2 Samueli 9:2 - Amazwi Yakwe Leza 2013

² Lyene kwali umuntu umwi umuomvi wakwe Saulo wino yamanga yati Ziba, nga iyamunena kuti akalolane na Davidi. Alino Davidi amuuzya ati, “Uzye wewe uli Ziba?” Nawe aasuka ati, “Musambazi, apanondi ne muomvi wako.”

2 Samueli 9:2 Referans Kwoze

2 Samueli 19:17

Wene wali pamwi na onsi izimbi lyonga aina Benjamini. Na Ziba umuomvi wa aluko lwakwe Saulo, nawe kwene wizile pamwi na ana yakwe ikumi lyonga na yasano nga na aomvi yakwe amakumi yaili. Nga iyafika ku Yodani lino umwene atacili afike kweneko.

Utandiko 39:6

Potifa apeela vyonsi ni milimo yapa ng'anda mu makasa yakwe Yosefu. Wene aelenganya ukulya kutupu. Yosefu wali mulumendo wa cata cisuma nupya muyembe cuze.

Utandiko 24:2

Alino Abulaamu anena muomvi wakwe uwali akalolela wa vyuma vyakwe vyonsi ati, “Pisya makasa yako mu mpamba zyane nu kulapa.

2 Samueli 19:18

Iyalamba uluzi kuti yasukilile umwene na antu yakwe ku mbalama yuze nga nu kucita consi cino umwene akasi. Lino umwene akuiteyanya ukulamba, Syimei apona pansi inkolelo yakwe,