2 Samueli 7:6 - Amazwi Yakwe Leza 2013

⁶ Intatala nikala umu ng'anda ukutandika lino nafumizye aina Izlaeli mu Eguputo, ukufika nu wanda wi lelo. Lelo nkaikala umwi taalu monsi muno tukapita.

2 Samueli 7:6 Referans Kwoze

1 Yamwene 8:16

‘Ukutandika sile lino ne Yawe nafumizye antu yane, aina Izlaeli mu Eguputo, ntatala nasolola umusumba uwa kukuula mwenemo Ng'anda ikulu ya kumpepela mwenemo. Lelo nakusolola wewe Davidi kuti wateeka nu kutungulula antu yane aina Izlaeli.’ ”

Yoswa 18:1

Pacisila lino iuvi lyonsi lya ina Izlaeli lyapokolola impanga yonsi pyu, lyakongine ku Syilo kuko kuno lyasimfile ni Taalu lya Ukongano.

Umbwilo 2:1

“Lemba ku ntunguluzi yakwi uvi ku Efeso uti, “Lii ilandwe kufuma kuli wino alemile ntanda cinimbali mwi kasa lyakwe lilunji nupya wene akapita pakasi ka vyakutekapo inyali cinimbali.

2 Kolinto 6:16

Uzye ng'anda yakwe Leza vingalemana uli nu tuluwi? Sweswe ng'anda ikulu yakwe Leza wa umi, ndi vino Leza umwisikulu walanda wati, “Ndikala pamwi na antu yaa nga nu kupita pakasi kao. Ndaya Leza wao, nao yalaya antu yane.”

Milimo 7:44

“Ivikolwe vitu vyali ni Taalu lya kulanga vino Leza wali nao mu lwanga. Lyapanzilwe wakwe vino Leza wanenyile Mose kulipanga, kulingana na vino Mose yamulanzile mu cilolwa.

Malango 23:14

Fwandi muce mwasunga ningo kamba kinu ka asilika mu usaka, pamulandu wakuti Yawe Leza winu amayanga namwe mu kamba ka asilika, kuti amucingilile na kuti amupeele ucimvyo pa anisi inu. Mutakezye ukucita icintu nanti cimwi cawinyi cino cingalenga Yawe amufutatile.

2 Samueli 11:11

Uliya nawe aasuka Davidi ati, “Aina Izlaeli na ina Yuda yonsi yali ku nkambi, nga umusambazi wane Yoabu nga na makombe ya mwene yatiyakuula insakwe pa mpanga pa mbiliwili. Uzye lyene icani icingaleka nene inje ukwane ku kumwa nu kulya nu kulala nu muci wane? Awe icumi nalaya nu mulapo ukuti cico cene ntange ncicite!”

Yakapingula 20:27

Alino aina Izlaeli iyuzya Yawe. (Pa manda yalya Mbokosi ya Upangano yakwe Yawe yali kuku,