2 Timoti 2:18 - Amazwi Yakwe Leza 2013

¹⁸ Yene yasya inzila ya cumi nupya yakavulunganya utailo wakwe yao ataila apa kulanda ukuti kuzyukuka kwa afwe kwacitika mpiti.

2 Timoti 2:18 Referans Kwoze

1 Kolinto 15:12

Ndi cakuti tukukosola ukuti Klistu wazyukwike kufuma ku mfwa, uzye lyene yamwi munomuli yangalanda uli ukuti antu yatalazyukuka kufuma ku afwe yaye nu umi?

1 Timoti 1:19

nupya sunga utailo wako nu kukwata mwenzo usuma. Antu yamwi yasyatontela yakampingu yao. Acino yene yonona utailo wao.

Ayebulai 3:10

Caleka nali musoke ku mukulo uwa, nga mvwanga inti, ‘Pe kwene yakaponga mu myenzo yao yakakana pe kumanya inzila zyane.’

1 Yoane 2:19

Cumi kwene antu yaa yatali mu utandano naswe. Uli mulandu uno yatusile. Ndi yali mu utandano naswe yene yange yaye pamwi naswe. Lelo yene yatusile pakuti cimanyike ukuti munoyali pasi nanti wenga wino mu cumi ali mu utandano naswe.

Yakobo 5:19

Inane, umwi uwa munomuli ndi wasya inzila ya cumi muze alinzile kumuwezya nupya.

2 Timoti 2:14

Iusya antu yako cintu cii, nga nu kuyasoka pa manso yakwe Leza, kuti yataya ni vikanza. Vikanza visyacita cisuma nanti cimwi, lelo vyene vikaonona sile antu yano yakuvwako.

1 Timoti 6:21

Pano yamwi yakati yakweti ukumanya kuu. Lelo pa kutaila muvwango uu yene yaponzya utailo. Cikuku cakwe Leza ciye namwe mwensi.

1 Timoti 6:10

Pano kutemwa impiya ili ntulo ya misango yonsi ya viipe. Yamwi akalondesya impiya yakasya inzila ya utailo nga nu kunyomeka myenzo yao na malanda aingi.

Kolose 3:1

Mwemo mwazyukwilwe pamwi na Klistu nu kuya nu umi. Caleka ikini myenzo inu pa vintu vino vili mwiyulu, muno Klistu atenzi pa cilimba cakwe kwi kasa lilunji lyakwe Leza.

1 Kolinto 11:19

Tutangazunguka ukuti kupaatukana kulinzile kuye munomuli pakuti yao akucita vya wololoke yangaloleka paswe.

Milimo 5:39

Lelo ndi lyafuma kuli Leza, ale lyene mutangayacimvya, limwi mungazanwa vino mukulwisya Leza!” Alino amwi Tengo yazumila mazwi yakwe Gamalieli.

Luka 8:13

Imbezu izyaponile pa lwala, antu yano akauvwa mazwi yakwe Leza, nu kuyapokelela nu luzango. Lelo mazwi yakwe Leza yasiingila nu kwika misisi mukasi ka myenzo yao. Caleka lino nsita yakweziwa yafika, yanenuka.

Mateo 22:29

Yesu nawe aasuka ati, “Mwaponga, pano mutamanya malembelo, nanti maka yakwe Leza.

Mateo 15:13

Ayanena ati, “Muti onsi uno Tata wa mwiyulu atalemile ulipulwa kumwi ni misisi.

Tito 1:11

Cili icalondekwa kulesya mvwango yao, pano yene yakuvulunganya amu ng'anda zyonsi apa kusambilizya vintu vino yatalinzile kusambilizya. Yene yakucita vya nsonyi pamulandu wa kulonda impiya.