2 Timoti 3:11 - Amazwi Yakwe Leza 2013

¹¹ kuzunyiwa kuno nazunyiwe, nga na macuzi yane. Wamanya vyonsi vino vyancitikile mu Antioki, mu Ikoniamu, nga nu ku Lisitala, kuzunyiwa ukwipisye kuno naposizye! Lelo Mwene wankulwile kuli vii vyonsi.

2 Timoti 3:11 Referans Kwoze

Masamu 34:19

Ivikacula umuntu musuma ala ivingi wakwe cimwi. Lelo Yawe akamupususya kuli vyonsi sile.

Milimo 13:45

Lino Ayuda yalola wingi wa antu, yuvwa uzuwa cuze, yalanda mazwi ya miponto akukanya vino Paulo wavwanganga.

2 Petulo 2:9

Cii cikalanga ukuti Leza wamanya ivya kutuula antu asuma ku kweziwa kwao, nga ni vya kuvunuka antu aipe lino yacili yakulolela Wanda wa upinguzi.

2 Timoti 4:7

Nemo nalwisya ningo mu kusimula, nupya nene wakutailwa.

Milimo 26:22

Lelo Leza wangazwa kufika ni lelo kwene. Acino njimi pano kuti mpeele umboni pa manso ya antu onsi, apina na akama. Cino nkavwanga icili cimwi kwene na cino yakasema pamwi na Mose yavwanzile ukuti cili nu kucitika.

Milimo 26:17

Ndakupususya ku antu amu mutundu wako nu ku Akulukuwa, yao yano ndakutumako.

Milimo 23:10

Vikanza vikulisya na musika mukalamba intete zimulema zyakuti limwi yangasantola Paulo. Caleka apeela ilamulo ku asilika kuti yafumyemo Paulo yamutwale ku kamba kao.

Milimo 20:19

Natumikile Mwene mu ufuke nu mu ntazi, nanti angala Ayuda yandenzile kuvwa ulanda pa kumana kapi kuti yankome.

Milimo 13:14

Kufuma ku Pelige yapitilila yafika ku Antioki wa Pisidiya. Pa Sabata yaya iingila mu ng'anda yamapepo, ikala pansi.

Milimo 9:16

Nani nemwisikulu ndamulanga vintu vyonsi vino alacula pamulandu wi zina lyane.”

Danieli 6:27

Wene akapususya nu kutuula. Wene akacita ivizungusyo ni vinjelengwe. Wene watatuula Danieli kuli yacisama yatamukoma.’”

Yelemiya 1:19

Yene yalakulwisya, lelo yalaposiwa ku kucimvya, pano nemo namayanga nawe apa kukupususya.” Ivyalanda ne Yawe.

Ezaya 43:2

Lino wapita umu manzi azike, namayanga nawe, na lino ukulamba uluzi, utalamwela awe. Lino wapita umu moto, utalapya awe. Icimbilimbili cakweo citalakwambukila awe.

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Masamu 91:14

Leza akuti, “Nemo namatulanyanga yao antemwa, nu kutaasya yayo amanya.

Masamu 37:40

Umwene akayapususya nu kuyavwa, akayatuula, pano kuli aliwe akuno yakazina.

2 Samueli 22:49

nu kuntuula ku anisi yane. We Yawe ukampeela ucimvyo pa anisi yane nu kuncingilila ku antu yalwete.

2 Samueli 22:1

Lino Yawe watuula Davidi kuli Saulo na anisi yakwe yauze, Davidi aimbila Yawe ulwimbo luu:

Utandiko 48:16

Si mungeli wino uwampuswisye mu mauzanzo onsi apolelele alumendo yaa! Si zina lyane ni zina lya vikolwe vyane Abulaamu na Isaki likalilile pa alumendo yaa! Si yavyale ana avule na kuti amu mupanda wao yaye avule!”

Milimo 14:8

Mu Lisitala mwikalanga umuntu uwali icite. Kufuma ku kuvyalwa kwakwe atatazile aye na maka ya kupita.

Loma 15:31

Pepini pakuti ntaponela mu makasa yakwe yao atataila amu Yudeya nga na pakuti kutumikila kwane mu Yelusalemu kungapokelelwa na antu yakwe Leza aya mwenemo.

2 Kolinto 1:5

Wakwe vino twakumako ku macuzi aingi yakwe Klistu, vivyo kwene tukakumako ku kutekeziwa kukulu kuno Leza akatupeela kupitila muli Klistu.

2 Kolinto 1:7

Caleka upaalilo witu muno muli usi uwasilesile. Twamanya ukuti wakwe vino mukakumako ku macuzi itu, vivyo kwene mukakumako nu ku wazwilizyo kwene uno Leza akatupeela.

2 Kolinto 12:10

Endi, nemo ndi nu luzango lwa kuya nu utonte, kutukwa, kuzunyiwa, nu kukwata ntazi na macuzi, ndi vyonsi vili pamulandu wakwe Klistu. Pano lino ndi mu utonte, ale lyene nene mukome.