2 Samueli 6:16 - Amazwi Yakwe Leza 2013

¹⁶ Lino Mbokosi ya Upangano yakwe Yawe ikwingiziwa mu Musumba wakwe Davidi, Mikala umwana umwanaci wakwe Saulo ale akusungamila pa nzota. Lyene alola kuno umwene Davidi akucina nu kutoloka pa manso yakwe Yawe. Lyene amusuula umu mwenzo wakwe.

2 Samueli 6:16 Referans Kwoze

1 Kolinto 2:14

Muntu wino asi na Mupasi, wene atangapokelela mawila yakwe Mupasi wakwe Leza. Muntu uwa musango uu, atangiluka vintu vya Mupasi. Kunoli visisenula cimwi, pano vikalondekwa kuya nu Mupasi Wamuzilo kuti muntu avyuvwe.

1 Milandu 15:29

Lino Mbokosi ilya ya Upangano ikwingiziwa mu musumba wakwe Davidi, Mikala umwana umwanaci wakwe Saulo ala asungamile ukunzi apa nzota. Nga lino walola umwene Davidi akucina nu kuzevya, atandika kumusula umu mwenzo wakwe.

Masamu 69:7

Ala nemo, apali wewe, apano yansuulila, ni nsonyi zyandema.

Milimo 2:13

Yamwi nao yavwanga misowe misowe yati, “Antu ya, yatiyakoleka.”

2 Samueli 3:14

Nga Davidi nawe kwene atuma inkombe kuli Isyibosyeti ku kumunena ziti, “Mbwezyezini Mikala umuci wane. Nemo nalifile inkanda izimbi lyonga izya ina Filisti izya usilamu pakuti imusake.”

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

2 Samueli 5:7

(Lelo Davidi apokolola umusumba wao wi linga uwa Zioni, umusumba nga iyawama ukuti “Umusumba wakwe Davidi.”)

2 Samueli 6:15

Acino wene pali pamwi na ina Izlaeli yonsi iyasenda Mbokosi ya Upangano yakwe Yawe iyatumbela ukuya ku Yelusalemu ala yakupunda ni nsansa iyalizya ni ntandala.

2 Samueli 6:20

Lino Davidi wawelulwike ukwakwe ku kupolelela amu mupanda wakwe, Mikala umwana umwanaci wakwe Saulo aiza ku kumukomenkanya nga amunena ati, “Iye mwe vino umwene waku Izlaeli wali wailanga ilelo! Umwene wali wailanga wa muntu umuwelewele pa manso ya anaci aomvi akaombela aomvi yakwe!”

1 Samueli 18:17

Saulo pali pakunena Davidi ati, “Lola, Melabi umwana wane kaci, nyinalenzi pa yauze. Ali wino namakutwalizya. Cikulu sile ukatale ukandwisizye umukusipa nu kulwa inkondo zyakwe Yawe.” Pano Saulo welenginye ati, “Insikulonda ukukoma Davidi. Lelo aina Filisti ali yano yace yasuke yamukome.”

1 Samueli 18:20

Lelo Mikala, umwana umukazyana namuze wakwe Saulo, atemwa sana Davidi. Lino yanena Saulo umulandu uu, awe icimuzanzya.

Masamu 123:3

Ya na mizu kunotuli, we Yawe, ya na mizu kunotuli. Pano anisi itu yati yatusaalula wakwe cimwi.