2 Timoti 2:14 - Amazwi Yakwe Leza 2013

¹⁴ Iusya antu yako cintu cii, nga nu kuyasoka pa manso yakwe Leza, kuti yataya ni vikanza. Vikanza visyacita cisuma nanti cimwi, lelo vyene vikaonona sile antu yano yakuvwako.

2 Timoti 2:14 Referans Kwoze

2 Timoti 2:23

Lelo wemo fumako ku vikanza vyauwelewele nupya vyaututu. Wamanya ukuti vikanza kwene vii vikaleta kulemanila.

2 Timoti 4:1

Pa manso yakwe Leza nga na Klistu Yesu, wino alapingula antu aumi na afwe, nga nu kwiza ku kuteeka, nkukupeela ilamulo nu kukupapata cuze,

Loma 14:1

Mwazengela umuntu wino utailo wakwe usi ukome, lelo mutapazyanya nawe pali vino umwisikulu akaelenganya.

Ayebulai 13:9

Mutaleka usambilizyo nanti umwi uwa musango onsi umupumvyanye nu kumufumya umu nzila isuma. Cili cisuma kuti myenzo inu ikomeleziwe ni cikuku cakwe Leza, lelo asi mukuyela malamulo pamulandu wa vyakulya. Yao akayela malamulo yaa citayazwa foo.

1 Timoti 5:21

Pa manso yakwe Leza na Klistu Yesu, nga na angeli yamuzilo nkukonkomezya wewe kuti uyele vyonsi vino nakutungulula kwaula kuya ni vikanza nanti kuwila kuli umwi muli vyonsi vino ukucita.

Milimo 15:24

Tuvwa vino antu yamwi apisile kufuma umwi umba litu yati yamwanola nu kuvulunganya kampingu winu pali vino yavwanzile. Swemo tutayatumile kuti yacite vivyo.

2 Petulo 1:13

Lyonsi lino ncili nu umi canzipila kuti ntwalilile kumwiusya vintu vii.

1 Timoti 6:13

Nkukupeela ilamulo pa manso yakwe Leza, wino akapeela umi ku vintu vyonsi, nga na pa manso yakwe Klistu Yesu, wino pakupeela umboni pa manso yakwe Pontio Pilato walanzile cumi cico. Nakunena ukuti

2 Tesalonika 3:6

Mwe ina itu, swemo tukumupeela ilamulo mwi zina lya Mwene witu Yesu Klistu kuti muleuke ku ina inu yonsi akasu nupya yano asyalondela utunguluzi uno twayapile.

Yelemiya 7:8

Lelo si lolini, vino mwemo mukutaila mu mazwi ausomvi nupya asi yampomvu.

1 Samueli 12:21

Mutasenukila ku kulondela tuleza tuluwi. Twene tutangamucitila ivisuma, nanti ukumutuula, pamulandu wakuti utwaciwelewele.

2 Timoti 2:16

Fumako kukulazyanya kukowele nupya ukwa uwelewele kuno kukafumya antu kuli Leza.

1 Timoti 4:8

Ukuyelezya mwili kukaazwilizya panono, lelo kuyelezya kucindika Leza kukaleta umuzano muli vyonsi. Pano kukatwazwa mu vya umi uu, na vino tungaya mu umi ukwiza.

Efeso 4:17

Mwi zina lya Mwene, nkumunena kuti mutacita vintu wa antu atataila, yano kwelenganya kwao ukwa uwelewele

Galatiya 1:7

Mu cumi kutaya “ilandwe lyuze”, lelo nemo nalanda cii pano kuli antu yamwi yano yakumuvulunganya nu kwezya kusenula Ilandwe lyakwe Klistu.

Milimo 13:10

“We mwana wakwe Ciwa! Wewe mwanisi wa wololoke. Mwenzo wako wazulamo misango yonsi ya micitile yankota. Uzye alilaci lino ulata kutumpwila vyawololoke vya Mwene?

Mateo 16:26

Uzye umuntu alakwata muzano cii ndi walonka ivyamu nsi vyonsi, lelo waponzya umi wakwe? Awe kusi cimwi! Uzye kuli cimwi cino umuntu angalipa kuti umi wakwe umuwelele?

Habakuku 2:18

“Uzye umulimo cii uno akaluwi kakwata? Kene kapangwa sile nu muntu, nupya katange kamunene icili consi suka intumpu. Uzye icani cingalenga ukuti kapanga wa kaluwi akataile? Utuluwi tuno wene akapanga tutangavwanga.

Yelemiya 23:36

Lelo mutakezye ukulanda nupya muti, ‘Icisendo cakwe Yawe,’ pamulandu wakuti ndi umwi alacita cico, ale lyene mucumi ndalenga ukuti ciye icisendo kunoli. Antu yavulunganya amazwi yakwe Leza waumi, Yawe Wamaka yonsi, Leza witu.

Yelemiya 23:32

Cumi kwene, nemo nkukanya yakasema yano yakalota iviloto vyaufi. Yene yakalotola iviloto ku antu yane nu kuyatungulula kwi lovyo pamulandu wa ufi wao ni vilumba vyao. Ala nemo ntayatumile nanti ukuyanena ukuti yapitana. Nupya yene yatakweti umulimo nanti umwi ku antu yane.” Ivyalanda Yawe.

2 Timoti 1:6

Pamulandu kwene uu nkukwiusya kuomvya wila uno Leza wakupile lilyo lino nisile makasa yane panuli.

1 Timoti 1:6

Antu yamwi yasya vii yalondela vyakulanzyanya kwa uwelewele.

1 Timoti 1:4

Uyanene kuti yate kulanda vilai ni mitande itali ya mazina ya vikolwe, vivyo vikaleta sile vikanza. Vii visyaazwa kuomba mulimo wakwe Leza, uno ukaombwa mu utailo.

1 Tesalonika 4:1

Pa kumalila, mwe ina itu, mwemo mwasambilile kunotuli pali vino mulinzile kwikala pakuti muzanzye Leza. Endi, vivyo kwene avino mukaikala. Lyene ndakai mwi zina lya Mwene Yesu tukumupapata nu kumukonkomezya kucita cili conga nu kuluta.

Yelemiya 16:19

We Yawe, we maka yane, we linga lyane, cakuzinamo cane mu wanda wa ulanda. Imitundu iliza kunuli, ukufuma ku mipaka ya mpanga ilalanda nu kuti, “Yatata yapyanyile ivyaufi utupu tupu, ivyaciwelewele, vyaula amaka.

Yelemiya 2:11

Uzye kwatala kwaloleka umutundu uno ukakauzya tuleza twakweo utuluwi, nanti angala tusi utwampomvu?

Yelemiya 2:8

Yasimapepo nayo yakanyile ukuuzya yati, ‘Uzye Yawe ali kwi?’ Yakapingula nayo yatamanyile nene, intunguluzi nazyo zyansangukile. Yakasema nayo yasemile mwi zina lyakwe Baali. Nga yalondela utuluwi utwasilesile.

Tito 3:1

Nena antu yako ukuti lyonsi yaiusya kutontela yakateeka na yao ali pa utunguluzi, kuyela nga nu kuiteyanya kucita visuma mu musango onsi.