mu utailo wao. Acino Leza wanenyile Abulaamu Ilandwe Lisuma lyakuti antu amu nko zyonsi yalapolelelwa pamulandu na aliwe.

Ayebulai 3:7

Caleka, ndi vino Mupasi Wamuzilo akuti, “Ilelo ndi muvwa izwi lyakwe Leza,

1 Kolinto 12:7

Mupasi Wamuzilo akapeela cila muntu uwila upusane wa kuomba mulimo wa muzano kuli wensi.

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

Mapinda 15:10

Umuntu wino wapumbuka umu nzila isuma alavunukwa wakwe cimwi. Wiyo uwapata ukulungikwa alafwa.

Yoane 10:35

Twamanya ukuti vino malembelo yalanda vyene ivya cumi manda pe. Antu yaya yamilwe na Leza ukuti a tuleza, antu yano Ilandwe lyakwe Leza lyapilwe kunoyali.

Mateo 26:56

Lelo vyonsi vii vyati vicitika pakuti vino yakasema yalemvile vifikiliziwe.” Alino alondezi yonsi kwene yutuka yamusya wenga.

Milimo 1:16

“Inane, usemo uwaya mu malembelo, uno Davidi wasowile mu maka yakwe Mupasi Wamuzilo pamulandu na Yuda, wino watungulwile akwiza lema Yesu, wene wafikiliziwe.

Mateo 21:42

Lyene Yesu ayauzya ati, “Uzye mutatala mwawelenga mu malembelo yano akati, ‘Iwe lino yakakuula yakanyile, lyene lyacisilwe iwe lya pitungi lya ng'anda. Mwene uwacita vii, uzye catuzungusya uli mu manso itu?’

Loma 4:23

Mazwi akuti, “Amuzumila kuya mololoke” yatalemvilwe pali aliwe wenga sile.

Ayebulai 11:1

Utailo ukapeela maka akuntatwisika vintu vino tukupaalila, nupya ukasininkizya vintu vino tusyalola.

Loma 3:2

Endi, umu nzila zingi, mwaya muzano wakuya Muyuda! Ca nkolelo, mazwi yakwe Leza yavwanzilwe ku Ayuda.

Milimo 28:25

Caleka yapita, ukwaula kuti yazumilizyanye aisikulu, pacisila lino Paulo wavwanga mazwi yaa ati, “Endi! Mupasi Wamuzilo wavwanzile ningo ukupitila muli kasema Ezaya ku vikolwe vinu!

Mako 12:36

Mupasi Wamuzilo walenzile kuti Davidi avwange ati, ‘Mwene wanenyile Mwene wane ati, Ikala kwi kasa lilunji lyane kufika lino ndakucimvizya anisi yako.’

Mika 2:7

Uzye ukwelenganya ukuti amu mupanda wakwe Yakobo yalinzile ukunenwa vii vyonsi? Uzye Yawe camufulila ukuteeka umwenzo? Uzye icumi kwene wene alacita ivyamusango uu? Uzye wene asilanda amazwi yamutembo ku antu akacita ivisuma?”

Mateo 26:54

Lelo malembelo asowela kuti cilinzile cicitike ndi cikwene, yangafikiliziwa uli?”

Mateo 22:43

Alino Yesu ayauzya ati, “Uzye lyene pacani Mupasi Wamuzilo walenzile kuti Davidi amwame ati, ‘Mwene?’ Davidi wavwanzile ati,

Malango 29:29

“Kwaya kweneko ivintu vimwi vino Yawe Leza witu atatusokolwela. Lelo wene watusokolwela amasunde yakwe, nga sweswe pamwi na amu mupanda witu tulinzile twayayela amanda pe.”

Zefaniya 3:2

Wemo usiyela umuntu nanti wenga, nupya usizumila ukusundwa. Usitaila muli Yawe, nanti ukupalama kuli Leza.