2 Timoti 3:15 - Amazwi Yakwe Leza 2013

¹⁵ nupya ukaiusya ukuti kufuma lino wali mwana munono, wemo wamanya Malembelo Amuzilo, yano yangakupeela mano akukutungulula ku kukwata utailo muli Klistu Yesu kuti akutuule.

2 Timoti 3:15 Referans Kwoze

Luka 24:45

Lyene akupulula myenzo yao kuti yamanye malembelo.

Mapinda 22:6

Sambilizya umwana inzila yakupitamo. Lino alakota atalafuma mwenemo.

Luka 24:27

Lyene Yesu ayalondolwela vyonsi vyaya mu mpapulo zyakwe Mose na yakasema, pamulandu wakwe umwisikulu.

Mateo 22:29

Yesu nawe aasuka ati, “Mwaponga, pano mutamanya malembelo, nanti maka yakwe Leza.

2 Timoti 1:5

Nkaiusya utailo uwa mpomvu uno wakwata, nupya uno nyokokulu Loisi pamwi na nyoko Yunisi yakweti. Nkusininkizya ukuti nawe kwene ukweti.

Luka 2:40

Mwana akula, akomeleka aya na mano, nga Leza nawe amupolelela.

Masamu 19:7

Amasunde yakwe Yawe yaya alungame. Yakapeela umi upya. Upinguzi wakwe Yawe uwa cumi. Ukapela amano kuli yao akayalonda.

Loma 16:26

Lelo ndakai cumi cico casokololwa apaswe muli vino yakasema yalemvile. Lyene Leza, uwa manda pe nawe wapela ilamulo kuti nkama imanyikwe ku nko zyonsi pakuti antu yonsi yataile nu kuyela.

Loma 1:2

Ilandwe Lisuma lyalavilwe mpiti na Leza kupitila muli vino yakasema yalemba mu Malembelo Amuzilo.

Milimo 10:43

Wii ali wino yakasema yonsi yacitile umboni pa kuvwanga vino Leza alelela maifyo ya muntu ali wensi uwataila mwi zina lyakwe.”

Luka 24:32

Nao yavwanzyanya yati, “Uzye myenzo itu itali ikupya uku luzango lino wali akulanda naswe mu nzila, nu kutulondolwela malembelo?”

Mapinda 8:17

Natemwa yayo antemwa, na wiyo uwacincila ukundonda akanzana.

Masamu 71:17

Leza we, awewe wansambilizya ukutandikila sile uwance wane, na ndakai kwene nemo ncili nkulanda apa milimo yako iyakuzunguka.

Milimo 17:2

Lyene ndi vino umwata wakwe wali, Paulo aingila muno yali. Pa Masabata yatatu alanzyanya nao mu malembelo,

1 Samueli 2:18

Lelo Samueli watwalilile ukutumikila Yawe, ala acili umulumendo sile nupya wazwalanga cakuzwala ca efodi icapangilwa ku nsalu itelepelele.

Umbwilo 19:10

Alino mfukama pipi ni ngazo zyakwe kuti imupepe, lelo wene anena ati, “Utacita cico! Nene muomvi muzo pamwi na auzo ataila, onsi yakambone ya cumi cino Yesu wasokolwile. Uwapepa Leza.” Pano cumi cino Yesu wasokolwile umupasi wa usemo.

Milimo 13:29

Lyene lino yamala kucita vyonsi vino malembelo yakataka pali aliwe, yamwisya pa lupanda, nga yamuzika mwi lindi.

Danieli 10:21

Lelo inkolelo namatala nkunene ivyalembwa mu Lupapulo lwa Cumi. Kusi umwi uwakungazwa, suka sile Mikaeli, umungeli wino akalinda Izlaeli.

2 Milandu 34:3

Umu mwaka wakwe cinani uwa kuteeka kwakwe Yosiya, ale acili sile akalumendo ka myaka ikumi na mutanda, wene watandike ukupepa nu kucindika sana Yawe Leza wakwe Davidi icikolwe cakwe. Ipapita sile imyaka ini, atandika ukutamola incende zizi muno yapepelanga tuleza utuluwi kumwi nu unkolanya wakwe ka leza kanaci ka Asyela. Atamola nu tuluwi tuze tonsi utwasyala.

2 Petulo 3:16

Vii avino akulanda mu makalata yakwe yonsi lino walemba pa vintu vii. Mu makalata yakwe mwaya vintu vimwi vitale kuvwa vino antu atutu nupya atatekela yakapililika. Vikwene avino yakapililika ni vyamu malembelo yauze.

Kasambilizya 12:1

Acino uwaiusya kaumba wako lino ucili umwance, lino amanda ni myaka ya ulanda itali ikufikile, lino ulavwanga uti, “Awe nemo ntatala nailyokezya.”

Luka 1:15

pano alaya mukulu pa manso ya Mwene. Wene atalamwa waini nanti cikakola lelo alaya na maka ya Mupasi Wamuzilo kufuma lino atali avyalwe.

Malango 4:6

Muce mwayela amasunde ningo, lyene cico cilalanga antu amu nko zyuze ukuti mwemwe yamano nupya mwamanyikisya ivintu. Lino yacayuvwa amasunde yaa yonsi, yalazakaza nu kulanda yati, ‘Cumi kwene uluko luu ulukulu lwakwata amano ni cuvwilo!’

Yoane 5:47

Lelo ndi mutataila malembelo yakwe, uzye mungataila mazwi yane uli?”

Milimo 16:1

Paulo waile ku Debe nu ku Lisitala, kuno wenga pa ataile uwizina lyakwe Timoti wikalanga. Nyina wakwe Timoti nawe kwene wali wenga pa ataile nupya wali u Muyuda. Lelo Isi wene wali u Mugiliki.

Milimo 26:24

Lino Paulo atali kuti amale kuitaasya ndi vii, Fesito asanzika izwi ati, “Paulo, siwapena! Kusambilila kwako kukulu kumakupenya.”

Loma 2:27

Acino mwe Ayuda mulavunukwa nu muntu wensi atasilamulwa ku mwili, wino akayela Masunde yakwe Leza. Pano musyayela Masunde nanti angala mwasilamulwa ni sunde mukwetu.

1 Kolinto 1:21

Pano Leza mu mano yakwe walenzile ukuti citacitika ukuti antu yamumanye kupitila mu mano yao. Lelo camuzipile ukuti antu ataila yatuulwe kupitila mwi Landwe lino tukakosola, ilikauvwika lya uwelewele ku antu yamwi.

Efeso 6:4

Mwe yakwasi namwe mutasosya ana inu, lelo mwayakuzya mu kuyasunda nu kuyasambilizya kwa wina Klistu.

1 Timoti 4:13

Kufika lino ndiza kuko, omvya insita na maka yako mu kuwelenga malembelo pa lwalala nu kukosola nu kusambilizya.

2 Timoti 1:1

Kalata kufuma kuli ne Paulo, mutumwa wakwe Klistu Yesu, ne muno nasolwilwe na Leza. Wene uwantumile ku kukosola umi uno watulaya muli Klistu Yesu.