2 Timoti 2:24 - Amazwi Yakwe Leza 2013

²⁴ Muomvi wa Mwene atalinzile kulemanila. Wene alinzile kuya uwa luse kuli onsi, nupya aye kasambilizya musuma akateeka mwenzo.

2 Timoti 2:24 Referans Kwoze

Tito 3:2

Uyanene yatavwangila umuntu umwi viipe, lelo yacita vya kuleta mutende nu kuyelezyanya. Nupya lyonsi yalinzile kufukila umuntu ali wensi.

Tito 1:7

Wikolo wino akatungulula iuvi wene akaangalila mulimo wakwe Leza. Caleka wene atalinzile kuya uwa mpwelo mbi. Wene atalinzile kuya akaitumika nanti musepukilwe, nanti mukolesi nanti uwalwete nanti uwalwiswa lwa mpiya.

1 Tesalonika 2:7

nanti cingaya ukuti twange tulenge uwazwilizyo kufuma kunomuli pamulandu wakuti sweswe atumwa yakwe Klistu. Lelo twali afuke pakasi kinu ndi vino nyina wa ana akasunga ana yakwe ningo.

1 Timoti 6:11

Lelo wemo, we muntu wakwe Leza, utakumako ku vintu vii vyonsi viipe. Uwaezya namaka kucita vyaololoke, ukuya wamuzilo, uwa utailo, kutemwa, kuposya, nga nu kufuka.

Kolose 3:13

Mwatekelana nu kwelelana lyonsi lino umwi wailizyanya pa muze. Mulinzile kwelelana ndi vino Mwene wamwelela.

Filipi 2:14

Mwacita vyonsi kwaula kuilizyanya nanti vikanza,

Filipi 2:3

Mutacita cimwi mukuitemwa nanti mu cilumba, lelo muicefye nu kulola auzo ukuya acindame kuluta mwemwe.

Efeso 4:2

Muye afuke nupya aicefye lyonsi. Mwaposya kuti mulange kutemwana kuli cila muntu.

1 Petulo 3:8

Mukumalila, mwensi kwene mulinzile kuya a mwenzo onga nu kuvwilana ulanda kuli kumwi. Mwatemwana wa ina ataila, mwauvwilana luse nu kufukilana.

Yakobo 3:17

Lelo mano yano yakafuma kwiyulu nkolelo yakatwazwa kuya asanguluke, acuvwano, mutembo nu kuyelezyanya. Yene yakatulenga kukwatisya mizu nga nu kucita vicitwa visuma. Yene yakatulenga kuntakwata vikanza nanti usomvi.

Tito 1:9

Wene alinzile kulemelela na maka kwi landwe lino lingatailwa nupya lilingine nu usambilizyo wa cumi. Mu musango uu, amuno usambilizyo wao wa cumi ungakomelezya yauze nupya amuno yene yangasokolola kuluvyanya kwakwe yayo akakana usambilizyo kwene uu.

2 Kolinto 10:1

Ne Paulo, nkumupapata, ne muno antu yakati nene cantete lino ndi namwe, lelo mupame lino nsi namwe. Kupitila mu ufuke nga nu luse lwakwe Klistu nkumupapata

Milimo 7:26

Uwanda walondelela alola a Izlaeli yaili yakulwa, aezya kuyataasya avwanga ati, ‘Mwe antu mwe, uvwini. Mwemwe ina! Uzye lyene pacani mukulwisyanya?’

Mateo 12:19

Atalacita vikanza nanti kulaizya, nanti kusanzula izwi mu misolo.

Yakobo 4:2

Mukalonda kukwata vintu vino mutakweti. Acino mukacita cili consi, nanti kukoma kwene, pakuti mukwate. Mukalondesya kukwata vintu, lelo mukaposiwa kuvikwata. Caleka mukalemanila nu kulwa. Musyakwata vino mukalonda pamulandu wakuti musyalenga Leza.

Yakobo 1:1

Kalata kufuma kuli ne Yakobo, muomvi wakwe Leza nu wa Mwene Yesu Klistu. Nkulamuka antu yakwe Leza yonsi mitundu ikumi na ili asalangana konsi mu nsi.

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

Yuda 1:3

Mwe yacuza yane akundwe, nalondesyanga kumulembela pa vya ufyusi uno swensi twakumako. Lelo pandakai calondekwa kuti mulembele kuti imukomelezye kutwalilila mu ulwi wa kucingilila utailo uno Leza wapela ku antu yakwe.

Milimo 23:9

Lyene icongo cikulisya cuze, na yamwi amuli yakasambilizya ya Masunde, ali amwi umba lya Afaliseo yakatuka yapazya cuze yati, “Tutazanyile umuntu wii nu mulandu umwi! Nalimwi umupasi nanti mungeli uwavwangile munoli.”

Danieli 6:20

Lyene lino wafika apipi ni ninga ilya, apunda ni zwi ilisakamale ati, “We Danieli, umuomvi wakwe Leza waumi! Uzye Leza wako, wino ukatumikila lyonsi nu mwenzo onsi, watakutuula kuli yacisama?”

Tito 1:1

Kalata kufuma kuli ne Paulo, muomvi wakwe Leza nupya mutumwa wakwe Yesu Klistu. Nasolwilwe nu kutumwa ku kwazwa antu yakwe Leza asololwe kuti njatungulule ku utailo, yamanye cumi cingayalanga vino yangatumikila Leza.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

2 Kolinto 10:4

nanti kuomvya vyanzo vya muno nsi pa kulwa ulwi. Lelo mu cifulo cakwe cii, swemo tukaomvya maka yakwe Leza yano angonona malinga ya mwanisi. Swemo tukaonona kwelenganya kwa ntumpu

Milimo 15:2

Lyene Paulo na Banaba yapusana na antu yaa, yaikana ni vikanza cuze pamulandu uu, alino iuvi lipingula kuti Paulo na Banaba nayauze mwi uvi yaye ku Yelusalemu yakalole atumwa na ikolo pamulandu uu.

2 Milandu 24:6

Cico icalenzile kuti umwene aame Yeoyada simapepo mukalamba nga amuuzya ati, “Uzye pacani cino utanena aina Levi kuti yasonkesye impiya ku Yuda nu ku Yelusalemu, zino Mose umuomvi wakwe Yawe wapile ilamulo kwi uvi lyonsi lya ina Izlaeli kuti yasonke, izya kuomvya ku milimo ya Ng'anda ikulu yakwe Yawe?”

Malango 34:5

Acino Mose umuomvi wakwe Yawe ali pa kufwila mumu kwene mu mpanga yaku Moabu, wakwe muno Yawe wavwanzile.

Yoane 6:52

Caleka Ayuda yapazyanya nu kuuzyanya aisikulu yati, “Uzye umuntu wii angatupeela mwili wakwe kuti tulye mu musango cii?”

Yoswa 1:1

Pacisila ca mfwa yakwe Mose umuomvi wakwe Yawe, Yawe alanda na Yoswa umwana umonsi wakwe Nuni, wiyo uwali kazwa wakwe Mose, ati,

2 Kolinto 6:4

Lelo mu vintu vyonsi vino tukacita tukalanga ukuti mu cumi sweswe aomvi yakwe Leza. Lyonsi tukateeka myenzo nu kuzizimizya nanti tukweti intazi zingi, ucuzi nga nu kutitikiziwa.